ەكونوميكا • 28 قاڭتار، 2020

ۇلتتىق بانك 2030 جىلعا دەيىنگى اقشا-نەسيە ساياساتى ستراتەگياسىنىڭ جوباسىن ازىرلەيدى

72 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ۇلتتىق بانك توراعاسى ەربولات دوساەۆ مەملەكەت باسشىسىنىڭ ۇكىمەتتىڭ 24.01.2020 جىلعى كەڭەيتىلگەن وتىرىسىندا بەرگەن تاپسىرمالارىنىڭ ورىندالۋى تۋرالى باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

«مەملەكەت باسشىسى قاسىم-جومارت كەمەل ۇلى توقاەۆتىڭ 2020 جىلعى 24 قاڭتارداعى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىنا سايكەس ءبىز ۇكىمەتتىڭ، ۇلتتىق بانكتىڭ جانە قارجى نارىعىن رەتتەۋ جانە دامىتۋ اگەنتتىگىنىڭ ءتيىستى ءىس-شارالار جوسپارىن كەلىستىك»، — دەدى ە. دوساەۆ. 

ۇلتتىق بانككە بەكىتىلگەن ءىس-شارالار شەڭبەرىندە بىرقاتار باعىت بويىنشا جۇمىستى جۇرگىزۋ كوزدەلگەن. ونىڭ ىشىندە-اقشا-نەسيە ساياساتىنىڭ تيىمدىلىگىن ارتتىرۋ، قارجى جۇيەسىنىڭ تۇراقتىلىعى مەن جالپى ەكونوميكالىق دامۋ قاجەتتىلىگى اراسىنداعى تەڭگەرىمدى قامتاماسىز ەتۋ، ۆاليۋتا نارىعىن دامىتۋ جانە ت. ب. بويىنشا.

اقشا-نەسيە ساياساتى

اقشا-نەسيە ساياساتىنىڭ تيىمدىلىگىن ارتتىرۋ، ينفلياتسيالىق كۇتۋلەردى تۇراقتاندىرۋ جانە ەكونوميكانى ۇزاق مەرزىمدى قورلاندىرۋدى قامتاماسىز ەتۋ ءۇشىن ءبىز اعىمداعى جىلعى ناۋرىزدىڭ سوڭىنا دەيىن اقشا-نەسيە ساياساتىنىڭ 2030 جىلعا دەيىنگى ستراتەگياسىنىڭ جوباسىن ازىرلەيمىز. ساراپتامالىق قاۋىمداستىقپەن تالقىلانعاننان جانە مۇددەلى مەملەكەتتىك ورگاندارمەن كەلىسىلگەننەن كەيىن جوبا اعىمداعى جىلدىڭ 1 شىلدەسىنە دەيىن ۇلتتىق بانك باسقارماسىنا ۇسىنىلادى.

قارجى تۇراقتىلىعى مەن ەكونوميكالىق ءوسۋ اراسىنداعى تەڭگەرىم

ماكروەكونوميكالىق ساياسات شارالارىن ۇيلەستىرۋ ماقساتىندا اعىمداعى جىلعى ناۋرىزدا ۇكىمەت، ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى اراسىندا كەلىسىم جاسالادى. 

قۇجاتتا 2019 جىلى باستالعان ماكروەكونوميكالىق ساياساتتى ۇيلەستىرۋ جۇمىسى جالعاستىرىلادى جانە قارجى جۇيەسىنىڭ تۇراقتىلىعى مەن جالپى ەكونوميكالىق دامۋ قاجەتتىلىگى اراسىنداعى بالانستى قامتاماسىز ەتۋ تاسىلدەرى ازىرلەنەدى. 

كەلىسىمدە مىنالار:

  • ازىق-ت ۇلىك نارىقتارىنداعى باسەكەلەستىكتى ارتتىرۋ جانە رەتتەلەتىن قىزمەتتەرگە تاريفتەردى ءتيىمدى باقىلاۋ شارالارى;
  • مەملەكەتتىك باعالى قاعازدار نارىعىن دامىتۋ جانە 2-5 جىلدىق وبليگاتسيالاردى باسىم تۇردە شىعارۋ ماسەلەلەرى;
  • ەكسپورتتى ودان ءارى ءارتاراپتاندىرۋ جانە يمپورت اۋىستىرۋ بويىنشا جۇمسالاتىن كۇش;
  • بانكروتتىق راسىمدەرىن، اتاپ ايتقاندا ء«بىر تەڭگە – ءبىر داۋىس» ءراسىمىن جەتىلدىرۋ جۇمىسىن جالعاستىرۋ، سونداي-اق ونىڭ تيىمدىلىگىن ارتتىرۋ ءۇشىن بانكروتتىق ءراسىمىن جۇرگىزۋ مەرزىمدەرىن شەكتەۋ قامتىلۋى ءتيىس.  

