ەسكە سالساق, 2019 جىلدىڭ 28 جەلتوقسانىندا قاسىم-جومارت توقاەۆ «الماتى قالاسىنىڭ ەرەكشە مارتەبەسى تۋرالى», «جەرگىلىكتى مەملەكەتتىك باسقارۋ مەن ءوزىن-ءوزى باسقارۋ تۋرالى», «ساۋلەت, قالا قۇرىلىسى جانە قۇرىلىس قىزمەتى تۋرالى» زاڭدارعا ەنگىزىلگەن وزگەرىستەر مەن تولىقتىرۋلارعا قول قويعان بولاتىن.
ا. احمەدجانوۆتىڭ ايتۋىنشا, الماتى قالاسى اۋماعىندا جۇزەگە اسۋى ءتيىس وزگەرتۋلەر قالا قۇرىلىسى رەگلامەنتتەرىنە وراي ديزاين-كودتى, قالالىق جوسپارلاۋ جۇيەسىن, سونىمەن قاتار قالا اۋماعىنا ساۋلەتتىك بەزەندىرۋدىڭ جەكە جۇيەسىن ەنگىزۋدى قامتيدى.
«اتالعان نورماتيۆتىك تالاپتار الماتى قالاسىنىڭ ساۋلەتتىك كەڭىستىگىن ساقتاۋ ءۇشىن ءتيىستى ستاندارتتار قۇرۋعا, عيماراتتاردى ساۋلەت ەسكەرتكىشىنە جاتقىزۋ ءۇشىن ەرەجە ازىرلەۋگە, سونىمەن قاتار سانيتارلىق-ايماقتى ەسكەرە وتىرىپ, ولاردىڭ ساقتالۋىن (عيمارات الاڭىنداعى ايماقتى دامىتۋ ساۋلەت ستيلىنە ساي بولۋى ءتيىس) قامتاماسىز ەتۋگە مۇمكىندىك بەرەدى», دەدى الماسحان احمەدجانوۆ. ول ەسكەرتكىشتەردىڭ 130-دان 300-گە دەيىن ارتقانىن اتاپ ءوتتى.
بيىلعى جىلى قوسىمشا نىسانداردى ساۋلەت ەسكەرتكىشتەرىنىڭ تىزبەسىنە ەنگىزۋ ءۇشىن قوعام وكىلدەرىمەن تالقىلاۋلار وتەتىنىن ايتتى.
ءوز كەزەگىندە ديزاين-كود الماتى قالاسىنىڭ اۋماعىندا عيماراتتاردىڭ قاسبەتتەرىنە, جازعى الاڭدارعا, كىشى ساۋلەت پىشىنىندەگى وبەكتىلەرگە قويىلاتىن تالاپتاردى جۇيەلەيدى ءارى ولاردى ورنالاستىرۋدى رەتتەيدى. سونىمەن قاتار, زاڭعا قاجەتتى ينفراقۇرىلىمدىق كوممۋنيكاتسيا جۇرگىزىلەتىن الاڭداردىڭ سىزباسىن (بۇرىندارى ساۋدا الاڭدارى بەرىلگەن وتىنىشكە وراي ورنالاستىرىلاتىن) تالاپ ەتۋ ەنگىزىلگەن.
رەگلامەنتتەر ءبىر ايدان سوڭ جۇرتشىلىقتىڭ كەڭىنەن تالقىلاۋىنا ۇسىنىلادى.
