وتىرىستى اشقان ەكونوميكالىق رەفورما جانە وڭىرلىك دامۋ كوميتەتىنىڭ توراعاسى ن.سابيليانوۆ زاڭ جوباسى اقپاراتتىق-كوممۋنيكاتسيالىق ينفراقۇرىلىمدى دامىتۋ جونىندەگى زاڭنامانى جەتىلدىرۋگە, تسيفرلىق تەحنولوگيالاردى ەنگىزۋگە جانە دامىتۋعا, سونداي-اق تسيفرلىق تەحنولوگيالاردى (بلوكچەيندى, ۇلكەن دەرەكتەردى, تسيفرلىق اكتيۆتەردى جانە باسقالاردى) قولدانۋمەن بايلانىستى قوعامدىق قاتىناستاردى رەتتەۋگە, اقپاراتتىق-كوممۋنيكاتسيالىق تەحنولوگيالار سالاسىنداعى جوبالاردى ىسكە اسىرۋ كەزىندە جاعداي جاساۋعا باعىتتالعانىن اتاپ ءوتتى.
زاڭ جوباسى 38 زاڭنامالىق اكتىگە, ونىڭ ىشىندە 8 كودەكسكە جانە 30 زاڭعا وزگەرىستەر مەن تولىقتىرۋلار ەنگىزۋدى كوزدەيدى. وسى تاقىرىپ بويىنشا بايانداعان تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى ا. وسپانوۆ زاڭ جوباسىن قابىلداۋدىڭ نەگىزگى ماقساتى - تسيفرلىق تەحنولوگيالاردى قولدانۋعا جانە ەنگىزۋگە بايلانىستى قوعامدىق قاتىناستاردى رەتتەۋدىڭ قۇقىقتىق نەگىزىن قۇرۋ ەكەنىنە توقتالدى.
سونىمەن قاتار ۇسىنىلعان تۇزەتۋلەر التى نەگىزگى باعىتقا بولىنگەن. ولار: تسيفرلىق تەحنولوگيالار, دەرەكتەردى تالداۋ, حالىققا قىزمەت كورسەتۋ ءۇشىن جاعداي جاساۋ, ينۆەستيتسيالىق تارتىمدىلىقتى ارتتىرۋ, ۇلتتىق قاۋىپسىزدىكدى قامتاماسىز ەتۋ مەن جەكە دەرەكتەردى قورعاۋ جانە اقپاراتتىق قاۋىپسىزدىكپەن قامتاماسىز ەتۋ.
بۇل شارالار, ءوز كەزەگىندە, اقپاراتتىق تەحنولوگيالار سالاسىنداعى ينۆەستيتسيالىق احۋالدى جاقسارتىپ, جەكە دەرەكتەردى قورعاۋدى كۇشەيتىپ, تۇرعىندارمەن ءتيىمدى كەرى بايلانىستى ورناتۋعا مۇمكىندىك بەرەدى. وتىرىس بارىسىندا كوميتەت شەشىمىمەن زاڭ جوباسىنا ءماجىلىس دەپۋتاتى, ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى پ. كازانتسەۆ جۇمىس توبىنىڭ جەتەكشىسى بولىپ بەلگىلەندى.
ايتا كەتۋ كەرەك, زاڭ جوباسىن قاراۋ, تالقىلاۋ كەزىندە قوعامدىق ساراپشىلار, ۇكىمەتتىك ەمەس ۇيىمدار مەن بۇقارالىق اقپارات قۇرالدارىنىڭ وكىلدەرىن تارتۋ تاجىريبەسى جالعاستىرىلۋدا. وتىرىسقا ءماجىلىس دەپۋتاتتارى, مينيسترلىكتەردىڭ, ۆەدومستۆولاردىڭ جانە مۇددەلى مەملەكەتتىك ورگانداردىڭ وكىلدەرى قاتىستى.
