رۋحانيات • 11 اقپان، 2020

بۇل – ادالدىق پەن ادىلدىك ءۇشىن كۇرەس

61 رەتكورسەتىلدى

قازاقستان پرەزيدەنتى قاسىم-جومارت توقاەۆ ءوزىنىڭ ساي­لاۋ­ال­دى باعدارلاماسىنداعى نەگىزگى باسىم­دىقتاردىڭ ءبىرى رەتىندە مەم­لەكەت پەن قوعامنىڭ دامۋىنا زور كەدەرگى كەلتىرىپ وتىرعان جەم­قور­لى­ققا قارسى جۇيەلى دە ىمىراسىز كۇرەس جۇرگىزۋ قاجەتتىگىن اتاپ كورسەتكەنى جايدان-جاي ەمەس. پرەزيدەنت مەملەكەت پەن قو­عام سىبايلاس جەمقورلىققا قارسى جۇدىرىقتاي جۇمىلا ءبىل­­ۋى كەرەكتىگىن 2019 جىلعى 2 قىر­كۇيەك كۇنگى «سىندارلى قو­عام­­دىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا «سى­باي­لاس جەمقورلىقپەن جان-جاق­تى كۇرەسۋ ماسەلەسى كۇن تارتى­بى­نەن تۇسكەن جوق» دەپ تاعى دا پىسىقتاپ، ناقتىلاپ، اتاپ كور­سەت­كەن بولاتىن. سوندىقتان دا بۇل ماسەلە، ياعني سىبايلاس جەم­قورلىققا قارسى كۇرەس تەك مەم­لەكەتتىك ورگانداردىڭ عانا ەمەس، ەلىمىزدىڭ ءار ازاماتىنىڭ ەل ال­دىن­داعى، تاۋەلسىزدىك الدىن­دا­عى پارىزى دەپ بىلگەنىمىز ءجون.

وتكەن جىلدىڭ جەلتوقسان ايىندا وڭىرلىك پارتيا باسشىلارىمەن كەزدەسۋ بارىسىندا ەلباسى، Nur Otan پارتياسىنىڭ تو­راعاسى نۇرسۇلتان نازارباەۆ پار­تيا مۇشەلەرىنە، پارتيانىڭ قۇ­رىلىمدىق ورگاندارى الدىنا بىر­قاتار ماڭىزدى مىندەت قويا وتىرىپ، جەمقورلىققى قارسى كۇرەس بارلىق قازاقستاندىقتىڭ مىن­دە­تى ەكەندىگىن كولدەنەڭ تارتتى. تۇڭعىش پرەزيدەنتتىڭ سول جولى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستەردىڭ جۇمىسىن كۇشەيتۋدى تاپسىرعانى دا ءمالىم. سوعان ساي، Nur Otan پارتياسىنىڭ 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسىنىڭ جوبالىق تانىستىرىلىمىندا پارتيا تورا­عا­سىنىڭ ءبىرىنشى ورىنباسارى باۋىرجان بايبەك جىل سايىن سى­بايلاس جەمقورلىققا قارسى ءىس-قيمىل باعدارلاماسىنىڭ ورىندالۋى تۋرالى پارتيالىق بايانداما جاريال­ايتىندىعىن مالىمدەگەن ەدى. پارتيا توراعاسى ءبىرىنشى ورىنباسارىنىڭ بۇل تۇجى­رىم­دا­ماسى قازاقس­تان­دىق­تار­دىڭ بو­يىن­دا سىبايلاس جەمقورلىققا دەگەن توزىمسىزدىك قالىپتاستىرۋعا زور ىقپال ەتەرى ءسوزسىز عوي دەپ وي­لاي­­مىز.

بۇگىندە سىبايلاس جەمقور­لىق­قا قارسى كۇرەس ءىس-قي­مىل­دارىن تاربيە جۇ­مىس­تا­رى­مەن ۇش­تاستىرا جۇرگىزۋگە ءتيىس­تى­مىز. جەم­قورلىققا قارسى كۇرەس – ول تەك قانا كۇدىكتى نەمەسە ايىپتى بولعاننىڭ قولىنا كىسەن سالىپ، تۇرمەگە توعىتا بەرۋ ەمەس، ول ەڭ اۋەلى ادالدىق پەن ادىلدىك ءۇشىن كۇرەس ەكەنىن زەردەلەگەنىمىز ءجون. بىزدە جەمقورلىقتارى ءۇشىن كىمدەر ۇستالمادى، كىمدەر تەمىر توردىڭ ار جاعىندا وتىرمادى؟ جاعداي وڭالدى ما؟ وكىنىشكە قاراي، ىلىگىپ جاتقاندار قاتارى سيرەر ەمەس. مىنە، سوندىقتان جەمقور مەن پاراقوردىڭ قولىنا سالىنار تەمىر كىسەننىڭ كۇشىنە عانا ەمەس، ەندىگى ارادا كىسىلىكتىڭ، ادامنىڭ وي-ساناسىنا اقىل-پاراسات، ىنساپ پەن قاناعاتتىڭ ساۋلەسىن تۇسىرەتىن تاربيە مەن ۇگىت-ناسيحات جۇمىستارىنا جاڭا مازمۇن بەرۋگە ءتيىستىمىز. اباي حاكىم ايتقان «تالاپ، ەڭبەك، تەرەڭ وي، قاناعات، راقىم، ويلاپ قوي – بەس اسىل ءىس كونسەڭىز»، دەگەن قاعيدانى ۇرپاق ساناسىنا سىڭىرە الساق، بۇگىنگى توعىشارلىقتان، پايداكۇنەمدىكتەن ارىلىپ، سول اباي ايتقان «پايدا ويلاماي، ار ويلايتىن» ۇرپاق ءوسىرۋ ابزال مىندەتىمىز بولسا كەرەك دەپ تولعانامىز دا!

