ءيا, مەملەكەت قۇراۋشى ۇلت قازاق حالقى ەكەنىنە ەشكىمنىڭ داۋى جوق. بىراق ءبىز مەملەكەت قۇراۋشى ۇلت رەتىندە بىرىكتىرۋشى ۇلتقا اينالا الدىق پا دەگەن ساۋال مەنى ءجيى مازالايدى.
وسى تۇرعىدان العاندا, ۇلتتىق قۇندىلىقتارىمىزدى قۇرمەتتەۋدى, سالت-داستۇرىمىزگە ساي ءومىر ءسۇرىپ, ءدىنىمىز بەن ءتىلىمىزدى بەرىك ۇستانۋدا, وزگەلەرگە ۇلگى بولۋعا ءتيىسپىز. قازاق ء«وزىڭدى – ءوزىڭ جاتتاي سىيلا, جات جانىنان ءتۇڭىلسىن» دەيدى. وزگە ۇلت وكىلدەرى قازاق حالقىن قۇرمەتتەسىن دەسەك, ءبىرىنشى كەزەكتە ءوزىمىزدى ءوزىمىز سىيلاپ, باسقاعا سىيلاتا ءبىلۋىمىز كەرەك. ەرەگىسپەن ءجۇرىپ ەنشى الۋ ءبىزدىڭ قانىمىزدا جوق قاسيەت. ەلدىڭ بەرەكە-بىرلىكتە كۇن كەشىپ, قوعامدىق-ساياسي احۋالدىڭ تۇراقتى بولۋىنا مەملەكەت قۇراۋشى ۇلت رەتىندە ءبىرىنشى كەزەكتە قازاق حالقى جاۋاپتى. ال وزگە ۇلت وكىلدەرى ءداستۇرىمىزدى دارىپتەپ, ءتىلىمىز بەن ءدىنىمىزدى سىيلاپ, زاڭىمىزدى قۇرمەتتەپ, مەملەكەتتىك ءتىلدى مەڭگەرىپ, جاتتىعىن سەزدىرمەسە, ءبىزدىڭ دە ولارعا قاشاندا قۇشاعىمىز اشىق. تاۋەلسىز ەلىمىزدە, ءوز جەرىمىزدە بىرلىگىمىزبەن قازاقتىڭ توڭىرەگىندە بىرىككەن ءبىر ەل بولىپ, ونەگەمىزبەن وزگەنى باۋىرىمىزعا باسا بىلەيىك.
بەرىك ابدىعالي ۇلى,
ۇلىتاۋ اۋدانىنىڭ اكىمى
