كونفەرەنتسياعا قر اقپارات جانە قوعامدىق دامۋ ءمينيسترى داۋرەن اباەۆ, قر پرەزيدەنتىنىڭ كەڭەسشىسى باۋىرجان وماروۆ, قر پرەزيدەنتىنىڭ ءباسپاسوز حاتشىسى بەرىك ءۋالي, «حابار» اگەنتتىگى اق باسقارما توراعاسىنىڭ ورىنباسارى رينات دۋمان ۇلى, سونىمەن قاتار مەملەكەت جانە قوعام قايراتكەرلەرى, عالىمدار مەن پروفەسسورلار, قالامگەرلەر مەن تانىمال جۋرناليستەر, رەسپۋبليكالىق باق باسشىلارى ارنايى قۇتتىقتاپ, بايانداما جاسادى.
حالىقارالىق عىلىمي-تاجىريبەلىك كونفەرەنتسيانى ەۋرازيا ۇلتتىق ۋنيۆەرسيتەتىنىڭ رەكتورى, اكادەميك ەرلان سىدىقوۆ اشىپ, جۇرگىزىپ وتىردى. قر اقپارات جانە قوعامدىق دامۋ مينيسترلىگى رەسمي قولداۋ بىلدىرگەن كونفەرەنتسيا اياسىندا مەملەكەتتىك حاتشى قىرىمبەك كوشەرباەۆ, قازاقستان رەسپۋبليكاسى پرەزيدەنتىنىڭ قازاقستان رەسپۋبليكاسى پارلامەنتىندەگى وكىلدىگىنىڭ باسشىسى بەيبىت يساباەۆ, قر پارلامەنتى ءماجىلىسىنىڭ توراعاسى نۇرلان نىعماتۋللين, قر ءبىلىم جانە عىلىم ءمينيسترى اسحات ايماعامبەتوۆ, قازاقستان جازۋشىلار وداعىنىڭ باسقارما توراعاسى ۇلىقبەك ەسداۋلەت, «حابار» اگەنتتىگى اق باسقارما توراعاسى ەرلان بەكقوجين جانە ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى تاحير بالىقباەۆ, تاعى باسقا دا تىلەۋلەس جانداردىڭ ىستىق لەبىزگە تولى قۇتتىقتاۋلارى وقىلدى. اقىندار نەسىپبەك ايت ۇلى مەن باۋىرجان جاقىپ جىردان شاشۋ شاشسا, قازۇۋ جۋرناليستيكا فاكۋلتەتىنىڭ دەكانى ساعاتبەك مەدەۋبەكوۆ پەن ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق شاكىرتتەرى مەن ۇجىمدارى اتىنان ەستەلىك سىيلىقتارىن تاپسىردى.
سونداي-اق قازاقستاننىڭ ەڭبەك سىڭىرگەن قايراتكەرى, اقىن ءجۇرسىن ەرمان «بىرەگەي (تۇلعاتانۋ ورايىندا)», ج.بالاساعۇن اتىنداعى قىرعىز ۇلتتىق ۋنيۆەرسيتەتىنىڭ پروفەسسورى (قىرعىزستان) ابىعانى حاليلوۆ «قازاق جانە قىرعىز جۋرناليستيكا عىلىمىنىڭ جەتەكشىسى», حالىقارالىق اقپاراتتىق-تەحنولوگيالار ۋنيۆەرسيتەتىنىڭ پروفەسسورى ايازبي بەيسەنقۇلوۆ «جۋرناليستيكا عىلىمىنىڭ مەكتەبى جانە ن.وماش ۇلى ەڭبەگى», فيلولوگيا عىلىمدارىنىڭ دوكتورى, پروفەسسور تۇرسىن جۇرتباي «اقىلى مەن قايراتىن قاتار ۇستاپ», ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاق ادەبيەتى كافەدراسىنىڭ مەڭگەرۋشىسى, فيلولوگيا عىلىمدارىنىڭ دوكتورى, پروفەسسور راحىمجان تۇرىسبەك «بەرىك ۇستانىم مەن تەرەڭ پاراسات» تاقىرىبىندا ارنايى بايانداما جاسادى.
مەرەيتوي يەسىنە ارنالعان شارا اياسىندا «پروفەسسور ن. وماش ۇلى» دەرەكتى ءفيلمى كورسەتىلىپ, عالىمعا ارنالعان كىتاپتىڭ («ونەگەلى ءومىر» سەرياسى اياسىندا جارىق كورگەن) تۇساۋسكەسەرى وتكىزىلدى. سونىمەن بىرگە ۋنيۆەرسيتەتتىڭ «كۇلتەگىن» اتريۋمىندا مەرەيتوي يەسى ەڭبەكتەرىنىڭ ارنايى كورمەسى ۇيىمداستىرىلدى.
جيىنعا قاتىسۋشىلار ءتۇس اۋا «قازىرگى قازاق جۋرناليستيكاسى جانە زاماناۋي ۇردىستەر», «قازاقستان مەدياكەڭىستىگىندەگى زاماناۋي باعدارلار» جانە «وتاندىق جۋرناليستيكا: جاڭا قاعيداتتار مەن ولشەمدەر» تاقىرىبى بويىنشا ءۇش سەكتسياعا ءبولىنىپ, كونفەرەنتسيا جۇمىسىن ودان ءارى جالعاستىردى.
