تۇجىرىمداما نەگىزىندە جەتى باعىت بويىنشا جالپى ۇلتتىق جوبالار جۇزەگە اسىرىلماق. اقتوبە وبلىستىق جاستار ساياساتى ماسەلەلەرى باسقارماسىنىڭ باسشىسى مەيرامبەك ماحامبەتوۆ وسىعان وراي وڭىردە ء«بىلىم», «ساباقتاستىق», «تازا قازاقستان», «اسىل مۇرات», «قامقور» جانە ء«ۇمىت» اتتى باعىتتارعا باسىمدىق بەرىلگەنىن ايتىپ بەردى. ونىڭ مالىمدەۋىنشە, بۇل ەرىكتىلەر قوزعالىسىن ايماقتا كەڭىنەن ورىستەتۋدىڭ باستى ءبىر جولى بولماق.
قازىرگى كەزدە وبلىستا قۇرامىندا 1500-دەن استام مۇشەسى بار 36 ۆولونتەرلەر توبى قىزمەت جاسايدى. ولاردىڭ 17-ءسى اقتوبە قالاسىندا بەلسەندى ءىس-قيمىل تانىتىپ جۇرسە, 17-ءسى وبلىس اۋداندارىندا ساباقتاستىقتىڭ جانە جاڭاشىلدىق پەن جاسامپازدىقتىڭ ۇلگىسىن كورسەتۋدە. بۇل رەتتە اقتوبە ايماعىندا رەسمي تۇردە تىركەلگەن ۆولونتەرلەر توپتارى ءبىراز جىلداردان بەرى ءوز جۇمىستارىن تۇراقتى تۇردە جۇرگىزىپ كەلەدى. ولاردىڭ العا قويعان باستى ماقساتى مۇقتاج جاندارعا رۋحاني تۇرعىدان جانە قوعامدىق قابىلداۋ تۇرعىسىنان قاجەتتى كومەكتەر بەرۋ بولىپ وتىر.
وسى ورايدا ءاربىر ۆولونتەرلىك توپتىڭ وزدەرىنە ءتان ءىس-قيمىل ەرەكشەلىگى بار ەكەنى, ولاردى دارالاماي, كەرىسىنشە ءبىرىن-ءبىرى بايىتىپ, تولىقتىرىپ جۇرگەنى دە ءسۇيىنىشتى جايت. ايتالىق, العاشقى توپ كومەكتى قاجەت ەتەتىن جالعىزىلىكتى جاندار مەن مۇمكىندىگى شەكتەۋلى ازاماتتاردىڭ جاندارىندا جۇرسە, ەكىنشىسى قاريالار مەن انالار ۇيلەرىنە ءجيى بارىپ, ولارمەن تىعىز قارىم-قاتىناس ورناتۋدى باستى مىندەتىمىز دەپ بىلەدى.
وبلىستا مەديتسينالىق كومەك كورسەتۋگە باعىت ۇستاعان ۆولونتەرلەر توپتارى دا جاساقتالعان. سونداي-اق سوناۋ كەڭەستىك كەزەڭدە قالىپتاسقان «قىزىل جارتى اي» قوعامى ءوز جۇمىستارىن بۇگىنگى قازاقستاندىق قوعام مۇددەسىنە بەيىمدەي بىلگەنى دە سۇيسىندىرمەي قويمايدى. ايتالىق, قازىرگى كەزدە جاستار مەن ستۋدەنتتەردىڭ اراسىندا رەپرودۋكتيۆتىك دەنساۋلىعى ناشار قوعام مۇشەلەرى ءجيى كەزدەسىپ قالىپ جۇرگەنى بەلگىلى. ەگەر باس كوتەرە باستاعان بۇل دەرتتىڭ الدى الىنباسا, ەرتەڭ ونىڭ اياعى ۇلكەن وكىنىشكە اپارىپ سوقتىرماسىنا ەشكىم كەپىلدىك بەرە المايدى.
وتباسىن قۇرعان ەرلى-زايىپتىلاردىڭ رەپرودۋكتيۆتىك دەنساۋلىقتارى تومەندىگىنەن ۇرپاق سۇيە الماۋى – باقىتسىزدىقتىڭ ءبىر كورىنىسى ەمەس پە؟ بۇل باعىتتا «رەپرودۋكتيۆتى دەنساۋلىق» جانە «العاشقى مەديتسينالىق كومەك» اتتى كاسىبي دارىگەرلەردەن قۇرالعان ۆولونتەرلەر توبى وزدەرىنە جولىققان جاندارعا جان جىلۋى مەن شيپا جىلۋىن قوسا بەرۋگە قاشان دا ءازىر. وڭىردەگى ۆولونتەرلەر ارمياسىنىڭ تاعى ءبىر وكىلى ەكولوگيالىق باعىتتا تۋىنداعان ماسەلەلەردى شەشۋگە قاتىستى ءوز ۇندەرىن ايقىن جەتكىزۋدە. سونداي-اق «زەردە» دەگەن اتاۋعا يە ۆولونتەرلىك توپ ءىس-ءتۇسسىز جوعالىپ كەتكەن ادامداردىڭ دەرەكتەرىن ىزدەستىرىپ تابۋعا قاتىستى جوسپار جاساپ, العا قويعان ماقساتتارىنا قول جەتكىزۋدى كوزدەيدى. بۇل تۇرعىدا ولار ءوز جۇمىستارىن توتەنشە جاعدايلار جونىندەگى مەملەكەتتىك قۇرىلىمدارمەن جانە قۇقىق قورعاۋ ورگاندارمەن قويان-قولتىق قىزمەت جاساۋعا بەكەم بەل بۋعان.
بيىلعى ۆولونتەر جىلىندا اقتوبە ايماعىنداعى ۆولونتەرلەر العا قويعان وي-جوسپارلار مەن جوبالار ەرتەڭگى كۇننىڭ تىندىرىلعان ناقتى ىسىنە اينالسا يگى.
اقتوبە
