وسى جىلدىڭ سوڭىنا قاراي وبلىستا جاقسى جانە قاناعاتتانارلىق جاعدايداعى جولداردىڭ سانى جالپى ساننىڭ 84% قۇراۋى ءتيىس. جوسپار بويىنشا قالاارالىق تراسسالار جانە قالالارداعى كولىك جۇرەتىن جول بولىكتەرى رەتكە كەلتىرىلەدى. سونداي-اق, «اۋىل - ەل بەسىگى» باعدارلاماسى بويىنشا بەس اۋدانداعى جولداردى جوندەۋ دە وسى سوماعا كىرەدى.
اقتوعاي اۋىلىندا 10,67 شاقىرىم جول جوندەلەدى. قارقارالى اۋدانىندا - قاراعايلى, كوكتاس جانە بۇركىتتى كەنتتەرىندە 17,7 شاقىرىم اسفالت جابىنى قالپىنا كەلتىرىلەدى. وساكاروۆكادا - 3,22 شاقىرىم, سونىمەن قاتار
اقسۋ-ايۋلى كەنتىندە تاعى 5,3 شاقىرىم جول جوندەلەدى. جەزدى اۋىلىندا 8,1 شاقىرىم جول جابىنى رەتكە كەلتىرىلەدى.
قاراعاندى وبلىسىنىڭ اكىمى جەڭىس قاسىمبەك باسقارما باسشىلارىنا بارلىق كونكۋرستىق پروتسەدۋرالاردى مەرزىمىندە وتكىزىپ, مەردىگەرلەردى انىقتاۋدى تاپسىردى.
