«قىرعىزستانعا كەتكەن بارلىق 9 ادامدى ءبىز الدىمەن الماتىعا اكەلدىك, سوسىن تارازعا جەتكىزدىك. قازىر ول جاقتا ادام جوق. بارلىق قاجەتتى مەديتسينالىق كومەك كورسەتىلۋدە», - دەدى ب. ساپارباەۆ.
بۇگىندە ۇكىمەت كوميسسياسى جەرگىلىكتى تۇرعىنداردىڭ كومەگىمەن ورتەنگەن ۇيلەر مەن كوممەرتسيالىق نىسانداردى قاراپ, تەكسەرىپ جاتىر. الداعى 1-2 كۇندە كوميسسيا ولاردىڭ ناقتى سانى تۋرالى جانە زارداپ شەككەندەردىڭ قانداي كومەككە مۇقتاج ەكەنى جايلى اقپارات بەرەدى.
«بۇل ءۇش كۇندە ءبىز 5 اۋىلدىڭ تۇرعىندارىمەن كەزدەستىك, ولارعا قانداي كومەك كورسەتىلەتىنىن ناقتىلادىق. جالپى, تۇرعىندار جاعدايدى دۇرىس ءتۇسىنىپ وتىر. كەشە ءبىز اقساقالدارمەن كەزدەستىك, ولارمەن سويلەستىك», - دەدى ب. ساپارباەۆ.
ءۇش كۇن ىشىندە كەيبىر ازاماتتار قىرعىزستانعا كەتىپ قالعان. ب. ساپارباەۆتىڭ ايتۋىنشا, ەكى كۇن ىشىندە 8 مىڭعا جۋىق ازامات قايتارىلدى.
كەشەدەن بەرى بارلىق مەكتەپتەر, بالاباقشالار قالىپتى رەجيمدە جۇمىس ىستەپ جاتىر, بارلىق دۇكەندەردە دە جۇمىس باستالدى.
«قازىر تۇرعىن ۇيلەر مەن ساۋدا نىساندارىن سالۋعا جەرگىلىكتى قۇرىلىس كومپانيالارى مەن جەرگىلىكتى تۇرعىندار تارتىلاتىن بولادى. ءبىز بيزنەسمەندەرمەن - قورداي اۋدانىنىڭ تۋمالارىمەن جۇمىس ىستەيمىز, ولار كومەكتەسۋگە ءازىر. ولاردىڭ مۇمكىندىكتەرىن پايدالاناتىن بولامىز. بارلىق جاعداي باقىلاۋدا. بارلىعى قالپىنا كەلەدى دەپ ويلايمىن. ارينە, كەيبىر ماسەلەلەر بار, ولاردى جاقىن ارادا شەشەتىن بولامىز», — دەپ تۇيىندەدى ب. ساپارباەۆ.
