ماس كۇيىندە كولىك جۇرگىزۋ قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىمەن جول قوزعالىسى سالاسىنداعى ەڭ اۋىر قۇقىق بۇزۋشىلىقتاردىڭ ءبىرى رەتىندە انىقتالعان. ەگەر جۇرگىزۋشى ماس كۇيىندە ەكىنشى مارتە ۇستالسا, وندا ول قىلمىستىق جاۋاپكەرشىلىككە تارتىلادى.
2020 جىلدىڭ باسىنان باستاپ 39 جۇرگىزۋشى ماس كۇيىندە كولىك باسقارعانى ءۇشىن پوليتسيا الدىندا جاۋاپقا تارتىلدى. بارلىق جۇرگىزۋشىلەر 7-8 جىلعا جۇرگىزۋشى كۋالىگىنەن ايىرىلىپ, 15 تاۋلىككە اكىمشىلىك قاماۋعا الىندى.
پاترۋلدىك پوليتسيا باتالونىنىڭ قىزمەتكەرلەرى 2020 جىلدىڭ 26 قاڭتارىندا ساعات 21.50-دە لوموۆ, 162/1 كوشەسىندە جۇك تيەگىشتى توقتاتتى. مەديتسينالىق ساراپتاما قورىتىندىسىندا جۇرگىزۋشى ماس كۇيىندە بولعان.
پاترۋلدەۋ كەزىندە 28 قاڭتاردا ساعات 15.50-دە چكالوۆ كوشەسىندە كاماز كولىگىن توقتاتتى. الكوگولدى ىشىمدىك ىشكەن جۇرگىزۋشى ورنىندا ارەڭ تۇرىپ, جول كولىك ەرەجەسىن ساقتاماعان. مەديتسينالىق ساراپتاما قورىتىندىسى ەر ادامنىڭ ماس كۇيىندە رولدە بولعانىن دالەلدەدى.
