پارلامەنت • 15 قاڭتار، 2020

شيەلى اۋدانىنىڭ تۇرعىندارى كوپىردەن وتۋگە قورقادى

25 رەت كورسەتىلدى

سەنات دەپۋتاتتارى مۇرات باقتيار ۇلى مەن بەكمىرزا ەلامانوۆ قىزىلوردا وبلىسىنا جۇمىس ساپارى اياسىندا جاڭاقورعان اۋدانىنداعى سۇڭقات جانە تومەنارىق اۋىلداردا جەرگىلىكتى حالىقپەن، اۋداندىق مەكەمەلەردىڭ باسشىلارىمەن جانە ارداگەرلەر كەڭەسىنىڭ وكىلدەرىمەن كەزدەسىپ، بىرقاتار وزەكتى ماسەلەلەردى تالقىلادى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

كەزدەسۋ بارىسىندا قىزىلوردا-سەمەي جۇيرىك پويىزىن تومەنارىق ستانتسياسىندا توقتاتۋ، ايەلدەردىڭ زەينەتكەرلىك جاسىن تومەندەتۋ، حالىقتى اۋىز سۋمەن قامتاماسىز ەتۋ ماسەلەلەرىن شەشۋ جانە تاعى باسقا ماسەلەلەر تالقىلاندى.

سەناتورلار اۋىلداعى اۋرۋحانا قۇرىلىسىنىڭ قۇجاتتارى قارالىپ جاتقانىن ايتا كەلىپ، كوپ بالالى جانە از قامتىلعان وتباسىلار ءۇشىن جاڭا سيپاتتاعى الەۋمەتتىك كومەككە، سونداي-اق شاعىن جانە ورتا كاسىپكەرلىكتى دامىتۋ جونىندەگى جەڭىلدىكتەرمەن قوسا اۋىل شارۋاشىلىعى سالاسىن دامىتۋعا بايلانىستى ەنگىزىلگەن وزگەرىستەرگە توقتالدى.

پارلامەنتشىلەر شيەلى اۋدانىنىڭ جۇرەك، بالابي جانە بايگەقۇم اۋىلدارىندا اۋىلدىق اۋرۋحانا قىزمەتكەرلەرىمەن جانە جەرگىلىكتى تۇرعىندارمەن كەزدەستى. جۇزدەسۋدە الەۋمەتتىك كومەك الا المايتىن كوپ بالالى انالار ءوز نارازىلىقتارىن ءبىلدىردى. سونىمەن قاتار، 3 اۋىلدىڭ تۇرعىندارى اۋىز سۋ ماسەلەسىن شەشۋدى جانە كوكتەمگى جانە كۇزگى كەزەڭدەردە جولدى سۋدىڭ جابۋىنا بايلانىستى «نانساي» ارناسىنداعى كوپىردى جاڭارتۋدى سۇرادى. سەناتورلار بارلىق ماسەلەلەر تۇراقتى باقىلاۋدا بولاتىنىن، سونداي-اق جەكەلەگەن ماسەلەلەر پارلامەنت سەناتىندا تالقىلاناتىنىن اتاپ ءوتتى.

1

دەپۋتاتتار سونداي-اق قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ وقىتۋشى قۇرامىمەن جانە ستۋدەنتتەرىمەن كەزدەستى. جۇزدەسۋ بارىسىندا «پەداگوگ مارتەبەسى تۋرالى» زاڭ ءتۇسىندىرىلدى. سەناتورلار سونداي-اق ستۋدەنتتەرگە الكوگولمەن جانە ەسىرتكىمەن ماس بولۋدىڭ زياندى سالدارىن ەگجەي-تەگجەيلى ءتۇسىندىرىپ، ولاردىڭ قايتىمسىز زالالى مەن وسى ماسەلەلەرگە بايلانىستى زاڭداردىڭ وتە قاتاڭدىعى تۋرالى ايتىپ بەردى. پارلامەنتشىلەر ەلباسى جاستار جىلى دەپ جاريالاعان وتكەن جىلى ستۋدەنتتەردىڭ قوعامدىق ىستەرگە بەلسەندى قاتىسقانى ءۇشىن العىسىن ءبىلدىرىپ، جاستاردى قىزىلوردا ءوڭىرىنىڭ كوركەيۋىنە جانە قوعامدىق-الەۋمەتتىك ماسەلەلەردى شەشۋگە بەلسەنە قاتىسۋعا شاقىردى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار