ۇلتتىق ەكونوميكا ءمينيسترى ر. دالەنوۆ ۇكىمەتكە بەكىتىلگەن 64 جۇج تارماعىنىڭ 34-ءى ورىندالعانىن, قالعانى ورىندالۋ ۇستىندە ەكەنىن باياندادى.
جالپىۇلتتىق ءىس-شارالار جوسپارىنىڭ شارالارىن ىسكە اسىرۋ بارىسى تۋرالى اقپارات جانە قوعامدىق دامۋ ءمينيسترى د. اباەۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, اۋىل شارۋاشىلىعى ءمينيسترى س. وماروۆ, سونداي-اق قارجى ءمينيسترىنىڭ ءبىرىنشى ورىنباسارى ب. شولپانقۇلوۆ پەن ىشكى ىستەر ءمينيسترىنىڭ ورىنباسارى ا. كالايچيدي باياندادى.
جۇج-دىڭ ينۆەستيتسيالاردى تارتۋ كولەمىن ارتتىرۋ, ينۆەستيتسيالىق احۋالدى جەتىلدىرۋ جانە ەكسپورتتى ىنتالاندىرۋ, مەملەكەتتىك باسقارۋ رەفورماسىن جۇرگىزۋ, ونىڭ ىشىندە مەملەكەتتىك قىزمەتكەرلەر مەن كۆازيمەملەكەتتىك سەكتور قىزمەتكەرلەرىنىڭ سانىن وڭتايلاندىرۋ, سالىق جۇيەسىن جاڭعىرتۋ جانە تاعى باسقا بويىنشا تارماقتارعا ەرەكشە نازار اۋدارىلدى.
ۇكىمەت باسشىسى قازاقستان پرەزيدەنتىنىڭ 2019 جىلعى 2 قىركۇيەكتەگى جولداۋىن ىسكە اسىرۋ بويىنشا جالپىۇلتتىق ءىس-شارالار جوسپارىنىڭ بارلىق تارماقتارىن ساپالى ءارى ۋاقىتىلى ورىنداۋدى قامتاماسىز ەتۋدى تاپسىردى.
