الەم • 29 قاڭتار، 2020

قىتايدا كوروناۆيرۋستان قازا تاپقانداردىڭ سانى 132-گە جەتتى

33 رەتكورسەتىلدى

قىتايدا كوروناۆيرۋستى جۇقتىرعانداردىڭ سانى 5 974 ادام بولسا، ونىڭ 132-ءسى قازا تاپقان. بۇل تۋرالى ريا نوۆوستي اقپاراتتىق اگەنتتىگى حابارلادى.

اگەنتتىكتىڭ مالىمەتىنشە، قازىر ينفەكتسيانىڭ راستالعان جاعدايلارىنىڭ سانى 5999 ادامعا جەتتى (كۇدىكپەن 9239 ادام)، ونىڭ 132-ءسى قايتىس بولدى، 104-ءى ەمدەلدى.

ءاتيپتى پنەۆمونيا العاش رەت 2002 جىلدىڭ قاراشاسىندا قىتايدىڭ گۋاندۋن پروۆينتسياسىندا تىركەلگەن. ددسۇ مالىمەتتەرى بويىنشا، ماتەريكتىك قىتايدا 5327 ينفەكتسيا تىركەلىپ، 349 ادام قايتىس بولعان. جالپى 30 ەلدە 8،5 مىڭعا جۋىق ادام اۋىرىپ، 900-دەن استامى قايتىس بولعاندار سانى بەلگىلى بولعان.

قىتايدان باسقا، وڭتۇستىك كورەيا، جاپونيا، اقش، تايلاند، كانادا، ۆەتنام، سينگاپۋر، نەپال، فرانتسيا، اۆستراليا، مالايزيا، كامبودجا جانە گەرمانيادا دا كورونوۆيرۋس ينفەكتسياسى تىركەلدى.

ۆيرۋس تامشىلار ارقىلى ءبىر-ەكى مەتر قاشىقتىقتا، سونداي-اق لاس قولداردى كوزگە تيگىزۋ ارقىلى جۇقتىرىلادى.

نەگىزگى بەلگىلەرى - قۇرعاق جوتەل، ەنتىگۋ، تىنىس جەتىسپەۋشىلىگى، قىزبا، السىزدىك. الايدا، كەيبىر جاعدايلاردا اۋرۋ پنەۆمونياسىز وتەدى. ول سيرەك كەزدەسەتىن قۇرعاق جوتەلمەن جانە تومەن تەمپەراتۋرامەن بىرگە جۇرەدى. بىراق جۇمساق بەلگىلەرى بولسا دا، ناۋقاس باسقالارعا جۇقتىرۋى مۇمكىن.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار