الماتى زووباعى مەن قازۇاۋ-دىڭ تاربيە جۇمىستارى دەپارتامەنتىنىڭ ۇيىمداستىرۋىمەن وتكەن شاراعا ۋنيۆەرسيتەتتىڭ سۋ, جەر جانە ورمان رەسۋرستارى فاكۋلتەتىنەن «اڭشىلىقتانۋ جانە اڭ شارۋاشىلىعى» ماماندىعىندا, تەحنولوگيا جانە بيورەسۋرستار فاكۋلتەتىنەن «ارا, قۇس جانە بالىق شارۋاشىلىعى» ماماندىعىندا ءبىلىم الاتىن ستۋدەنتتەر قاتىستى.
ەڭبەكتەن تارتىنبايتىن ەرىكتىلەردى الماتى حايۋاناتتار باعى تاراپىنان ديرەكتوردىڭ ورىنباسارى اعىباي اجىباەۆ, ستراتەگيالىق دامۋ ءبولىمىنىڭ مەڭگەرۋشىسى اقجامي راحيموۆا جانە شارۋاشىلىق قىزمەتكەرلەرى مەن سەكتسيا جەتەكشىلەرى قارسى الىپ, ارنايى نۇقساۋلار بەردى. زووباق ماماندارى ءوز تاجىريبەلەرىمەن ءبولىسىپ, جاستارمەن پىكىر الماستى. وقۋ ورنىنىڭ تاربيە جۇمىستارى دەپارتامەنتىنىڭ ديرەكتورى بانۋ دۇيسەبايقىزى, سۋ, جەر جانە ورمان رەسۋرستارى فاكۋلتەتى دەكانىنىڭ تاربيە جونىندەگى ورىنباسارى مايا ۆيكتوروۆنا, تەحنولوگيا جانە بيورەسۋرستار فاكۋلتەتى دەكانىنىڭ تاربيە جونىندەگى ورىنباسارى ۇلجان نۇراليەۆا جانە ءانديا سەرىكباەۆا, تاڭاتار قىدىروۆ, الىبەك ابدىبەك سىندى ۇستاز-عالىمدار دا بىلەك سىبانا جۇمىس اتقارىپ, جاستارعا ۇلگى كورسەتتى.
الماتى حايۋاناتتار باعى مەن قازاق ۇلتتىق اگرارلىق ۋنيۆەرسيتەتى تىعىز قارىم-قاتىناستا جۇمىس ىستەيدى. بىلىكتى ماماندار مەن وقىتۋشى-عالىمدار قازۇاۋ ستۋدەنتتەرىنىڭ تاجىريبەلىك ساباقتارىن ۇيىمداستىرىپ, ولاردىڭ عىلىمي ىزدەنىستەرىنە باعىت-باعدار بەرەدى. ءبىلىم الۋشىلار ديپلومدىق جۇمىستارىنا قاجەتتى مالىمەتتەردى وسى زووباق ماماندارىنان الا الادى. الماتى حايۋاناتتار باعى جانۋارلاردىڭ تۇرلەرىن ساقتاۋ جانە ولاردى زەرتتەۋ جونىندەگى حالىقارالىق باعدارلامالاردىڭ قاتىسۋشىسى رەتىندە ERAZA, WAZA, SEAZA سياقتى زووباقتار مەن اكۆاريۋمداردىڭ الەمدىك اسسوتسياتسيالارىنا مۇشە. قازىرگى كەزدە زووباق زامان تالابىنا ساي جاڭارۋ ۇستىندە.
ۆولونتەر جىلىنا وراي مۇنداي يگى شارالار الداعى ۋاقىتتا دا جالعاساتىن بولادى.
مۇحتار بايباتشانوۆ,
قازۇاۋ-دىڭ «ورمان رەسۋرستارى جانە اڭشىلىقتانۋ» كافەدراسىنىڭ قاۋىمداستىرىلعان پروفەسسورى, اۋىل شارۋاشىلىعى عىلىمدارىنىڭ كانديداتى