ۆاليۋتا نارىعىن دامىتۋ 

قارجى نارىعىن تەڭگەرىمدى دامىتۋدى قامتاماسىز ەتۋ جانە قازاقستانعا شەتەلدىك كاپيتالدى تارتۋ جۇمىسى شەڭبەرىندە ۇلتتىق بانك قارجى نارىعىن رەتتەۋ جانە دامىتۋ اگەنتتىگىمەن بىرلەسىپ 2020 جىلعى 1 شىلدەگە دەيىن ۆاليۋتالىق تاۋەكەلدەردى حەدجيرلەۋدىڭ نارىقتىق ينفراقۇرىلىمىن دامىتۋ بويىنشا ۇسىنىستار ەنگىزەدى.

بۇل، ءبىر جاعىنان، قارجى ۇيىمدارىنىڭ بالانسىنداعى ۆاليۋتا قاراجاتىن ەكونوميكانى ۇلتتىق ۆاليۋتادا كرەديتتەۋگە جۇمساۋعا مۇمكىندىك بەرەدى. ەكىنشى جاعىنان، شەتەلدىك ينۆەستورلاردى ۆاليۋتالىق تاۋەكەلدەردەن قورعاۋ قۇرالىنا اينالادى، سونىڭ ناتيجەسىندە نەگىزگى كاپيتالعا ينۆەستيتسيالار كولەمىن ءجىو-ءنىڭ 30%-نا دەيىن جەتكىزۋگە ىقپال ەتەتىن بولادى. 

تولەم جۇيەسىن دامىتۋ

«كولەڭكەلى ەكونوميكامەن كۇرەس جانە قولما-قول اقشاسىز ەسەپ ايىرىسۋلاردىڭ ۇلەسىن ارتتىرۋ ماسەلەلەرى ۇلتتىق بانكتىڭ نەگىزگى باسىم مىندەتتەرىنىڭ ءبىرى»، — دەدى ە. دوساەۆ.

ۇلتتىق بانك العا قويعان ماقساتتارعا جەتۋ ءۇشىن قارجى نارىعىن رەتتەۋ جانە دامىتۋ اگەنتتىگىمەن جانە ۇكىمەتپەن بىرلەسىپ 2020 جىلعى 1 قازانعا دەيىن ۇلتتىق تولەم جۇيەسىن دامىتۋ باعدارلاماسىن ازىرلەيدى. ۇلتتىق تولەم جۇيەسى بارلىق مۇددەلى تاراپتار ءۇشىن ءوزارا ءتيىمدى نەگىزدە قۇرىلاتىن بولادى.  

قارجىلىق تەحنولوگيالار مەن يننوۆاتسيالار

«قارجى تەحنولوگيالارىن ودان ءارى دامىتۋ ماسەلەسى ولاردى قارجى نارىعىنا ەنگىزۋ تۇرعىسىنان عانا ماڭىزدى ەمەس، بۇكىل قارجى سەكتورىن كەشەندى دامىتۋدىڭ نەگىزگى فاكتورى بولىپ تابىلادى»، — دەپ ە. دوساەۆ، ۇلتتىق بانك قارجى نارىعىن رەتتەۋ جانە دامىتۋ اگەنتتىگىمەن بىرلەسىپ 2020 جىلعى 1 شىلدەگە دەيىن قارجى تەحنولوگيالارى مەن يننوۆاتسيالاردى دامىتۋدىڭ 2020-2025 جىلدارعا ارنالعان تۇجىرىمداماسىنىڭ جوباسىن ازىرلەيتىنىن ايتتى. 

ينۆەستيتسيالار ستاتيستيكاسى

مەملەكەت باسشىسى اتاپ وتكەندەي، تىكەلەي ينۆەستيتسيالاردى تارتۋ — ەلدى دامىتۋدىڭ نەگىزگى قۇرالى. 

بارىنشا ايقىن مالىمەتتى الۋ ءۇشىن ۇلتتىق بانك 2020 جىلعى ساۋىردەن باستاپ مۇناي-گاز سالاسىن ەسەپكە الماستان تىكەلەي شەتەلدىك ينۆەستيتسيالاردىڭ اكەلىنۋ ستاتيستيكاسىن توقسان سايىن جاريالايتىن بولادى.

قارجىلىق تۇراقتىلىق جانە قارجى سەكتورىن ودان ءارى رەفورمالاۋدىڭ بارلىق شارالارىن ۇيلەستىرۋ مەملەكەت باسشىسىنىڭ جارلىعىنا سايكەس قۇرىلعان قارجىلىق تۇراقتىلىق جونىندەگى كەڭەس ارقىلى قامتاماسىز ەتىلەدى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار