كەزدەسۋدە ەكى مەملەكەت اراسىنداعى ىنتىماقتاستىقتىڭ بارىنشا پەرسپەكتيۆالىق باعىتتارى تالقىلاندى. اتاپ ايتقاندا قازاقستاننىڭ پورت جانە تەرمينالدىق ينفراقۇرىلىمىن دامىتۋ جانە باسقارۋ, ەلىمىزدىڭ كولىك-لوگيستيكالىق سەكتورىن تسيفرلاندىرۋ سياقتى جوبالار ۇسىنىلدى. سينگاپۋردىڭ دجۋرونگ يندۋستريالىق ايماعىن دامىتۋداعى باي تاجىريبەسىن ەسكەرە وتىرىپ, ارنايى ەكونوميكالىق جانە يندۋستريالىق ايماقتار سالاسىندا ىنتىماقتاستىق ورناتۋ جايى ءسوز بولدى. سونداي-اق, قازاقستان مەن سينگاپۋر اراسىندا تىكەلەي اۋە قاتىناسىن اشۋ مۇمكىندىگى تالقىلاندى.
سينگاپۋر تاراپى قىتايدىڭ وڭتۇستىگىندەگى بەيبۋ شىعاناعىندا ورنالاسقان پورتتاردىڭ ءبىرىن پايدالانۋدى ۇسىندى. ويتكەنى, سينگۋپۋردان قىتايدىڭ شىعىس جاعالاۋىنداعى ليانيۋنگان پورتىنا دەيىن جۇك تاسىمالداۋعا 3 اپتاداي ۋاقىت كەتسە, بەيبۋ شىعاناعىنا دەيىن 1 اپتا ىشىندە جەتكىزۋگە بولادى. تاراپتار اتالعان ءدالىزدى ۇيىمداستىرۋ مۇمكىندىكتەرىن پىسىقتاۋعا كەلىستى. ءارى قاراي استانا حالىقارالىق قارجى ورتالىعىنىڭ يۋريسديكتسياسىن پايدالانىپ, اسەان ەلدەرىنىڭ جۇك اعىنىن تارتۋعا بولادى. وعان قازاقستان اۋماعى ارقىلى قىتاي-ەۋروپا باعىتىندا كونتەينەرلىك تاسىمالداۋ جۇمىستارى ءساتتى ىسكە اسىرىلىپ جاتقان ء«بىر بەلدەۋ-ءبىر جول» باستاماسى وڭ ىقپال ەتپەك.
