قازاقستان • 29 قاڭتار، 2020

قولايسىز اۋا رايىنا بايلانىستى توتەنشە جاعدايلار دەپارتامەنتىنىڭ وكىلى مالىمدەمە جاسادى

47 رەتكورسەتىلدى

28 قاڭتاردا 21:00-دەگى جاعداي بويىنشا 10 وبلىس پەن ەلوردانىڭ 106 ۋچاسكەسىندە رەسپۋبليكالىق جانە وبلىستىق ماڭىزى بار اۆتوجولدار بويىنشا بارلىق اۆتوكولىكتەر ءۇشىن قوزعالىس شەكتەلدى. بۇل تۋرالى رەسپۋبليكالىق جەدەل شتاب باس باسشىسىنىڭ ورىنباسارى، ازاماتتىق قورعاۋ پودپولكوۆنيگى جاقاتاەۆ مالىمدەدى.

«اقمولا، اقتوبە، الماتى، پاۆلودار، قاراعاندى، قىزىلوردا، قوستاناي، سولتۇستىك قازاقستان جانە تۇركىستان وبلىستارىنىڭ اۆتوجولدارىنىڭ 8 ۋچاسكەسىندە جۇك جانە جولاۋشىلار اۆتوكولىكتەرى ءۇشىن قوزعالىس شەكتەلدى. قار قۇرساۋىنان 6388 ادام قۇتقارىلدى. ونىڭ ىشىندە 598-ءى بالا. 2807 بىرلىك تەحنيكا شىعارىلدى. اۆاريالىق قۇتقارۋ جۇمىستارىنا بارلىعى 821 ادام جانە 425 بىرلىك تەحنيكا جۇمىلدىرىلدى»، - دەدى ول.

ونىڭ ايتۋىنشا، نۇر-سۇلتان قالاسى جانە اقمولا، قاراعاندى، اقتوبە وبلىستارىندا 69 جىلىتۋ بولىمدەرىنە 1023 ادام، ونىڭ ىشىندە 120 بالا ورنالاستىرىلدى. جەدەل جەلىلەرى تەلەفوندارىنا بۇگىنگى تاۋلىك ىشىندە 140 قوڭىراۋ كەلىپ تۇسكەن. قازىرگى ۋاقىتتا وسى باعىت بويىنشا جۇمىس جالعاستىرىلۋدا.

 

سوڭعى جاڭالىقتار

ۇقساس جاڭالىقتار