وسى ورايدا سىبايلاس جەم­قور­لىققا قارسى كۇرەس اگەنت­تىگىنىڭ توراعاسى اليك شپەكباەۆتىڭ باسشىلىعىمەن سالا جانىنان ءۇش بىردەي جاڭا دەپارتامەنتتىڭ قۇ­رىلۋى جانە دە ولاردىڭ «سى­­بايلاس جەمقورلىقتىڭ الدىن الۋ»، «پاراساتتىلىق»، «سە­رىك­تەس­تىك» دەپ اتالۋلارى حا­لىق­­­تىڭ جەمقورلىق سياقتى جات ارەكەتكە قارسى كۇرەستەگى بەل­سەندىلىكتەرى مەن ازاماتتىق ۇستا­نىمدارىن ارتتىرار قادام ەكەندىگىن دە ايتار ەدىم. سونى­مەن بىرگە اگەنتتىك جانىنان رەس­پۋبليكالىق اقپاراتتىق ۇگىت-ناسيحات شتابىنىڭ قۇرىلۋى، ونىڭ مۇشەلىگىنە ەلىمىزدىڭ ابىرويلى دا بەدەلدى ەل اعالارى مەن قايراتكەرلەرىنىڭ تارتىلۋى قا­زاق­­ستان بويىنشا جەمقورلىققا قارسى ۇگىت، تۇسىنىك جانە ناسيحات جۇمىستارىنىڭ جاندانا تۇ­سۋى­نە ىقپال ەتەرى دە ءسوزسىز. وسى شتابتىڭ ءبىر مۇشەسى رەتىندە مۇ­نىڭ ءتيىمدى قۇرال ەكەندىگىنە تولىق سەنىمدىمىن.

وسى جەردە ايتا كەتەتىن ءبىر جايت، Nur Otan پارتياسى اق­مو­­لا وبلىستىق فيليالىنىڭ جەم­­قورلىققا قارسى قوعامدىق كەڭەسى ءوز جۇمىسىن پار­تيا­مىز­دىڭ توراعاسى نۇرسۇلتان نازار­باەۆ­تىڭ العا تار­تىپ وتىرعان مىن­دەت­تەرىنە ساي ۇيىمداستىرۋ ءۇشىن تىڭ ىزدەنىستەرگە بارۋدا. وسى ورايدا ءبىز سىبايلاس جەمقورلىققا قارسى كۇرەسكە جالپى قوعامدى، سونىڭ ىشىندە اسىرەسە جاستاردى بارىنشا جۇمىلدىرا بىلۋگە اي­رىقشا كوڭىل بولۋدەمىز. ويت­كەنى جاستاردىڭ بويىندا جەم­قورلىق پەن پاراقورلىققا قارسى نارازىلىق پەن توزبەستىك قا­لىپ­تا­سىپ قالعاندىعىن اڭداۋعا بولادى.

بۇل ورايدا بىلتىرعى جىلدىڭ اياعىندا سىبايلاس جەمقورلىققا قارسى كۇرەس اگەنتتىگىنىڭ اقمولا وبلىسى بويىنشا دەپارتامەنت باس­شىسى مارات تولەۋباەۆ ەكەۋ­مىز شوقان ءۋاليحانوۆ اتىن­دا­عى كوكشەتاۋ مەملەكەتتىك ۋني­ۆەر­سيتەتىنىڭ ستۋدەنت جاستارىمەن كەزدەسىپ، اشىق پىكىر الىسۋ الاڭىندا ساليقالى اڭگىمە وتكىز­گە­نىمىزدە جاس بۋىننىڭ بويىنان ەندىگى ارادا قوعامدى جەمقورلىق كەسەلىنەن ايىقتىرۋعا دەگەن زور ىنتالارى مەن ەرىك-جىگەرلەرىن تانىدىق. سونداعى تاعى ءبىر قۋان­عا­نىمىز، جاستار جەمقورلىق ارەكەتتەردىڭ قوعامعا تيگىزەر زالالىن جاقسى بىلەتىندىكتەرىن جانە جەمقورلىققا قارسى ۇيىم­داس­تى­رىلاتىن كەز كەلگەن ءىس-شا­راعا بەلسەنە قاتىسىپ جۇر­گەن­دىكتەرىن ايتتى. ساليقالى وي-پىكىر ايتقان كەي جاستاردى دەپارتامەنت باسشىسى قازىردەن باستاپ وزدەرىمەن ءاردايىم تىعىز بايلانىستا جۇمىس ىستەۋگە شاقىردى. بەلسەندى جاستاردى ءبىز دە پارتيامىزدىڭ قاتارىنا تارتىپ جاتىرمىز.

