– بالا قۇقىعىن قورعاۋدى جۇزەگە اسىرۋدا قازاقستان ۇكىمەتىمەن اراداعى ناتيجەلى سەرىكتەستىگىمىز كوپتەن جالعاسىپ كەلەدى. ءبىزدىڭ بىرلىگىمىزدىڭ نەگىزگى سيپاتتارىنىڭ ءبىرى – يننوۆاتسيا. سوندىقتان ءبىزدىڭ ءتۇرلى يننوۆاتسيالارمەن جۇمىس ىستەۋىمىز بەن ونىڭ بالالاردىڭ قۇقىقتارىن قامتاماسىز ەتۋدەگى تيىمدىلىگىن زەردەلەۋىمىز ۇزاق ۋاقىتتان بەرى جۇرگىزىلىپ كەلەدى, – دەدى ا. ۆان ديزەن.
يۋنيسەف وكىلى سونىمەن قاتار قازاقستاندا GIGA باستاماسىن ىسكە اسىرۋ بويىنشا يۋنيسەف-ءتىڭ ايماقتىق حابىن اشۋ مۇمكىندىگىن اتاپ ايتتى, ول ورتا ءبىلىم بەرەتىن مەكتەپتەردى جوعارى جىلدامدىقتى ينتەرنەتپەن قامتاماسىز ەتۋگە جانە يننوۆاتسيالىق ستارتاپتاردى دامىتۋعا باعىتتالادى. بۇل تۋرالى ول:
– قازىر تسيفرلى بايلانىس سالاسىندا تاعى ءبىر يننوۆاتسيانى ەنگىزۋ ءۇشىن باس كەڭەسىمىزبەن جۇمىس ىستەگەنىمىزگە قۋانىشتىمىز. ءبىزدىڭ كوزقاراسىمىز تۇرعىسىنان قاراساق, ينتەرنەتكە تولىق قول جەتكىزبەيىنشە جاستاردىڭ جۇمىس ىستەۋگە, وسى ەلدىڭ ازاماتى رەتىندە, بولاشاق اتا-انا رەتىندە قالىپتاسۋعا دايىن بولۋ مۇمكىن ەمەس. سوندىقتان قازاقستانداعى جانە ايماقتارداعى ءاربىر مەكتەپكە ينتەرنەت تاراتۋ ءۇشىن جەرگىلىكتى ۇكىمەتپەن بىرلەسىپ جۇمىس ىستەپ جاتىرمىز. ءبىز جاستارعا ساپالى ءبىلىم الۋعا كومەكتەسە الامىز. دەمەك, ولاردىڭ ەڭبەككە ورنالاسۋ مۇمكىندىگى ارتادى, وزدەرى ءۇشىن ناتيجەلى بولاشاق قۇرا الادى دەپ سانايمىز, – دەدى.
سونىمەن قاتار ا. ۆان ديزەن ەلىمىزدىڭ شالعاي اۋداندارىندا نەبارى بىرنەشە وقۋشى ءبىلىم الاتىن كىشكەنتاي مەكتەپتەر بار ەكەنىن, ولار ءۇشىن ساپالى ءبىلىم الۋ ينتەرنەتپەن تىعىز بايلانىستى ەكەنىن ايتتى. ولار ءۇشىن بۇل بايلانىس قۇرالى عانا ەمەس, وقۋ قۇرالىنىڭ دا ءرولىن اتقارادى.
قازاقستاندا جۇرگىزىلىپ جاتقان تسيفرلى ترانسفورماتسياعا قاتىستى يۋنيسەف وكىلى ەلدە ۇلكەن ىلگەرىلەۋ بولدى, ماقساتقا قول جەتكىزۋ ءۇشىن بىرنەشە قادامدار عانا قالدى دەپ سانايدى.
– مەنىڭشە, قازاقستاننىڭ ينتەرنەتپەن تولىق قامتىلۋىنا شىن مانىندە از ۋاقىت قالدى. ويتكەنى زور ىلگەرىلەۋ بار. ءبىز قازىر جەرگىلىكتى ۇكىمەتپەن جەكەمەنشىك سەكتوردىڭ, ينتەرنەت پروۆايدەرلەردىڭ, قارجى سەكتورىنىڭ «بايلانىستاعى سوڭعى ولقىلىقتار» (the last mile connectivity gap) دەپ اتالاتىن پروبلەمانى شەشۋ توڭىرەگىندە جۇمىس اتقارۋدامىز, 100 پايىزعا قول جەتكىزبەس وسى پروبلەمانى شەشۋىمىز كەرەك. مەنىڭ ويىمشا, ەگەر بىرلەسىپ كۇش سالساق, جەكەمەنشىك جانە مەملەكەتتىك سەرىكتەستەردىڭ جاقىنداسۋىندا كرەاتيۆتى جانە يننوۆاتور بولا الساق, ءبىز بۇل كەمشىلىكتى جويا الامىز, – دەدى ا. ۆان ديزەن.
مۇنداي ناتيجەلەرگە قازاقستان ۇكىمەتىنىڭ تسيفرلاندىرۋ جانە يننوۆاتسيالاردى ەنگىزۋ بويىنشا دۇرىس قۇرىلعان جۇمىسىنىڭ ناتيجەسىندە قول جەتكىزىلدى.
