ايماقتار • 22 قاڭتار، 2020

توتەنشە جاعدايدىڭ الدىن الۋ ساباقتارى وتكىزىلدى

46 رەتكورسەتىلدى

ماڭعىستاۋ وبلىسى توتەنشە جاعدايلار دەپارتامەنتىنىڭ قىزمەتكەرلەرى جانە «امو» مم قىزمەتكەرلەرى اقتاۋ قالاسىنىڭ IT-مەكتەپ ليتسەيىندە ء«ورت دەگەنىمىز نە؟ العاشقى ءورت ءسوندىرۋ قۇرالدارىمەن تانىستىرۋ. كوكشەتاۋ تەحنيكالىق ينستيتۋتىنا وقۋعا شاقىرۋعا بالالاردى باۋلۋ» جانە «قالىڭ قار باسىپ قالۋ كەزىندەگى ءىس-ارەكەت. تراسسادا جاراقاتتانعاندارعا كورسەتىلەتىن العاشقى كومەك» تاقىرىپتارىندا ينتەراكتيۆتى ساباق وتكىزدى. «ون-لاين» رەجىمىندە وتكىزىلگەن ساباققا 36 مەكتەپتەن 720 وقۋشى قامتىلدى. بۇل تۋرالى ماڭعىستاۋ وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.

ماڭعىستاۋ وبلىسى تجد  ءزىلزالالاردىڭ قاۋىپ-قاتەرىن ازايتۋ جانە ازاماتتىق قورعاۋ سالاسىنداعى باقىلاۋ باسقارماسىنىڭ اعا ينجەنەرى ك. ەششانوۆ ء«ورت قاۋىپسىزدىگى ەرەجەلەرى» تاقىرىبىنداعى بايانداماسىندا ءورت كەزىندە بالالاردىڭ قاۋىپسىزدىگىن قامتاماسىز ەتۋگە بار كۇش-جىگەردى سالۋدىڭ ماڭىزدىلىعى تۋرالى ايتىپ، وتكەن جىلعى ءورت وقيعالارى بويىنشا اناليتيكالىق دەرەكتەر مالىمەتىن جەتكىزىپ، العاشقى ءورت قاۋىپسىزدىگى تۋرالى ايتتى. 

ءورت جاعدايلارى بولماۋ ءۇشىن ادام ءوزىن قالاي ۇستاۋ كەرەكتىگىن نەمەسە جانۋ كەزىندە نە ىستەۋ، نە ىستەمەۋ كەرەكتىگىن ءبىلۋى ءتيىس ەكەندىگىن ءتۇسىندىردى. ءورت شىققان كەزدە قالاي ساسقالاقتاپ قالماۋ كەرەكتىگىن، بالالارعا ۇيرەتۋ ءبىزدىڭ مىندەتىمىز. كوبىنە بالالار ءورت شىققان جاعدايلاردا ۇرەيلەنىپ، تىعىلىپ قالادى.

بايسالدى بولساڭ جانە اقىلمەن ارەكەت ەتسەڭ قاۋىپتەن قۇتىلۋ وڭاي. ۇرەي مەن ساسقالاقتاۋ – بۇل ۇنەمى اقىلدى شەشىم تابۋ مۇمكىندىگىن جوعالتۋ ەكەندىگىن ايتىپ كەتتى.

ساباق بارىسىندا بالالاردىڭ ءورت قاۋىپسىزدىگى ەرەجەلەرىن ساقتاۋ جانە العاشقى مەديتسينالىق كومەك كورسەتۋدى ءاردايىم ەستە ساقتاۋى قاجەتتىگى ايتىلدى.

ساباقتىڭ قورىتىندى بولىمىندە بالالاردىڭ العان بىلىمدەرى ساۋالناما ارقىلى بەكىتىلدى.

سوڭعى جاڭالىقتار

ۇقساس جاڭالىقتار