قازاقستان • 28 قاڭتار، 2020

قىتايداعى قازاقستاندىق ستۋدەنتتەر ءۇشىن ارنايى بورت ۇيىمداستىرىلادى

41 رەتكورسەتىلدى

ۇكىمەت الاڭىندا وتكەن ءباسپاسوز كونفەرەنتسياسىندا سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ بۇگىنگى تاڭدا قىتاي حالىق رەسپۋبليكاسىنىڭ اۋماعىندا جۇرگەن قازاقستان ازاماتتارى تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

قازاقستان ءسىم مالىمەتتەرى بويىنشا، قازىرگى تاڭدا ۋحان قالاسىندا قازاقستاندىق 98 ستۋدەنت بار. قىتايداعى قازاقستان ەلشىلىگى ستۋدەنتتەرمەن تىكەلەي بايلانىس ورناتۋدا.

«ستۋدەنتتەردە قاجەتتى نارسەنىڭ بارلىعى بار، وزدەرى ءبىلىم الىپ جۇرگەن ۋنيۆەرسيتەتتەر ولاردى بارلىق قاجەتتىمەن قامتاماسىز ەتۋدە. بۇل مەديتسينالىق بۇيىمدار، سونىڭ ىشىندە، ءبىرىنشى كەزەكتە، ماسكا. ازىق-ت ۇلىك ونىمدەرى دە جەتكىلىكتى مولشەردە. وزدەرىڭىز بىلەتىندەي، پرەمەر-ءمينيستردىڭ تاپسىرماسى بويىنشا بىزدە ۆەدومستۆوارالىق كوميسسيا قۇرىلعان. كەشە وتىرىس ءوتتى، قازىر ءبىز ستۋدەنتتەردى كوشىرۋ ماسەلەسىن پىسىقتاپ جاتىرمىز. بۇل ماسەلە بويىنشا قىتاي تارابىنا رەسمي نوتا جىبەرىلدى. قازىرگى ۋاقىتتا مارشرۋتقا قاتىستى ناقتى ماسەلەلەر پىسىقتالۋدا: ۇشاق ۇشىپ شىعادى ما، قايدا قونادى، ادامداردى قايدان الۋ قاجەت بولادى دەگەن ماسەلەلەر قارالۋدا. ستۋدەنتتەرمەن كەلىسسوزدەر جۇرگىزىلىپ جاتىر جانە ولاردىڭ سانىنا بايلانىستى ارنايى بورتتى جىبەرۋ ماسەلەسىن پىسىقتايتىن بولامىز. ديپلوماتيالىق رۇقسات الۋ قىتايمەن كەلىسۋ كەزەڭىندە»، - دەدى ش. نۇرىشەۆ.

ونىڭ ايتۋىنشا، قازاقستاننىڭ قحر-داعى ەلشىلىگى مەن باس كونسۋلدىعى قازىر قحر ازاماتتارى ءۇشىن دەنساۋلىق جاعدايى تۋرالى انىقتامانى تالاپ ەتۋ تۇرعىسىنان تالاپتاردى كۇشەيتتى.

«ۇكىمەتتىڭ شەشىمىمەن قحر ازاماتتارىنىڭ قازاقستان اۋماعىندا ۆيزاسىز ترانزيتتىك 72 ساعاتتىق كەلۋ ءتارتىبى ۋاقىتشا توقتاتىلدى. قازىرگى ۋاقىتتا قحر ازاماتتارى ءۇشىن اۋەجايعا كەلگەننەن كەيىن ەلەكتروندىق ۆيزالاردى رەسىمدەۋدى توقتاتا تۇرۋ تۋرالى شەشىم قابىلداندى»، — دەپ حابارلادى ءمينيستردىڭ ءبىرىنشى ورىنباسارى.

