اتالعان مۋلتفيلم وقيعاسى سارىشۇناق بەينەسىندەگى قاراپايىم ءبىر ادامنىڭ جۇمىس بارىسىنداعى كادىمگى قاعازباستىلىقپەن بەتپە-بەت كەزدەسۋىمەن باستالادى.
سارىشۇناق-كەيىپكەر بالالارىنىڭ ارمانىن جۇزەگە اسىرۋ جولىندا ءتۇرلى كەدەرگىلەرگە تاپ بولادى. وقيعا جەلىسىندە قولدان جاسالعان توسقاۋىلدار, قاعازباستىلىق, شەنەۋنىكتەردىڭ ارەكەتتەرى كورسەتىلەدى.
سىبايلاس جەمقورلىققا قارسى كۇرەس دەپارتامەنتى جانىنداعى «ەرتىس – ادالدىق الاڭى» جوبالىق كەڭسەسىنىڭ جەتەكشىسى ريزابەك يسابەكوۆتىڭ ايتۋىنشا, وتكەن جىلى الاڭ تۇرمىستىق سىبايلاس جەمقورلىق دەڭگەيىن تومەندەتۋگە جانە ءوڭىر تۇرعىندارىنىڭ وسى قوعامدىق كەسەلگە قارسى پىكىرلەرىن قالىپتاستىرۋعا باعىتتالعان ءتۇرلى جوبالاردى جۇزەگە اسىرعان.
– ال مۋلتفيلم قۇراستىرۋ – جوبالىق ءوفيستىڭ يدەياسى. بىرلەسكەن جۇمىستىڭ بارىسىندا ستۋدەنتتەر وزدەرىنىڭ شىعارماشىلىق قابىلەتتەرىن كورسەتتى. ءبىز ستسەناريدى جازىپ شىقتىق. ءارى قاراي جاستار جۇمىس ىستەدى, – دەيدى ول.
قازىر انيماتسيالىق ءفيلمنىڭ العاشقى ءبولىمىن الەۋمەتتىك جەلىلەر مەن YouTube ارقىلى كورەرمەندەر كورىپ ۇلگەردى.
مۋلتفيلم بىرنەشە بولىمنەن تۇرادى. سارىشۇناق كەيىپكەر بولسا, بالالارى ءۇشىن اتكەنشەك ورناتقىسى كەلەدى. ءمۋلتفيلمنىڭ «ارمان اتكەنشەكتەرى» دەپ اتالۋى دا وسىدان.
– ەندى جالعاسىن كۇتىڭىزدەر! ءارى قاراي سارىشۇناق بەينەسىندەگى الگى ادامنىڭ ومىرىندە قانداي قيىندىقتار بولاتىنىن كورەسىزدەر, – دەيدى ءفيلمدى جاساۋشىلار.
پاۆلودار وبلىسى
