قازاقستان • 07 اقپان، 2020

OneWeb سپۋتنيكتەرى بار «سويۋز 2.1ب» زىمىران تاسىعىشى ءساتتى ۇشىرىلدى

81 رەتكورسەتىلدى

بۇگىن نۇر-سۇلتان قالاسىنىڭ ۋاقىتى بويىنشا ساعات 03:42-دە بايقوڭىر عارىش ايلاعىنىڭ «سويۋز» زت ستارتتىق كەشەنىندەگى 31-ءشى الاڭنان  OneWeb عارىش اپپاراتتارى «سويۋز 2.1ب» زىمىران تاسىعىشىمەن  ءساتتى ۇشىرىلدى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى حابارلادى.

ء«بىز بۇل ۇشىرىلىمدى «قازاقستاندىق ستارت. عارىش بارىنە ورتاق» دەپ اتادىق جانە ءبىزدىڭ قازاقستانمەن، ورتالىق ازياداعى ءىرى قارجى حابىمەن ىنتىماقتاستىعىمىزعا ارنالادى»، - دەپ جازدى OneWeb كومپانياسىنىڭ باسشىسى ادريان شتەكەل كومپانيانىڭ twitter-دەگى رەسمي اككاۋنتىندا. 

تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى ازامات باتىرقوجانىڭ پىكىرىنشە، بۇل ۇشىرىلىم قازاقستاندىق كومپانيالار مەن OneWeb اراسىنداعى ۇزاق مەرزىمدى جانە ءوزارا ءتيىمدى ىنتىماقتاستىقتىڭ باستاۋى بولماق.

- قازاقستان OneWeb كومپانياسىمەن ىنتىماقتاستىق ماسەلەلەرىن بەلسەندى تۇردە پىسىقتاۋدا. اتاپ ايتقاندا، ءبىزدىڭ قۇراستىرۋ-سىناۋ كەشەنىندە OneWeb سپۋتنيكتەرىنە ارنالعان كومپونەنتتەر جاساۋ، سونداي - اق OneWeb توپتارىنا جەردە قولداۋ كورسەتۋ ءۇشىن ءبىزدىڭ عارىشتىق بايلانىس ورتالىعىنىڭ قۋاتىن پايدالانۋ ماسەلەسى تۇر،- دەپ اتاپ ءوتتى ۆيتسە-مينيستر.

One Web عارىش اپپاراتتارى جەر بەتىن تولىق قامتۋ ەسەبىنەن ينتەرنەتكە كەڭ جولاقتى قولجەتىمدىكتى قامتاماسىز ەتۋگە ارنالعان. ءار اپپاراتتىڭ سالماعى 150 كگ-عا جۋىق، ەكى كۇن باتارەياسىمەن جابدىقتالعان، قىزمەت مەرزىمى-5 جىل. 34 عارىش اپپاراتى «بايقوڭىر» عارىش ايلاعىنا 2019 جىلعى 17 جەلتوقساندا (6 بىرلىك) جانە 2020 جىلعى 17 قاڭتاردا (28 بىرلىك) جەتكىزىلگەنىن ەستەرىڭىزگە سالىپ وتەمىز.

زىمىران-تاسىعىشتان بولىنەتىن بولىكتەردى قابىلداۋايماعىنداعى قاۋىپسىزدىكتى باقىلاۋدى جانە ەكولوگيالىق مونيتورينگتى «بايتەرەك«بك» جانە «عارىش-ەكولوگيا» ۇزو» قىزمەتكەرلەرى قامتاماسىز ەتتى. اتاپ ايتقاندا، ساراپشىلار قابىلداۋ ايماعىندا، سونداي-اق اۋدانعا ىرگەلەس جاتقان اۋماقتارداعى اۋىلداردا ۇشىرىلىمعا دەيىن جانە ودان كەيىن زەرتحانالىق زەرتتەۋلەر ءۇشىن سىنامالار (اتموسفەرالىق اۋا، قار/توپىراق، اۋىز سۋ) الدى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار