الدىمەن سەناتورلارعا كوميتەتتە بىلتىر ىسكە قوسىلعان بايلانىس ورتالىعىنىڭ جۇمىسى كورسەتىلدى. اتالعان ورتالىققا 1414 بايلانىس ءنومىرى ارقىلى حابارلاسىپ, كەز كەلگەن ازامات كىرىس پەن شىعىسقا قاتىستى ءوزىن تولعاندىرعان سۇراقتارعا جاۋاپ الا الادى.
كوميتەت وكىلدەرىنىڭ مالىمدەۋىنشە, ورتالىققا كۇنىنە 300-گە جۋىق قوڭىراۋ شالىنىپ, تۇرعىنداردىڭ 80 پايىزى العان جاۋاپتارىنا قاناعاتتانادى.
قارجى مينيسترلىگى مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆتىڭ ايتۋىنشا, بيىلدان باستاپ بارلىق ساۋدا جۇيەسى ونلاين كاسساعا كوشۋى ءتيىس. قازىرگى كۇنى كاسسالىق اپپارات قۇرىلعىسىمەن كوبىنەسە شاعىن جانە ورتا كاسىپ يەلەرى قولدانادى.
سونىمەن قاتار سەنات دەپۋتاتتارى كوميتەت جانىنان پيلوتتىق جوبا رەتىندە قۇرىلعان احۋال ورتالىعىنىڭ جۇمىس بارىسىمەن ەتەنە تانىستى.
ەگەر اتالعان پيلوتتىق جوبا ءساتتى جۇزەگە اسىرىلسا, ەل ءىشى مەن قاتار شەكارالىق, كەدەندىك جاعدايدى باقىلايتىن رەسپۋبليكالىق اۋقىمدى احۋال ورتالىعى اشىلاتىن بولادى.
بۇگىندە احۋال ورتالىعىنىڭ ماماندارى ەل شەكاراسى ارقىلى كىرەتىن جانە شىعارىلاتىن بارلىق كەدەندىك راسىمدەردى باقىلاپ وتىرادى. ماقسات – كەدەندىك قاۋىپسىزدىكپەن قاتار, تاۋار اينالىمىن كولەڭكەلى ەكونوميكادان ساقتاۋ.
مەملەكەتىك كىرىستەر كوميتەتى ماماندارىنىڭ ايتۋىنشا, احۋال ورتالىعى ارقىلى تاۋارلار عانا ەمەس, شەكارانى اتتاعان ءاربىر اۆتوكولىك تولىقتاي تەكسەرۋدەن وتەدى.
«بۇگىندە قارجى جانە ۇلتتىق ەكونوميكا مينيسترلىگى بىرلەسىپ سالىق كودەكسى تۋرالى زاڭعا وزگەرىستەر ەنگىزىپ جاتىر. وسى ورايدا ءبىز بۇگىن سەناتورلار توبى مەملەكەتتىك كىرىستەر كوميتەتىنىڭ جۇمىسىمەن تانىسۋدى ءجون كوردىك. ەلىمىزگە سىرتتان كەلەتىن تاۋارلار مەن ونىمدەردىڭ قالاي جەتكىزىلەتىنىن, ياعني ادامنىڭ قاتىسۋىنسىز تەحنولوگيا مەن اۆتوماتتاندىرىلعان قۇرىلعىنىڭ كومەگىمەن جۇمىس ىستەيتىندىگىنە كوزىمىز جەتتى. بۇل ءوز كەزەگىندە سىبايلاس جەمقورلىقتىڭ دا الدىن الادى. دەمەك بيزنەس وكىلدەرى زامان تالابىنا ساي, جاڭا جاعدايدا جۇمىس ىستەۋگە دايىن بولۋى ءتيىس. سەبەبى, تاۋەكەلدى باسقارۋ جۇيەسى قاتاڭ باقىلاۋعا الىنعان», - دەدى پارلامەنت سەناتى قارجى جانە بيۋدجەت كوميتەتىنىڭ توراعاسى ولگا پەرەپەچينا.
و. پەرەپەچينانىڭ ايتۋىنشا, وزگەرىستەر مەن تولىقتىرۋلار ەنگىزىلىپ جاتقان سالىق كودەكسى تۋرالى جاڭا زاڭ سەنات قاراۋىنان سوڭ ۇستىمىزدەگى جىلدىڭ سوڭىنا دەيىن قابىلدانادى دەپ جوسپارلانۋدا.
«بۇگىن مەملەكەتتىك كىرىستەر سالاسىنداعى سوڭعى جاڭاشىلدىقتارمەن تانىستىق. بايقانىمىزداي, قازىرگى ۋاقىتتا زاڭدى تۇلعالاردىڭ تابىسى مەن مەملەكەتكە تولەۋى ءتيىس سالىق مولشەرى اۆتوماتتى تۇردە باقىلاۋعا الىنعان. دەگەنمەن زاڭدى الىدە بولسا قاتاڭداتۋ قاجەت. اسىرەسە شەكارادان زاڭسىز نەمەسە تالاپقا ساي ەمەس تاۋار تاسۋشىلارعا ايىپپۇل كولەمىن ۇلعايتۋ قاجەت. بۇل ورايدا بىزدەر مەملەكەتتىك كىرىستەر كوميتەتىنىڭ جاڭا ۇسىنىمدارىن قولداۋعا ءازىرمىز», - دەيدى پارلامەنت سەناتى قارجى جانە بيۋدجەت كوميتەتىنىڭ حاتشىسى ەربولات مۇقاەۆ.
