ۆيتسە-مينيستر وڭىردەگى باعدارلاماسىن كارعالى اۋدانىنىڭ كوسەستەك اۋىلدىق وكرۋگىنە ساپارىنان باستادى, وندا 2019 جىلى ااك العان وتباسىلارمەن كەزدەستى. مۇقىشەۆ اۋىل تۇرعىندارىنا اتاۋلى الەۋمەتتىك كومەك جاردەماقى ەمەس جانە ءار وتباسىعا بەرىلمەيتىندىگىن, بىراق بۇل مەملەكەتتىڭ قولداۋىن قاجەت ەتەتىن ادامدارعا عانا كورسەتىلەتىنىن اتاپ ءوتتى.
«تابىسى از وتباسىلارعا اتاۋلى الەۋمەتتىك كومەك كورسەتىلەدى. وعان بالالاردىڭ سانى, ءبىر بالا نەمەسە ءتورت بالا بولۋى ماڭىزدى ەمەس. ااك كورسەتۋدىڭ نەگىزگى كريتەريى – جان باسىنا شاققانداعى تابىستىڭ وڭىرلىك كۇنكورىس دەڭگەيىنىڭ 70%-ىنان تومەن بولۋى. ەگەر وتباسى وزدەرىنە ااك قاجەت دەپ ساناسا, وندا قاڭتاردا الەۋمەتتىك كومەك تاعايىنداۋ ءۇشىن قۇجاتتار تاپسىرا الادى. ااك الاتىن بارلىق وتباسىلاردىڭ بالالارىنا مەملەكەت كەپىلدىك بەرگەن الەۋمەتتىك توپتاما ۇسىنىلادى», – دەدى مۇقىشەۆ.
ۆيتسە-مينيستر اتاپ وتكەندەي, 1 جاستان 6 جاسقا دەيىنگى بالالار ءۇشىن الەۋمەتتىك توپتاماعا ازىق-ت ۇلىك جيىنتىقتارى مەن گيگيەنالىق قۇرالدار كىرەدى. 6 جاستان 18 جاسقا دەيىنگى بالالار ءۇشىن مەكتەپتەردە ىستىق تاماق, وقۋ قۇرالدارى مەن مەكتەپ كيىمدەرىن بەرۋ كوزدەلەدى. سونداي-اق, وسى ساناتتاعى بالالار ءۇشىن مەكتەپكە دەيىنگى جول ءجۇرۋ شىعىندارى وتەلەتىن بولادى.
ناريمان مۇقىشەۆ سونداي-اق اعىمداعى جىلعى 1 قاڭتاردان باستاپ قازاقستاندا 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنت بالالارى بار كوپبالالى وتباسىلارعا ارنالعان جاڭا مەملەكەتتىك جاردەماقى ەنگىزىلگەنىن اتاپ ءوتتى. بۇل مەملەكەتتىك جاردەماقى وتباسىنىڭ تابىسىنا قاراماستان 42 496 تەڭگەدەن 74 388 تەڭگەگە دەيىن سارالانعان مولشەردە تولەنەدى. وسىنداي تولەمدى اعىمداعى جىلعى قاڭتاردا 367 مىڭ وتباسى الدى, ولارعا 17 ملرد تەڭگەدەن استام قارجى تولەندى.
قوسەستەك اۋىلدىق وكرۋگىنە بارعان كەزدە ۆيتسە-مينيستر ااك الۋشىلاردىڭ ءبىرى كسەنيا دانياروۆانىڭ جينالعان قاراجاتىنا اشقان «الحان» تىگىن شەبەرحاناسىنىڭ جۇمىسىمەن تانىستى.
«بۇل قيىن ومىرلىك جاعدايعا تاپ بولعان ازاماتتاردىڭ مەملەكەتتىك قولداۋ ارقىلى ءوز وتباسىلارىنىڭ قارجىلىق جاعدايىن جاقسارتىپ قانا قويماي, ءوز ءىسىن اشقان جاقسى مىسالداردىڭ ءبىرى. كوپبالالى جانە تابىسى از وتباسى مۇشەلەرىن كاسىپكەرلىككە تارتۋ ءۇشىن ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىنا قاجەتتى وزگەرىستەر ەنگىزىلدى. ەندى ولارعا ميكروكرەديتتەر جىلدىق 4%-دان اسپايتىن پايىزدىق مولشەرلەمەمەن 7 جىلعا دەيىنگى مەرزىمگە جەڭىلدىكتى شارتتارمەن بەرىلەدى. سونىمەن قاتار, كوپبالالى جانە تابىسى از وتباسى مۇشەلەرى الدىن الا ءبىلىم الماي گرانت الۋعا قۇقىلى», – دەپ اتاپ ءوتتى مۇقىشەۆ.
جۇمىس ساپارى بارىسىندا ۆيتسە-مينيستر قارعالى جانە حرومتاۋ اۋداندارىنىڭ حالىقتى جۇمىسپەن قامتۋ ورتالىقتارىنا بارىپ, اتاۋلى الەۋمەتتىك كومەك الۋعا ۇمىتكەر ازاماتتاردان ءوتىنىش الۋ بارىسىمەن تانىسىپ, ااك تاعايىنداۋ كەزىندە ۋچاسكەلىك كوميسسيانىڭ قالاي جۇمىس ىستەۋى كەرەكتىگىن ءتۇسىندىردى.