قازىرگى ۋاقىتتا قر ءسىم مالىمەتتەرى بويىنشا، قحر اۋماعىندا قازاقستاننىڭ 1300-گە جۋىق ازاماتى بار. ولاردىڭ 635-ءى حاينان پروۆينتسياسىندا جۇرگەن 635 تۋريست. 204-ءى ەلشىلىكتىڭ، باس كونسۋلدىقتىڭ قىزمەتكەرلەرى جانە ولاردىڭ وتباسى مۇشەلەرى، سونداي-اق قازىرگى ۋاقىتتا قىتاي اۋماعىندا جۇرگەن قازاقستاننىڭ 445 ازاماتى.

«كەشە قحر ءسىم-دە شەتەلدىك ديپلوماتتارعا ارنالعان بريفينگ ءوتتى، شارا بارىسىندا قىتاي تاراپى ءوز اۋماعىندا ورىن العان جاعداي تۋرالى ايتتى. ارينە، ولار بارلىق ءتيىستى شارالار قابىلدانعانىن، ءبارى دە باقىلاۋدا ەكەنىن ايتتى. قوزعالىستى ازايتۋ ءۇشىن ازاماتتارىڭ مۇمكىندىگىنشە تۇرعىلىقتى مەكەنجايلارىندا قالۋىن سۇرادى، سونىمەن قاتار، ولار شەتەل مەملەكەتتەرىنەن شۇعىل ءوتىنىش تۇسكەن جاعدايدا سول ەلدەردىڭ ازاماتتارىن ەۆاكۋاتسيالاۋ جانە شىعارۋ ماسەلەسىن قاراۋعا دايىن ەكەنىن ايتتى»، — دەپ اتاپ ءوتتى ش. نۇرىشەۆ.

ءوز كەزەگىندە دەنساۋلىق ساقتاۋ ءمينيسترى ە. ءبىرتانوۆ دۇنيەجۇزىلىك دەنساۋلىق ساقتاۋ ۇيىمى تاراپىنان جاھاندىق قاۋىپ-قاتەر جانە شەكارانىڭ جابىلۋى تۋرالى حابارلامالار تۇسپەگەنىن اتاپ ءوتتى.

«دۇنيەجۇزىلىك دەنساۋلىق ساقتاۋ ۇيىمى قازىرگى ۋاقىتتا حالىقارالىق ساياحاتتاردى شەكتەۋدى ۇسىنبايدى. مەنىڭ بىلۋىمشە، بىردە-ءبىر ەل قىتايمەن شەكارانى جاپپادى. ءبىز ازاماتتاردىڭ قىتاي شەكاراسى ارقىلى ءوتۋ ترافيگى باسقا ەلدەرگە قاراعاندا ءبىرشاما ەسە كوپ ەكەنىن تۇسىنەمىز، بىراق وندا مۇنداي شارالار قابىلدانىپ جاتقان جوق. سوندىقتان دا ۇكىمەتتىك كوميسسيا شەكارانى جابۋ جونىندە شەشىم قابىلداعان جوق، دەگەنمەن مەملەكەتتىك جانە مەملەكەتتىك ەمەس ۇيىمدارعا قىتايعا ءىسساپارلاردى شەكتەۋدى ۇسىنادى. سونداي-اق، ازاماتتارعا جەكە جانە باسقا دا ىستەرى بويىنشا بارماۋدى ۇسىنامىز. بۇل قحر-عا باراتىن ازاماتتارىمىز ءۇشىن سىن-تەگەۋرىندەردى ازايتۋ ءۇشىن جاسالۋدا»، — دەدى دەنساۋلىق ساقتاۋ ءمينيسترى.

قازاقستان باس مەملەكەتتىك سانيتاريالىق دارىگەرى جانداربەك بەكشين، ءوز كەزەگىندە، قازاقستاندىقتارعا ينفەكتسيا جۇقتىرعان بولۋى مۇمكىن ادامدارمەن جانە حالىق كوپ شوعىرلانعان جەرلەردە ماسكا كيىپ جۇرۋگە كەڭەس بەردى. كوشەدە ماسكا كيۋ قاجەت ەمەس.