قازىرگى ۋاقىتتا Nur Otan پار­تيا­سىنىڭ اقمولا وبلىس­تىق في­ليالى قاراپايىم ازامات­تار­دىڭ پروبلەمالارىن شەشۋدى ۇيىم­داس­تىراتىن، وزەكتى جانە وتكىر ماسەلەلەر تالقىلانىپ جاتاتىن اشىق الاڭ بولىپ قالىپتاستى دەۋگە تولىق نەگىز بار. جىل باسىنان بەرى عانا 5،5 مىڭ ادام بىزدەگى قوعامدىق قابىلداۋدىڭ كومەگىنە جۇگىندى. قازىرگى ۋاقىتتا سىبايلاس جەمقورلىق ماسەلەسى بويىنشا دەربەس «جەدەل جەلىنى» قۇرۋ ماسەلەسى دە قاراستىرىلىپ جاتىر. ەگەر بىزگە جەمقورلىق ارەكەتى جايلى شاعىمدار ءتۇسىپ جاتسا، بىزدە وعان جاۋاپ قاي­تا­راتىن نەمەسە جەمقورلىق ارە­كەت­تىڭ الدىن الاتىن ايقىن باع­دا­رىمىز بولۋى كەرەك دەپ سانايمىز.

Nur Otan پارتياسى اقمولا وبلىستىق فيليالىنىڭ تو­را­عاسى، وبلىس اكىمى ەرمەك مار­جىق­پاەۆتىڭ باسشىلىعىمەن اكىم­دىك جانىنداعى سىبايلاس جەم­قورلىققا قارسى كۇرەس كوميس­سيا­نىڭ وتىرىستارىندا وڭىردە قالىپتاسقان جاعداي جان-جاقتى قارالىپ تۇرادى. بۇل ورايدا مەملەكەت باسشىسىنىڭ تالاپتارى ءاردايىم العا تارتىلادى.جەمقورلىققا قارسى كۇرەس قوعام­نىڭ جانە مەملەكەتتىك قىزمەت­كەر­لەردىڭ باستى مىندەتتەرى ەكەن­دىكتەرى اتاپ كورسەتىلىپ، زاڭ بۇزۋ­شىلىق­قا ەڭ اۋەلى ولاردىڭ وزدەرى جول بەرمەۋى كەرەكتىگى تالاپ ەتىلىپ كەلەدى.

القيسسا، ءسوز بارىسىندا قا­زاق­ستاننىڭ بارلىق قالا­لا­رى­نىڭ كوشەلەرىنە ءىلىنىپ تاستالعان بيلبوردتاردىڭ مازمۇنىن تەرەڭ­دەتۋ­دى ۇسىنار ەدىم. مىسالى، قازىر ەلىمىزدىڭ بۇكىل قالاسى مەن ەلدى مەكەنىندەگى سول بيل­بورد­تارداعى «پاراعا ەمەس، بيىككە ۇمتىل!» نەمەسە «قولىڭدى تازا ۇستا!» دەگەن سياقتى سانانى سەلت ەتكىزبەيتىن سۇلەسوق ءارى جالاڭ سوزدەردىڭ ەشبىر اسەرى جوقتاي سەزىلەدى. ەندىگى ءبىزدىڭ ۇران سوزدەرىمىز «پارا بەرۋ دە، پارا الۋ دا – قىلمىس! ءوز بولاشاعىڭا بالتا شاپپا!»، «ارىڭدى تازا ۇستا!»، «جەمقورلىق – سۇيەگىڭە تاڭبا! ۇرپاعىڭنىڭ كەلەشەگىن ويلا!» «پارا الساڭ، تۇبىندە ءبىر تۇتىلاسىڭ!»، «ۇرلىق ءتۇبى – قورلىق!» دەگەن سياقتى ۇعىمعا جاقىن دا اسەرلى ءبىر ۇلاعاتتى ويلاردان قۇرالسا عوي دەپ وتىراتىنىمىز دا بار.

بۇگىندە زامان الدىمىزعا جاڭا تالاپتار مەن مىندەتتەر قويۋدا. ولاي بولسا، ءبىز دە، ياعني ەل بولىپ تاۋەلسىزدىككە توندىرەر قاۋپى بار كەسەلمەن كۇرەسكە جاپپاي جۇمىلايىق!

 

جابال ەرعاليەۆ،

Nur Otan پارتياسى اقمولا وبلىستىق فيليالىنىڭ جەمقورلىققا قارسى ءىس-قيمىل جونىندەگى قوعامدىق كەڭەسىنىڭ توراعاسى، سەناتورلار كەڭەسىنىڭ مۇشەسى

 

كوكشەتاۋ

 

سوڭعى جاڭالىقتار

نۇكتە فيلوسوفياسى

رۋحانيات • بۇگىن، 20:23

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار