«فريدوم فينانس» اق Freedom 24 قارجىلىق تەحنولوگيا ستارتاپ-جوباسىنىڭ ىسكە قوسىلعانىن جاريالادى. قازاقستاندىقتار تاۋلىك بويى جۇمىس ىستەيتىن قۇندى قاعازدار ينتەرنەت-دۇكەنى ارقىلى بەلگىلى كومپانيالاردىڭ اكتسيالارىن ساتىپ الۋ مۇمكىندىگىنە يە بولادى. جوبانىڭ باستى ارتىقشىلىعى – مەيلىنشە جەڭىلدەتىلگەن قىزمەت, بانك كارتاسىمەن ونلاين تولەۋ مۇمكىندىگى, اكتسيالاردى العاشقى ءۇش ايدىڭ ىشىندە ساتىپ العان جاعدايدا كوميسسيالىق تولەمنىڭ الىنباۋى. سونىمەن قاتار ينتەرنەت-دۇكەندە بەلگىلى كومپانيالاردىڭ قۇندى قاعازدارى بار. قىزمەت قازاقستاننىڭ كامەلەتتىك جاسقا تولعان ازاماتتارىنا قولجەتىمدى.
سايتتا 33 كومپانيانىڭ اكتسيالارى بار. اتاپ ايتقاندا, امەريكالىق Ford Motor Company, Starbucks Corporation, The Coca-Cola Co, Apple Inc., Facebook Inc., Microsoft Corporation, Nike Inc., Tiffany, Exxon Mobil, Tesla Inc., Intel, Pfizer, Bank of America N.A, Freedom Holding Corp., SPDR S&P 500; رەسەيلىك «ياندەكس», «نەفتيانايا كومپانيا «لۋكويل», «نوۆوليپەتسكي مەتاللۋرگيچەسكي كومبينات», «گمك «نوريلسكي نيكەل», «اەروفلوت», «گازپروم», «سبەربانك روسسي», «روستەلەكوم», «بانك ۆتب», «ماگنيت», سونداي-اق قازاقستاندىق «قازاقستاننىڭ حالىق بانكى» اق, «بانك تسەنتركرەديت» اق, «قازترانسويل» اق, «قازاتومونەركاسىبى» ۇلتتىق اتوم كومپانياسى» اق, «قازاقتەلەكوم» اق, Kaz Minerals PLC, «KEGOC» اق, «كسەll» اق كومپانيالارى بار.
Freedom Holding Corp. سەو-مەنەدجەرى تيمۋر تۋرلوۆتىڭ ايتۋىنشا, Freedom 24 – قازاقستاندا قور نارىعىن دامىتۋعا باعىتتالعان يننوۆاتسيالىق جوبا. ء«بىز نارىققا جاڭا ينۆەستورلاردى تارتۋعا دايىنبىز. وسى ارقىلى كوپتەگەن تۇتىنۋشىلار قۇندى قاعازدار نارىعىنىڭ جاڭا مۇمكىندىكتەرىن تابادى. سايتتى ازىرلەۋ كەزىندە زاماناۋي اقپاراتتىق تەحنولوگيالار قولدانىلدى. جەڭىلدەتىلگەن قىزمەتتىڭ ناتيجەسىندە تۇتىنۋشى ساناۋلى سەكۋندتىڭ ىشىندە ءتيىمدى كەلىسىمشارت جاساۋعا مۇمكىندىك الادى. بارلىق ءراسىم زاڭدى تۇردە جۇرگىزىلەدى.
رەسەي فەدەراتسياسىندا اكتسيالار دۇكەنى 6 جىلدان استام ۋاقىت بويى ناتيجەلى جۇمىس ىستەپ وتىر. تۇتىنۋشىلار بازاسى ايىنا 1 مىڭ جاڭا كەلىسىمشارتپەن تولىعادى. قازاقستان ءۇشىن بۇل بالاماسى جوق, ەرەكشە جوبا», دەيدى ول.