«اشىق ورتادا بۇل ۆيرۋس ءومىر سۇرە المايدى. ەڭ كوپ دەگەندە ول تەك ءبىر كۇن ءومىر سۇرەدى. ۆيرۋستىڭ تارالۋىنىڭ وڭتايلى تەمپەراتۋراسى 36-37 گرادۋسقا تەڭ، ياعني بۇل ۆيرۋس ادامدار مەن جانۋارلاردىڭ اعزالارىندا عانا ءومىر سۇرەدى. سوندىقتان ۆيرۋستىڭ تاماق ونىمدەرىن نەمەسە سالەمدەمەلەردى تاسىمالداۋ ارقىلى تارالۋى ەكىتالاي. بىزگە قىتايدان تەمىر جول كولىگىمەن نەمەسە اۆتوكولىكپەن اكەلىنەتىن تاۋارلار 2-3 كۇنگە جۋىق ۋاقىتتا جەتكىزىلەدى، ياعني ۆيرۋس ول ارالىقتا كۇشىن جويادى. تاعى ءبىر ۇسىنىس – ازىق-ت ۇلىكتى تۇتىنار الدىندا جاقسىلاپ جۋ قاجەت نەمەسە تەرميالىق وڭدەۋدەن وتكىزۋ قاجەت. ال شيكى كوكونىستەر مەن جەمىستەردى اعىندى سۋمەن جۋىپ، ىستىق سۋمەن شايۋ قاجەت»، — دەدى ج. بەكشين.

ايتا كەتۋ كەرەك، قىتاي جاڭا جىلىن مەرەكەلەۋ كەزىندە تۋريستەردىڭ جاپپاي جولعا شىعۋى تۇرعىسىنان قحر-دان تىس جەرلەرگە ينفەكتسيانىڭ تارالۋ قاۋپى جوعارى.

ەپيدەميولوگيالىق زەرتتەۋلەرگە سايكەس، اۋىرعانداردىڭ كوپشىلىگى حۋبەي پروۆينتسياسىنىڭ ۋحان قالاسىندا ورنالاسقان حۋانان تەڭىز ونىمدەرىنىڭ، مال، قۇستاردىڭ جانە ەكزوتيكالىق ونىمدەردىڭ كوتەرمە ساۋدا نارىعىندا جۇمىس ىستەگەن نەمەسە وڭدەۋشىلەر بولعان نەمەسە ءجيى كەلۋشىلەر بولعان.

بۇگىنگى تاڭدا قازاقستان بويىنشا شەكارالىق ايماقتاردىڭ وتكىزۋ پۋنكتتەرىندە، اۋەجايلار مەن ۆوكزالداردا كوروناۆيرۋستىڭ ەنۋى مەن تاراۋىنا قارسى ءىس-قيمىل شارالارى جۇرگىزىلىپ جاتىر: كەلۋشى حالىقارالىق اۆيارەيستەرگە تەپلوۆيزيالىق باقىلاۋ كۇشەيتىلدى، بارلىق ادامداردىڭ مىندەتتى بايلانىسسىز تەرمومەترياسى جۇرگىزىلۋدە، اۋەجايلار، شەكارا جانە كەدەن قىزمەتىنىڭ قىزمەتكەرلەرىمەن، ۇشۋ قۇرامىمەن، جولاۋشىلار پويىزدارىنىڭ جولسەرىكتەرىمەن پروفيلاكتيكالىق جۇمىستار ۇيىمداستىرىلدى. اۋەجايلاردا قحر-عا شىعاتىن بارلىق ادامدار ءۇشىن جادىناما بەرىلەدى.

سونىمەن قاتار، 1406 (الەۋمەتتىك مەديتسينالىق ساقتاندىرۋ قورىنىڭ نەگىزىندە)، + 7 (7172) 76-80-43 call-ورتالىعى ۇيىمداستىرىلعان، وعان ازاماتتار قوڭىراۋ شالىپ، الەمدەگى كوروناۆيرۋس اۋرes تۋرالى، سونداي-اق اۋرۋدىڭ الدىن الۋ شارالارى مەن نەگىزگى بەلگىلەرى تۋرالى بارلىق وزدەرىن قىزىقتىراتىن اقپاراتقا تاۋلىك بويى جاۋاپ الا الادى.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار