ماشينا جاساۋ كاسىپورىندارى قىزمەتكەرلەرى ءۇشىن الەۋمەتتىك كەپىلدىكتەر قاراستىردى

بۇل كەلىسىم ماشينا جاساۋ كاسىپورىندارى, ونىڭ ىشىندە قورعانىس ونەركاسىبى قىزمەتكەرلەرى ءۇشىن الەۋمەتتىك كەپىلدىكتەر مەن جەڭىلدىكتەر قاراستىرادى:

- زياندى جانە اۋىر ەڭبەك جاعدايلارىنداعى جۇمىسقا قوسىمشا اقىلار (سالالىق ارتتىرۋشى كوەففيتسيەنتتەر);

- ءتيىستى جىلعا ارنالعان رەسپۋبليكالىق بيۋدجەتتە بەلگىلەنگەن ەڭ تومەنگى ەڭبەكاقىعا 1,2-دەن كەم ەمەس كوەففيتسيەنتپەن 1-رازريادتى سالالىق ەڭ تومەنگى تاريفتىك ستاۆكا;

- ەكىلىك كوەففيتسيەنتتەر;

- كاسىبي شەبەرلىگى ءۇشىن ۇستەمەاقى;

- بريگادانى (اۋىسىمدى) باسقارۋ ءۇشىن قوسىمشا اقى;

- تالىمگەرلەرگە جاستارمەن جۇمىس ىستەگەنى ءۇشىن قوسىسشا اقى;

- اۋىر جۇمىستاردا, ەڭبەك جاعدايلارى زياندى جانە قاۋىپتى جۇمىستاردا ىستەيتىن قىزمەتكەرلەر ءۇشىن ەڭبەككە ۋاقىتشا جارامسىزدىعى بويىنشا ايلىق جاردەماقىعا قوسىمشا اقىلار;

- بىرجولعى وتەماقى تولەۋ كەزىندە جازاتايىم وقيعالار جانە كاسىبي اۋرۋلار زارداپ شەككەن قىزمەتكەرگە نەمەسە ادامدارعا ارنالعان;

- ەڭبەكتى قورعاۋ جونىندەگى تەحنيكالىق ينسپەكتور فۋنكتسيالارىن ورىندايتىن قىزمەتكەرلەرگە ايىنا 5 ايلىق ەسەپتىك كورسەتكىشتەن كەم ەمەس مولشەردە قوسىمشا اقى;

- قوسىمشا اقىلى دەمالىس;

- جاس قىزمەتكەرلەرگە ماتەريالدىق كومەك كورسەتۋ جانە قارىز (نەسيە) بەرۋ;

- قىزمەتكەرلەردى ساناتورلىق-كۋرورتتىق ەمدەلۋگە جانە ساۋىقتىرۋعا جولدامالارمەن قامتاماسىز ەتۋ;

- تۇرعىن ءۇي قۇرىلىسىنا قاتىسۋشى قىزمەتكەرلەرگە تۇرعىن ءۇيدى جالعا الۋعا اقى تولەۋ ءۇشىن كومەك;

- بالانىڭ تۋىلۋىنا بايلانىستى ماتەريالدىق كومەك;

- الەۋمەتتىك قولداۋ قىزمەتكەرلەرىنە جانە ولاردىڭ وتباسى مۇشەلەرىنە, بۇرىنعى قىزمەتكەرلەرىنە جانە تاعى باسقالار.

اتالعان كەلىسىم قازاقستان رەسپۋبليكاسىنىڭ اۋماعىندا تىركەلگەن, مەنشىك يەلەرى, قۇرىلتايشىلارى (قاتىسۋشىلارى) نەمەسە اكتسيونەرلەرى شەتەلدىك ازاماتتار نەمەسە شەتەلدىك زاڭدى تۇلعالار نە شەتەل قاتىساتىن زاڭدى تۇلعالار بوپ تابىلاتىن ۇيىمدارعا, سونداي-اق فيليالدار مەن شەتەلدىك زاڭدى تۇلعالاردىڭ وكىلدىكتەرىنە تارايدى.