– بارلىق 19 قالا مەن اۋدانداردا 2019 جىلى ااك العان, بىراق 2020 جىلى ااك اياسىنا تۇسپەيتىن وتباسىلار اراسىندا ءتۇسىندىرۋ جۇمىستارىن جۇرگىزۋ ءۇشىن 258 اقپاراتتىق توپ قۇرىلدى. قازىرگى ۋاقىتتا وبلىس بويىنشا ءتۇسىندىرۋ جۇمىستارىمەن 3581 وتباسى قامتىلعان, ونىڭ ىشىندە 2038 از قامتىلعان جانە 1543 كوپ بالالى وتباسى, – دەيدى باسقارما باسشىسى جاسۇلان سارسەباەۆ.
ايماق باسشىسى شقو-دا قازىرگى ۋاقىتتا جۇمىسسىزدىقپەن كۇرەسۋ ءۇشىن بارلىق جاعداي جاسالعانىن اتاپ ءوتتى. بۇل ءوز بيزنەسىن اشۋ ءۇشىن گرانتتار ءبولۋ, تومەن پايىزدىق مولشەرلەمەمەن نەسيە بەرۋ.
– وبلىستا ءاربىر مۇقتاج وتباسىنا ءتيىمدى الەۋمەتتىك كومەك كورسەتىلۋى ءتيىس. بۇدان باسقا, ەڭبەككە ىنتالاندىرۋ جاساۋ, حالىقتى جۇمىسپەن قامتۋ جاعدايلارىن قاراستىرۋ جانە سونىڭ سالدارىنان كەدەيشىلىك شەگىن قىسقارتۋ قاجەت. بۇل شەشىلۋى ءتيىس باستى مىندەتتەردىڭ ءبىرى, – دەدى دانيال احمەتوۆ.
ايتا كەتۋ كەرەك, ااك جاڭا تەتىگى اياسىندا جۇمىسقا ورنالاسۋدان باس تارتقان ەڭبەككە قابىلەتتى ادامدار ااك-دان 6 ايعا ايرىلادى. سونداي-اق, كەلىسىمشارت تالاپتارى بۇزىلعان جاعدايدا اتاۋلى الەۋمەتتىك كومەك تاعايىنداۋ جارتى جىلعا توقتاتىلادى.
