ا. شتەكەل وسى جىلدىڭ 7 اقپانىندا بايقوڭىر عارىش ايلاعىنان One Web ازىرلەگەن جاھاندىق جەرسەرىك جەلىسى اياسىندا 34 جەرسەرىكتى ۇشىرۋ دايىندىعى تۋرالى باياندادى. بيىل بارلىعى بايقوڭىر عارىش ايلاعىنان 8 ۇشىرۋدى جۇزەگە اسىرۋ كوزدەلگەن. جاھاندىق جەرسەرىكتىك جەلى 1200 شاقىرىم بيىكتىكتە 12 وربيتا جازىقتىعىندا 504 سپۋتنيكتەن تۇراتىن بولادى. جەرسەرىكتىك جەلىنى تولىق پايدالانۋعا بەرۋ جانە قازاقستان اۋماعىندا قىزمەت كورسەتۋى 2021 جىلدىڭ سوڭىنا بولجانعان.
تاراپتار قازاقستان اۋماعىن, سونىڭ ىشىندە شالعايداعى جانە جەتۋگە جولى قيىن اۋدانداردى بايلانىس سپۋتنيكتەرى ارقىلى جوعارى جىلدامدىقتى كەڭجولاقتى ينتەرنەتپەن قامتۋ جونىندەگى جوبانى ىسكە اسىرۋ پەرسپەكتيۆالارىن تالقىلادى.
نۇر-سۇلتان قالاسىنداعى ۇلتتىق عارىش ورتالىعىنىڭ جانىنداعى عارىش اپپاراتتارىنىڭ قۇراستىرۋ-سىناۋ كەشەنىنىڭ بازاسىندا One Web ءۇشىن جەرسەرىكتەر قۇراستىرۋ جوباسىن ىسكە اسىرۋ مۇمكىندىكتەرى, سونداي-اق, ودان كەيىن ورتالىق ازيا, كاۆكاز, يران, اۋعانستان ەلدەرىنە One Web جەرسەرىكتىك ينتەرنەتىن ەكسكليۋزيۆتى ديستريبۋتسيالاۋمەن قازاقستان اۋماعىندا شليۋز ستانساسىن ورنالاستىرۋ بويىنشا بىرلەسكەن كاسىپورىن قۇرۋ ماسەلەسى قارالدى.
One Web كومپانياسى ينتەرنەت جانە جىلدامدىعى جوعارى دەرەكتەردى جەتكىزۋ (قولدانۋشى تەرمينالىنا 5-50 مبيت/س) جەلىسىنە قولجەتىمدىلىك بويىنشا قىزمەتتەردى ۇسىنۋ ءۇشىن عالامدىق تومەن وربيتالى جەرسەرىك جەلىسىن جاسايدى.
