ەسكە سالا كەتەيىك, بۇعان دەيىن مەملەكەت باسشىسىنىڭ تاپسىرماسىمەن 2019 جىلعى قاراشادان باستاپ نۇر-سۇلتان, الماتى, شىمكەنت, اقتاۋ, قاراعاندى, وسكەمەن, پاۆلودار, كوكشەتاۋ, تاراز, پەتروپاۆل, سەمەي اۋەجايلارىندا «اشىق اسپان» رەجىمى ەنگىزىلدى. بۇگىن پارلامەنت وتىرىسىندا دانيا ەسپاەۆا ەندىگىدە بۇل تىزىمگە اقتوبە قالاسىنىڭ اۋەجايىن دا قوسۋ جايىندا ۇسىنىس ايتتى.
- «اشىق اسپان» رەجىمى - شەتەلدىك اۋە كومپانيالارىنا وبلىستارداعى ءىرى قالالارعا رەيس جاساۋعا مۇمكىندىك بەرەدى. اقتوبە قالاسىنىڭ حالىقارالىق اۋەجايى ەلىمىزدىڭ باتىس جاقتاۋىنىڭ قاقپاسى جانە ءىرى ونەركاسىپتىك ورتالىق بولعاندىقتان بۇل شەشىمنىڭ ماڭىزى زور, - دەدى دانيا ەسپاەۆا.
ونىڭ ايتۋىنشا, بۇل قازاقستاننىڭ ترانزيتتىك الەۋەتىن كۇشەيتىپ, ىشكى اۋەجايلار ارقىلى تاسىمالدى ارتتىرۋعا زور ۇلەسىن تيگىزەدى.
- قازاقستاندا بۇل رەجىمنىڭ ەنگىزىلۋى جاڭا شەتەلدىك تاسىمالداۋشىلاردى تارتۋعا, جاڭا حالىقارالىق باعىتتاردىڭ اشىلۋىنا, سونداي-اق ءتۋريزمنىڭ دامۋى مەن اقتوبە قالاسىنىڭ حالىقارالىق قارجى ورتالىعىنىڭ كولىككە قول جەتىمدىلىگىنىڭ ارتۋىنا ىقپال ەتەدى, - دەدى دەپۋتات.
