سپورت • 28 قاڭتار، 2020

نۇر-Cۇلتاندا العاش رەت سۋ دوبىنان رەسەي چەمپيوناتىنىڭ كەزدەسۋى وتەدى

26 رەتكورسەتىلدى

7-8 اقپان كۇنى نۇر-سۇلتاندا سۋ دوبىنان ەرلەر كومانداسى اراسىنداعى رەسەي اشىق چەمپيوناتىنىڭ كەزەكتى تۋرى وتەدى. تۋرنير تاريحىندا العاش رەت ماتچ قازاقستان استاناسىندا ۇيىمداستىرىلماق. بۇل تۋرالى Olympic.kz حابارلادى.

«رەسەي سۋ سپورتى تۇرلەرى فەدەراتسياسى جانە «سپارتاك ۆولگوگراد» كلۋبىمەن كەلىسە وتىرىپ، ون ءبىرىنشى تۋر ويىنىن قازاقستاندا وتكىزۋدى ءجون كوردىك. وزدەرىڭىز بىلەسىزدەر، قازاقستان كومانداسى اقپان ايىندا وتەتىن وليمپياداعا ىرىكتەۋ تۋرنيرىنە دايىندالۋدا. سپورتشىلار بابىنا ەنىپ، جاقسى دايىندىق جاساۋى ءۇشىن «سپارتاك ۆولگوگراد» كلۋبىن ارنايى شاقىرتتىق. ولار رەسەي بىرىنشىلىگىندە عانا ەمەس، ەۋروپاداعى ۇزدىك كوماندالاردىڭ ءبىرى. بۇل كلۋب ويىنشىلارى ءبىزدىڭ كومانداعا جاقسى قارسىلاس اتانارى ءسوزسىز.  ءبىز مۇنداي ءتۋرنيردىڭ ەلىمىزدە وتەتىنى ءۇشىن قۋانىشتىمىز. بۇل قازاقستانداعى سۋ دوبىن دامىتۋعا ۇلەس قوسادى. سونداي-اق، كوپتەگەن جانكۇيەرلەر ءۇشىن سپورتشىلاردىڭ ويىنىن تاماشالاۋ ۇلكەن قۋانىش. كەزدەسۋلەر 7-8 اقپان كۇندەرى «بارىس-ارەنادا» وتەدى. بۇگىندە ءبىزدىڭ سپورتشىلار نۇر-سۇلتان قالاسىنا كەلىپ، باسسەيندى جاتتىعۋدى باستاپ كەتتى. 3 اقپان كۇنى قارسىلاس كوماندا ويىنشىلارى كەلەدى»، - دەدى باس حاتشى سەرگەي ميحايلوۆيچ. 

سونداي-اق سەرگەي ميحايلوۆيچ الداعى ليتسەنزيالىق ازيا چەمپيوناتىنا قاتىستى پىكىرىمەن ءبولىستى. 

«الدىمىزدا ءبىرى عانا ماقسات بار – وليمپيادا ويىندارىنا جولداما الۋ. ەرلەر اراسىندا عانا ەمەس، ايەلدەر اراسىندا دا توپ جارۋدى كوزدەپ وتىرمىز. ارينە، بۇل وڭاي ەمەس. ويتكەنى، قىتاي ايەلدەر كومانداسى ازيادا عانا ەمەس، الەمدە ۇزدىك سانالادى. دەگەنمەن، ءبىزدىڭ كوماندانىڭ بار كۇشىن سالاتىنى انىق»، - دەدى ول. 

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار