تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى ابىلايحان وسپانوۆ پارلامەنت ماجىلىسىندە زاڭ جوباسىن تانىستىرۋ بارىسىندا بۇل تۇزەتۋلەردى ەنگىزۋ زامان تالابى ەكەنىن ايتىپ ءوتتى.
ۇسىنىلعان نەگىزگى جاڭاشىلدىقتاردىڭ ءبىرى قازاقستاندىقتاردىڭ جەكە دەرەكتەرىن قورعاۋدى كۇشەيتۋگە قاتىستى.
«بۇل زاڭ جوباسىنا ءبىز ازاماتتاردى جەكە دەرەكتەرىنىڭ پايدالانىلعانى تۋرالى حاباردار ەتەتىن ارنايى سەرۆيس ەنگىزۋدى ۇسىنامىز. ياعني, ءار ازامات ءوزىنىڭ جەكە دەرەكتەرىن كىمنىڭ, نە ءۇشىن سۇراتقانىن جانە پايدالانعانىن بىلەتىن بولادى. بۇدان باسقا, جەكە دەرەكتەردى قورعاۋ جونىندەگى ۋاكىلەتتى ورگاندى ايقىنداۋ ماڭىزدى دەپ سانايمىز. وسىلايشا, مەملەكەت ازاماتتارىمىزدىڭ جەكە ومىرىنە قول سۇقپاۋدى قامتاماسىز ەتە الادى",- دەپ اتاپ ءوتتى ابىلايحان وسپانوۆ.
زاڭ جوباسىنا 6 نەگىزگى باعىت بويىنشا 252 تۇزەتۋ ەنگىزىلگەن, ولار قازاقستاندا تسيفرلىق تەحنولوگيالاردى قولدانۋ مەن ودان ءارى ەنگىزۋ ءۇشىن قۇقىقتىق نەگىز قۇرۋعا باعىتتالعان. مىسالى, جۇمىستىڭ وزەكتى باعىتتارىنىڭ ءبىرى-تسيفرلىق قۇجاتتاردى زاڭداستىرۋ.
«اتالعان زاڭ جوباسىندا ءبىز موبيلدىك ۇكىمەت بازاسىندا تسيفرلىق قۇجاتتار سەرۆيسىن ەنگىزۋدى ۇسىنامىز. بۇل مەحانيزم رەسپۋبليكا ازاماتتارىناوزىمەن بىرگە كۋالاندىراتىن قۇجاتى بولماعان جاعدايدا دا مەملەكەتتىك جانە مەملەكەتتىك ەمەس قىزمەتتەردى الۋىنا مۇمكىندىك بەرەدى. ءبىز بۇل جاڭاشىلدىقتى ەنگىزۋگە دايىنبىز جانە eGov mobile قوسىمشاسىندا اتالعان سەرۆيستى ىسكە قوستىق», - دەپ اتاپ ءوتتى ابىلايحان وسپانوۆ.
ازاماتتارعا مەملەكەتتىك قىزمەتتەردى الۋدا وزدەرىنىڭ بيومەتريالىق دەرەكتەرىن پايدالانۋ مۇمكىندىگىن ۇسىنباقشىمىز. پيلوتتىق رەجيمدە بۇل ءتاسىل نۇر-سۇلتان, الماتى جانە قىزىلوردا قالالارىنداعى بىرنەشە حالىققا قىزمەت كورسەتۋ ورتالىقتارىندا پايدالانىلۋدا. ەندى بيومەتريالىق دەرەكتەردى جيناۋ جانە پايدالانۋ ءتارتىبىن زاڭدى تۇردە بەكىتۋدى ۇسىنامىز.
«بۇل جاڭاشىلدىق زاڭعا ەنگىزىلگەن جاعدايدا نۇر-سۇلتان, الماتى جانە قىزىلوردا قالالارىنداعى بىرنەشە حقكو-دا عانا ەمەس, «ازاماتتارعا ارنالعان ۇكىمەت» كورپوراتسياسىنىڭ رەسپۋبليكا بويىنشا بارلىق بولىمشەلەرىنەنازاماتتار ءوزىنىڭ ساۋساق ىزدەرى مەن بەينەسىن پايدالانا وتىرىپ, قىزمەت تۇرلەرىن الۋ مۇمكىندىگىنە يە بولادى. ياعني ازاماتتارعاتاڭداۋ ۇسىنىلادى: ءداستۇرلى تولقۇجات, جەكە كۋالىك, ەتسق-نىڭ كومەگىمەن نەمەسە زاماناۋي, جەكە باسىن ءوزىنىڭ ساۋساق ىزىمەن راستاي وتىرىپ, تەلەفونداعى TouchID جانە Face سياقتى سەرۆيستەردىڭ كومەگىمەن الۋ», - دەدى ۆيتسە-مينيستر.
تسيفرلىق تەحنولوگيالاردى ەنگىزۋ كەزىندە ۇسىنىلاتىن تاسىلدەردى ىسكە اسىرۋ مەملەكەتتىك باسقارۋدىڭ اشىق جۇيەسىن قۇرۋعا, سونداي-اق دەرەكتەردى تالداۋ نەگىزىندە الەۋمەتتىك-ەكونوميكالىق كورسەتكىشتەردى ناقتى جوسپارلاۋ مەن بولجاۋ ەسەبىنەن ەكونوميكا سەكتورلارىن دامىتۋعا ىقپال ەتەدى. بۇل شارالار, ءوز كەزەگىندە ءىت سالاسىنداعى ينۆەستيتسيالىق احۋالدى جاقسارتۋعا, دەربەس دەرەكتەردى قورعاۋدى كۇشەيتۋگە جانە ۇلتتىق قاۋىپسىزدىكتى قامتاماسىز ەتۋگە, سونداي-اق حالىقپەن ءتيىمدى كەرى بايلانىس ورناتۋعا مۇمكىندىك بەرەدى.