Freedom 24.kz ديرەكتورى ۆياچەسلاۆ كيم ستارتاپ-جوبانىڭ جەكە كاپيتالدى وسىرۋگە مۇمكىندىك بەرەتىنىن ايتادى. سونداي-اق زاماناۋي تەحنولوگيانىڭ كومەگىمەن, قۇندى قاعازداردى ساتۋ جانە ساتىپ الۋ مەيلىنشە جەڭىلدەتىلگەن. ال قور نارىعى بارلىق قازاقستاندىق ءۇشىن قولجەتىمدى. اكتسيالاردى ساتىپ الۋ ءۇشىن سايتقا كىرىپ, ءوزىڭىز قالاعان كومپانيالاردىڭ اكتسيالارىن تاڭداپ, بانك كارتاسىمەن تولەۋ ارقىلى ساتىپ الۋعا بولادى. تەحنيكالىق تۇرعىدان تۇسىنىكتى تۇردە ازىرلەنگەن سايتتا ساراپتامالىق ماقالالار, شولۋ مەن جاڭالىقتار دا ورنالاستىرىلادى. وسى ارقىلى تۇتىنۋشىلار قور نارىعى مەن اكتسيالار تۋرالى بىلىمدەرىن مولايتا الادى.
ساتىپ الۋدىڭ ەڭ تومەنگى سوماسى – 3 مىڭ تەڭگە, ەڭ جوعارىسى – 1 ملن تەڭگە. ءبىر كۇندە قۇنى 1 ملن تەڭگەگە جەتەتىن اكتسيالاردى بانك كارتاسى ارقىلى ساتىپ الۋعا بولادى. بۇل ءۇشىن بانكتىڭ تولەم سوماسىنا قاتىستى بەكىتىلگەن شەكتەۋدى ەسكەرۋ كەرەك. ءبىر كومپانيانىڭ اكتسيالارىن ساتىپ الۋ شەكتەۋى ايىنا 300 مىڭ تەڭگە. سونىمەن قاتار سايتتا ەميتەنت-كومپانيالاردىڭ قارجىلىق كورسەتكىشتەرى, جاڭالىقتار, شولۋ مەن ساراپتاما سەكىلدى اقپارات تا بولادى. قۇندى قاعازداردى ساتىپ الۋ مۇمكىندىگىنە جول اشاتىن جوبا, قور نارىعىنا جاڭادان كەلگەن تۇتىنۋشىنىڭ ساۋاتتىلىعىن دا مولايتۋعا سەپتەسەدى. جوبانىڭ تاعى ءبىر ارتىقشىلىعى, «روبوت-ەدۆايزەر» زياتكەرلىك جۇيەسى. بۇل اشىق قولدانىستاعى مالىمەتتەردىڭ نەگىزىندە ينۆەستيتسيالىق پورتفەل جيناقتايدى. پورتفەلدىڭ قۇرامى تۇتىنۋشىنىڭ سۇرانىسىنا بايلانىستى ءۇش تۇرگە بولىنەدى: ءپاسسيۆتى, كونسەرۆاتيۆتى جانە اگرەسسيۆتى.
«فريدوم فينانس» اق قازاقستاننىڭ قور بيرجاسىندا بروكەرلىك قىزمەت كورسەتەدى. قۇندى قاعازداردىڭ كوتيروۆكالارىن قولداۋ ءۇشىن ماركەت-مەيكەردىڭ قىزمەتىن كورسەتىپ, قارجىلىق كونسالتينگتى دە ۇسىنۋعا ءازىر. سونىمەن قاتار قارىزدىق جانە ۇلەستىك قارجىلاندىرۋ بويىنشا دا قىزمەت كورسەتەدى. قازاقستاندا كومپانيانىڭ 15 بولىمشەسى جۇمىس ىستەيدى. باس كەڭسەسى الماتىدا ورنالاسقان. «فريدوم فينانس» اق Freedom Holding Corp. حالىقارالىق توبىنا مۇشە. اكتسيالارى امەريكالىق NASDAQ بيرجاسىندا ساتىلادى.
