«قازاقستاندا كوروناۆيرۋستىق ينفەكتسيا جاعدايلارى تىركەلمەگەن. قازاقستاندا جرۆي سيمپتومدارى مەن جوعارى تەمپەراتۋراسى بار 134 ادام اۋرۋحاناعا جاتقىزىلدى, ولاردىڭ 106-سى ساۋىعىپ شىقتى, 28-ءى ازىرگە ستاتسيونارلاردا ەمدەلۋدە. ناۋقاستاردىڭ جاعدايى قاناعاتتانارلىق», - دەدى ە.ءبىرتانوۆ.
ءمينيستردىڭ ايتۋىنشا, مەديتسينالىق ۇيىمدار قىتايدان كەلگەن ازاماتتاردىڭ دەنساۋلىعىن مونيتورينگىلەۋ بويىنشا جۇمىستاردى جالعاستىرۋدا.
«24 167 ادام قامتىلدى, ونىڭ ىشىندە 1298-ءى – شەتەل ازاماتتارى. سوڭعى 14 كۇن ىشىندە قحر-دان كەلگەن 8 851 ادام مەديتسينالىق باقىلاۋعا الىنعان, قالعان 15 316-سى ينكۋباتسيالىق كەزەڭنىڭ اياقتالۋىنا بايلانىستى مونيتورينگتەن شىعارىلدى. ورتالىق رەفەرەنس-زەرتحانا بازاسىندا اسا قاۋىپتى ينفەكتسيالار ۇلتتىق ورتالىعى ۇلتتىق بيوتەحنولوگيا ورتالىعىمەن بىرلەسىپ, كوروناۆيرۋستى جەدەل دياگنوستيكالاۋعا مۇمكىندىك بەرەتىن دياگنوستيكالىق جۇيەنى ازىرلەدى. حالىقارالىق ىنتىماقتاستىق اياسىندا روسپوترەبنادزوردان 2000 زەرتتەۋگە دياگنوستيكالىق جۇيەلەر الىندى جانە قحر-دان 5000 زەرتتەۋگە ساتىپ الىندى», - دەدى ول.
