مەملەكەتتىك قىزمەت ىستەرى اگەنتتىگىنىڭ باسشىسى العى سوزىندە مەملەكەتتىك قىزمەت ينستيتۋتى جۇمىسىنىڭ تيىمدىلىگىن قامتاماسىز ەتۋدەگى شەشۋشى ءرول مەملەكەتتىك قىزمەتشىلەردى وقىتۋ جانە قايتا دايارلاۋ ەكەنىن اتاپ ءوتتى.
جاپوندىق ارىپتەستەرمەن قالىپتاسقان ىنتىماقتاستىقتىڭ ارقاسىندا قولدانىستاعى ارنايى وقىتۋ باعدارلامالارى شەڭبەرىندە مقىا باسشىلىق قۇرامىنىڭ بىرقاتار وكىلدەرى اكيحيكو تاناكا مىرزا باسقاراتىن ينستيتۋتتا وقىدى نەمەسە وقيدى.
كەزدەسۋ بارىسىندا انار جايىلعانوۆا قوناقتاردى تۇڭعىش پرەزيدەنتى - ەلباسىنىڭ ۇلت جوسپارى - 100 ناقتى قادامدى كەزەڭ-كەزەڭىمەن جۇزەگە اسىرۋ ناتيجەسىندە مەملەكەتتىك قىزمەتتىڭ وتاندىق جۇيەسىن رەفورمالاۋ تۋرالى حاباردار ەتتى جانە ونىڭ بولاشاق دامۋ ۇردىستەرى تۋرالى ايتتى.
«مەملەكەت باسشىسىنىڭ تاپسىرماسى بويىنشا اگەنتتىك تالانتتى جاستار ءۇشىن ءتيىمدى الەۋمەتتىك ليفت بولىپ تابىلاتىن پرەزيدەنتتىك جاستار كاد رەزەرۆىن قۇرۋ بويىنشا جوبانى جۇزەگە اسىردى.
باسقارۋ قۇرامىن جاڭارتۋمەن قاتار, مەملەكەت باسشىسىنىڭ تاپسىرماسىن ورىنداۋ اياسىندا 2024 جىلعا قاراي مەملەكەتتىك قىزمەتشىلەر مەن كۆازيمەملەكەتتىك سەكتور قىزمەتكەرلەرىنىڭ سانىن 25% - عا قىسقارتۋ مىندەتى تۇر.
مەملەكەتتىك باسقارۋدىڭ جالپى كونتەكستىندە وسى ەكى شارا شاعىن, بىراق تيىمدىلىگى جوعارى جانە كاسىبي مەملەكەتتىك اپپارات قۇرۋعا باعىتتالعان.
جالپى مەملەكەتتىك قىزمەت سالاسىنداعى ءبىز جۇزەگە اسىرىپ وتىرعان ساياسات «ۇكىمەتتىڭ تيىمدىلىگى» كورسەتكىشى بويىنشا دۇنيەجۇزىلىك بانكتىڭ رەيتينگىسىندە قازاقستان 20 جىل ىشىندە 65 پوزيتسياعا, 154 - تەن 89-عا دەيىن كوتەرىلدى», - دەپ اتاپ ءوتتى ا. جايىلعانوۆا.
ءوز كەزەگىندە اكيحيكو تاناكا مىرزا اگەنتتىكتىڭ ۆەدومستۆولىق باعىنىستى ۇيىمى - قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىمەن ىنتىماقتاستىقتى كەڭەيتۋگە مۇددەلىلىگىن ءبىلدىردى. تاراپتار مەملەكەتتىك قىزمەتشىلەردىڭ كاسىبيلىگىن, يكەمدىلىگى مەن جاۋاپكەرشىلىگىن ارتتىرۋ ءۇشىن ولاردى دايىنداۋ تەتىكتەرىن ۇنەمى جەتىلدىرۋ قاجەتتىگىن تالقىلادى.
2020 جىلعى 10 اقپاندا دوكتور اكيحيكو تاناكا اكادەميانىڭ ديپلوماتيا ينستيتۋتىنىڭ ماگيسترانتتارىنا ءدارىس وقىدى. ءدارىس شىعىس ازياداعى حالىقارالىق ساياسات ماسەلەلەرى مەن ايماقتاعى جاپونيا پوزيتسياسىنا ارنالدى.
ول سونداي-اق سولتۇستىك كورەيا يادرولىق ماسەلەسى مەن ء«بىر بەلدەۋ – ءبىر جول» قىتاي باستاماسىنىڭ ماسەلەلەرىن قوزعادى, ماگيسترانتتاردىڭ سۇراقتارىنا جاۋاپ بەردى.
