باسىم مىندەتتەردىڭ ءبىرى — اۋلا ىشىندەگى كەڭىستىكتەردى كەشەندى جاڭعىرتۋ. اۋداندا 861 اۋلا اۋماعى بار. وتكەن جىلى 215 اۋلاعا كۇردەلى جوندەۋ جۇرگىزىلدى. اعىمداعى جىلى 192 اۋلانى جوندەۋ جوسپارلانۋدا. وسىلايشا 40 مىڭنان استام تۇرعىن ءۇشىن قولايلى ورتا جاقسارماق.
اۋدان اكىمى ب. تورعاەۆ مالىمدەگەندەي, وتكەن جىلى 59 كوپپاتەرلى ءۇيدىڭ تۇرعىندارى «2020 جىلعا دەيىن وڭىرلەردى دامىتۋ» باعدارلاماسى بويىنشا شاتىردى, ينجەنەرلىك جەلىلەردى جانە 88 ءليفتتى جاڭعىرتقان. اعىمداعى جىلى تۇرعىن ءۇيدى جاڭعىرتۋ 2020-2025 جىلدارعا ارنالعان «نۇرلى جەر» باعدارلاماسى بويىنشا جالعاسادى.
اۋداندا 7 ەسكى ءۇي بۇزىلىپ, ونىڭ ورنىنا جاڭا ۇيلەر سالىندى. وسىلايشا 52 وتباسىنىڭ تۇرعىن ءۇي جاعدايى جاقسارعان.
قالا تۇرعىندارى يەسىز جەلىلەردىڭ ماسەلەلەرىن ءجيى ايتادى. وتكەن جىلى كوممۋنالدىق قىزمەتكەرلەردىڭ بالانسىنا 8,5 شاقىرىم ەلەكتر, جىلۋ جانە كارىز جەلىلەرى بەرىلدى. اۋداننىڭ 15,2 شاقىرىم يەسىز جەلىلەرى مەن 18 ترانسفورماتورلىق قوسالقى ستانسالارىن بەرۋ بويىنشا جۇمىستار جۇرگىزىلۋدە.
الماتى
