وسى اۋىلدارداعى مەكتەپتەردىڭ جاعدايىمەن تانىسىپ, پەداگوگتارمەن جانە وقۋشىلارمەن كەزدەستى. كەزدەسۋ بارىسىندا پەداگوگ مارتەبەسىن ارتتىرۋعا بايلانىستى ماسەلەلەر مەن دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسى تۋرالى ايتىلدى.
ۇشقۇدىق اۋىلىنداعى مادەنيەت ءۇيىنىڭ كوۆوركينگ-ورتالىعىندا جانە تىكقايىڭ اۋىلىنداعى ورتا مەكتەپ عيماراتىندا تۇرعىندارمەن كەزدەسۋلەر بولدى. تۇرعىندار اۋىلدىڭ قازىرگى جاعدايى مەن تىنىس-تىرشىلىگى تۋرالى ايتىپ بەردى.
مەكتەپكە جينالعان تىكقايىڭ اۋىلىنىڭ جەرگىلىكتى تۇرعىندارى 2020 جىلى اۋىلعا گاز كەلەتىنىن, ول تىكقايىڭ ءومىرىن قاتتى وزگەرتەتىنىن ايتتى. قازىرگى كەزدە اۋىلدان ادامدار كەتپەيتىن بولدى.
دەپۋتاتتار العا اۋدانىنداعى ساپارىنىڭ سوڭىندا 2017 جىلدان باستاپ جۇمىس ىستەپ كەلە جاتقان شارۋا قوجالىعىندا بولدى. ابدىرازاق جاقاننىڭ شارۋاشىلىعىندا 350 جىلقى, 270 اسىل تۇقىمدى ءىرى قارا جانە 800 قوي بار.
تۇرعىندارمەن بولعان بارلىق كەزدەسۋلەردە مەديتسينالىق قىزمەت كورسەتۋ, بىلىكتى مامانداردىڭ جەتىسپەۋشىلىگى, قاراپايىم ءدارى-دارمەكتىڭ جوقتىعى, جەدەل دارىگەرلىك كومەك كورسەتۋدىڭ قول جەتىمسىزدىگى ماسەلەسى كوتەرىلدى.
سەناتورلار م.تاعىموۆ پەن م.جۇماعازيەۆ اۋىلدىق ەلدى مەكەندەرگە ساپارىنىڭ قورىتىندىسى بويىنشا اقتوبە وبلىسىنىڭ اكىمى وڭداسىن ورازالينمەن كەزدەستى. كەزدەسۋدە سەناتورلار اۋىلدىق وكرۋگتەرگە ساپاردىڭ قورىتىندىسى بويىنشا ءوز پىكىرلەرىمەن ءبولىسىپ, اۋىل تۇرعىندارىنىڭ ءومىر ءسۇرۋ دەڭگەيى بىرتىندەپ جاقسارىپ كەلە جاتقانىن, دەگەنمەن بىرقاتار ماسەلەلەر ءالى دە ماڭىزدى ەكەنىن اتاپ ءوتتى. وبلىس اكىمى گازداندىرۋ, سۋمەن جابدىقتاۋ, ەلدى مەكەندەردى جوعارى جىلدامدىقتى ينتەرنەتپەن قامتاماسىز ەتۋ ماسەلەلەرى باسىمدىقا يە ەكەنىن جانە ءبىرىنشى كەزەكتە شەشىلەتىنىن اتاپ ءوتتى.
سەناتورلار سونداي-اق وبلىس اكىمى و.ءورازاليننىڭ توراعالىعىمەن وتكەن «نۇر وتان» پارتياسى فيليالىنىڭ عيماراتىندا وتكەن كەڭەسكە دە قاتىستى, وندا ايماقتىڭ اگروونەركاسىپ كەشەشىن دامىتۋ ماسەلەلەرى تالقىلاندى.
كەڭەس جۇمىسىنا اۋىل شارۋاشىلىعى مينيسترلىگىنىڭ, دامۋ ينستيتۋتتارىنىڭ وكىلدەرى, شارۋا قوجالىقتارىنىڭ باسشىلارى, اۋىل شارۋاشىلىعى تاۋارلارىن وندىرۋشىلەر قاتىستى.
جەرگىلىكتى كاسىپكەرلەر, شارۋا قوجالىقتارىنىڭ باسشىلارى اۋىل شارۋاشىلىعى مينيسترلىگى مەن قۇزىرەتتى ورگانداردىڭ وكىلدەرىنە وزدەرىن تولعاندىرىپ جۇرگەن سۇراقتارىن قويدى. اسىل تۇقىمدى مال اكەلۋ, اۋىل شارۋاشىلىعىنىڭ سالالىق تۇرلەرى مەن قۇس شارۋاشىلىعىن دامىتۋ, سۋبسيديالاۋ مولشەرىن ۇلعايتۋ, جايىلىمداردى ءبولۋ ماسەلەلەرى وزەكتى ماسەلەلەردىڭ قاتارىندا بولدى.
