ايماقتار • 29 قاڭتار، 2020

شىمكەنتتەگى جوعارى وقۋ ورنىندا پاراسات مەكتەبى مەن ادالدىق دۇكەنى اشىلدى

41 رەتكورسەتىلدى

شىمكەنتتەگى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە ساتۋشىسىز دۇكەن جۇمىس ىستەي باستادى.

ستۋدەنتتەر ەندى كەڭسە تاۋارلارىن جانە وقۋ-جازۋ كەزىندە قاجەت بولاتىن قۇرالداردى  ەشكىمنىڭ كومەگىنسىز  وزدەرى الا الادى. ادالدىق دۇكەنىندە ءاربىر تاۋاردىڭ باعاسى جازىلعان.  ال ونداعى زاتتاردى ساتىپ الۋشى ستۋدەنتتەر مەن وقىتۋشىلار تاۋاردىڭ اقشاسىن ارنايى جاشىككە سالىپ كەتەدى.

«مۇنداي ءادىس جاستاردى ادالدىق قاعيداتىنا تاربيەلەيدى»، دەيدى ۋنيۆەرسيتەت رەكتورى داريا قوجامجاروۆا.

بۇل ۋنيۆەرسيتەت جاستارىنا ءاربىر ءىس-ارەكەتىن ويلانىپ، باعامداپ بارىپ جاساۋعا جول كورسەتەدى. ءبىلىم ورداسىندا سونداي-اق بۇگىنەن باستاپ «پاراسات» مەكتەبى دە جۇمىس ىستەي باستادى. اتالعان مەكتەپ جاستارعا ءۇش ءتۇرلى باعىتتا تاريبە بەرەدى. ونىڭ العاشقىسى – «سانالى ۇرپاق»، ەكىنشىسى، «ىزگىلىك ەلشىسى» دەگەن تاقىرىپتى قامتيدى. بۇل باعىتتا وڭىردەگى ساۋلەلى عۇمىر كەشكەن، ادالدىقتى تۋ ەتكەن ازاماتتارمەن كەزدەسۋلەر ۇيىمداستارىلادى. ال سوڭعىسى جەمقورلىقتان ادا قوعام قۇرۋدى كوزدەپ وتىر.

ءىس-شاراعا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ وكىلدەرى، «شىمكەنت-ادالدىق الاڭى» جوبالىق كەڭسەسىنىڭ جەتەكشىسى ەراسىل تولەباەۆ جانە ۋنيۆەرسيتەت وقىتۋشىلارى مەن ءبىلىم الۋشى ۇزدىك شاكىرتتەر قاتىستى.

جەڭ ۇشىنان جالعاسقان سىبايلاس جەمقورلىقتىڭ الدىن-الۋ ماقساتىندا قازىر ۋنيۆەرسيت اۋماعىنا 16 ۇلكەن لەد ەكران ورناتىلعان. وقۋ ماۋسىمىنىڭ سوڭىنداعى ءاربىر سىناقتى كەز-كەلگەن ازامات وسى ەكراندار ارقىلى باقىلاي الادى.

«ستۋدەنتتەردىڭ قاتىسۋىمەن وقۋ پروتسەسىنىڭ تازالىعىنا مويتورنينگ جاسادىق. الەۋمەتتىك زەرتتەۋلەردىڭ ناتيجەسىندە ەمتيحاننىڭ تازالىعى 86 پايىزدى كورسەتىپ وتىر» دەيدى م.اۋەزوۆ اتىنداعى وقمۋ-ءنىڭ رەكتورى داريا قوجامجاروۆا.

1

سوڭعى جاڭالىقتار

ۇقساس جاڭالىقتار