ۇزدىكتەر قاتارىنان كورىنىپ جۇرگەن جاس جەتكىنشەكتىڭ جوباسى faceID دەپ اتالادى. وقۋشى شەتەلدىك جەتەكشىسىمەن بىرلەسە وتىرىپ 2 ايعا جۋىق ۋاقىت شاماسىندا اياقتاعان باعدارلاما ۇلكەن ەڭبەكتى تالاپ ەتكەنىن ايتادى.
«بۇل ءبىزدىڭ جوبامىز – faceID.html ارقىلى جاسالىپ, ادامنىڭ ءتۇرىن, جاسىن, كوڭىل كۇيىن كورسەتە الادى», دەيدى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ 8-سىنىپ وقۋشىسى نۇراسىل ماراتوۆ.
جىل سايىن 2 رەت ءداستۇرلى تۇردە وتەتىن كورمەدە جاس ونەرتاپقىشتاردىڭ ادام قىزمەتىن جەڭىلدەتەتىن جوبالارى تانىستىرىلدى. نازارباەۆ زياتكەرلىك مەكتەبىنىڭ 7-12 سىنىپ وقۋشىلارى مەن وبلىستاعى ءبىلىم وردالارىنان كەلگەن جەتكىنشەكتەر پىكىر الماسقان شارادا روبوتتەحنيكا, اقپارات, تسيفرلى ايماق, Steam, قازاقستانداعى جاسىل ايماق, قۇرىلىس جانە ارحيتەكتۋرا, شەكتەۋسىز شىعارماشىلىق, تاربيە جۇمىسى سەكتسيالارى بويىنشا 140-تان استام عىلىمي-شىعارماشىلىق جوبا قويىلدى.
«جارمەڭكەدە توعىز باعىت بويىنشا 114 جوبامىز كورسەتىلدى. وقۋشىلارىمىز ساباق وقىپ قانا قويماي, زەرتتەۋ جۇمىستارىمەن دە اينالىسادى», دەيدى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ ديرەكتورى بالقان قاسىموۆ.
سونداي-اق اتالعان كورمەگە جيىلعان اتا-انالار مەن زياتكەرلىك مەكتەپ تۇلەگى اتانۋعا نيەتتى وقۋشىلار مەكتەپكە قابىلدانۋ جاسى, مەرزىمى, سىناق كۇردەلىلىگى مەن ەرەجەسى تۋراسىنداعى سۇراقتارعا جاۋاپ الا الادى.
«31 قاڭتارعا دەيىن مەكتەبىمىزدە قۇجاتتاردى قابىلداۋ جۇمىستارى جۇرگىزىلىپ جاتىر. مەكتەپتىڭ جۇمىس ىستەۋ رەجىمى, ونداعى ۇيىرمەلەر, جالپى زياتكەرلىك مەكتەپ تۋرالى كەز كەلگەن سۇراققا اتا-انالار مەن وقۋشىلار وسى ارادان تولىق جاۋابىن الادى دەپ ۇمىتتەنەمىز», دەيدى مەكتەپ ديرەكتورى.
ايتا كەتەرلىگى, كورمە ورتالىعىندا وتكەن بۇل شارادا جاس عالىمداردىڭ وسىنداي جۇزدەگەن ەڭبەگى تانىستىرىلدى.
شىمكەنت
