س.جاقسىبەكوۆ اڭگىمە بارىسىندا ءوزارا ءىس-قيمىل قالىپتاستىرۋداعى ەڭ باستى يدەيا – كەرى بايلانىس ەكەنىن اتاپ ءوتتى جانە سەناتتىڭ زاڭنامالىق قىزمەتى مەن تۇرعىن ءۇي-كوممۋنالدىق شارۋاشىلىق سالاسىنداعى وزگەرىستەرگە قاتىستى زاڭ جوباسىن قاراۋ بارىسىنداعى اتقارىلعان جۇمىستارعا توقتالدى. سونداي-اق وسى زاڭ جوباسى بويىنشا كەلىسۋ راسىمدەرى مەن دەنساۋلىق ساقتاۋ سالاسىنداعى وزگەرىستەر بويىنشا زاڭ جوبالارىنىڭ ەرەجەلەرى مەن پەداگوگتاردىڭ مارتەبەسى تۋرالى ايتىپ, ولاردىڭ نەگىزگى مىندەتتەرى مەن ماڭىزى تۋرالى اڭگىمەلەدى. س.جاقسىبەكوۆ سونىمەن قاتار قابىلدانعان زاڭداردىڭ ىسكە اسۋىن قاداعالاۋداعى قيىندىقتاردى ايتتى.
سەناتور ءماسليحات دەپۋتاتتارىمەن بيۋدجەتتى قالىپتاستىرۋ پروتسەسىن رەفورمالاۋ ماسەلەسىن تالقىلادى جانە بيۋدجەت زاڭناماسىن وزگەرتۋ جونىندە ۇكىمەتتە بىرقاتار تۇزەتۋلەر ازىرلەنگەنىن اتاپ ءوتتى.
عىلىمي-تەحنيكالىق قىزمەتتى كوممەرتسيالاندىرۋ ماسەلەلەرى تالقىلاندى.
س.جاقسىبەكوۆ كەزدەسۋدىڭ قورىتىندىسى بويىنشا ءوزارا ءىس-قيمىل جانە ء«ماسليحاتتار» ۆەب-پورتالى ارقىلى ۋاعدالاستىق جايىندا ايتتى. سەناتتا جاقىن ارادا قارالاتىن زاڭ جوبالارى تۋرالى ايتا كەلىپ, ولاردى قاراۋعا كوميسسيا مۇشەلەرىنىڭ قاتىسۋىن ۇسىندى. سونداي-اق ءماسليحات دەپۋتاتتارى جەڭىل ونەركاسىپ بويىنشا بيىلعى ءبىرىنشى توقسانعا جوسپارلانعان پارلامەنتتىك تىڭداۋلارعا قاتىسۋعا شاقىرىلدى.
ا.كۇرىشباەۆ وسى كەزدەسۋ مەن ءوزارا ءىس-قيمىلعا شاقىرعانى ءۇشىن دەپۋتات س.جاقسىبەكوۆكە العىسىن جەتكىزدى. سونداي-اق مەملەكەتتىك ورگانداردا ستراتەگيالىق جوسپارلاۋدىڭ جوقتىعى, بيۋدجەتتى يگەرىلۋىندەگى, اتقارۋشى بيلىكتىڭ جۇيەلىك پروبلەمالاردى شەشە الماي وتىرعانىنا جانە ەلىمىزدەگى باسقا دا پروبلەمالىق ماسەلەلەرگە الاڭداۋشىلىق ءبىلدىردى.
