جاقىندا تالدىقورعان قالاسىندا «ەرىكتىلەر جىلىنىڭ» رەسمي اشىلۋى ءوتتى. شاراعا پارلامەنت دەپۋتتارى, وبلىس باسشىلارى جانە جەتىستىكە جەتكەن ازاماتتار قاتىستى.
جيىندا جەتىسۋ جاستارىن ەل مەن جەردى سۇيۋگە ۇندەپ, جاقسىلىق جاساۋعا ۇندەگەن «قازاقستاننىڭ 100 جاڭا ەسىمى» جوباسىنىڭ جەڭىمپازى, پاراليمپيادا ويىنداردىڭ قاتىسۋشىسى, قازاقستاننىڭ جاستار اراسىنداعى ۆولەيبول قۇراماسىنىڭ كاپيتانى سەرىك ەسماتوۆ سوڭعى جىلداپرى ءوزى باستاما كوتەرىپ, قولعا العان ىستەرىنەن مىسال كەلتىردى.
- ءبىز ءبىراز جىلدان بەرى يگى ىستەر مارافونىن وتكىزىپ ءجۇرمىز. وتكەن 6 جىلدا 286 ادامعا كومەك كورسەتىلدى. ياعني, كەز كەلگەن ادام قينالعانعا قول ۇشىن سوزىپ, جاقسىلىق جاساي الادىن, ەڭ باستىسى ادامنىڭ وزىنە دەگەن سەنىمى قالىپتاسىپ, قولدا بار يگىلىكتىڭ قادىرىن ءبىلۋى ءتيىس, دەدى سەرىك ەسماتوۆ جەتىسۋ ەرىكتىلەرىنە ارناعان سوزىندە.
