اتالعان جوبالاردىڭ شاعىن تۇساۋكەسەرى قالالىق ءبىلىم بەرۋ ءبولىمىنىڭ ۇيىمداستىرۋىمەن ءوتتى. وسى شاراعا ارنايى جيىلعان ماماندار ۇلتتىق ات سپورتى ويىندارىن تاقىرىپ ەتە وتىرىپ جاسالعان قۋىرشاق روبوتتارعا جوعارى باعا بەرىپ, ەكى جوبانى الداعى ۋاقىتتا بولاتىن «RoboLand-2020» حالىقارالىق فەستيۆالىنىڭ باعدارلاماسىنا ەنگىزدى.
«قىز قۋ» جانە «تەڭگە الۋ» ويىندارى وقۋشى بالالاردىڭ ۇلكەن قىزىعۋشىلىعىن تۋدىردى. مىسالى, كىشكەنتاي اربا مىنگەن جىگىت-روبوت جولىندا قاز-قاتار تىزىلگەن جۇلدەلى تۇيىنشىكتەردى اجەپتاۋىر جىلدامدىقپەن كەلىپ بىرىنەن سوڭ ءبىرىن ءىلىپ اكەتەدى. ال قازاقتىڭ ۇلتتىق كيىمىنە مالىنعان قىز-روبوت باسىنا بورىك, ۇستىنە بەشپەنت كيگەن جىگىت-روبوتتان قاشا جونەلەدى. ەگەر قۋعىنشى جەتىپ السا, روبوت «سۇلۋدىڭ» بەتىنەن سۇيمەيدى ەكەن, بار بولعانى «اتتان» ءتۇسىرىپ كەتە بارادى.
«بۇل جوبالاردى جۇزەگە اسىرۋعا توعىز ايداي ۋاقىتىم كەتتى. ءالى دە بولسا جەتىلدىرە تۇسەتىن تۇستارى بار. الداعى ۋاقىتتا روبوتتارعا ارنالعان «كوكپار» ويىنى جوباسىن جاساۋدى ويلاستىرىپ ءجۇرمىن», دەيدى №34 ورتا مەكتەپتىڭ اقپارات جانە روبوت تەحنيكاسى ءپانىنىڭ مۇعالىمى دۋلات اقىلتاەۆ.
اقىلتاەۆ جاساعان اقىلدى ماشينالاردىڭ بولاشاعى جارقىن دەگەندى ايتادى ماماندار. ال «RoboLand-2020» حالىقارالىق فەستيۆالى – ۇلتتىق ناقىشتاعى جوبانىڭ باعىن اشار ۇلكەن مۇمكىندىك.
قاراعاندى
