ەلىمىزدىڭ زاڭناماسى مەن بيۋدجەت پروتسەسىن جەتىلدىرۋ, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەرگىلىكتى ءوزىن-ءوزى باسقارۋدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ىسكە اسىرۋ, بيۋدجەتتى قالىپتاستىرۋ, بەكىتۋ جانە اتقارۋ پروتسەسىندە قازىناشىلىق ورگاندارىنىڭ جەرگىلىكتى جانە ورتالىق اتقارۋشى ورگاندارمەن ءوزارا كەلىسىلگەن ءىس-قيمىل ماسەلەلەرى تالقىلاندى.
سونداي-اق سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ قىزمەتكەرلەرىمەن دە جۇمىس كەزدەسۋى بولدى. وندا سالىقتىق جانە كەدەندىك اكىمشىلەندىرۋ, «استانا-1» جۇيەسىنىڭ جۇمىسى, تاۋەكەلدەردى باسقارۋ جۇيەسى, مىندەتتى تۇردە بكم-ونلايندى ەنگىزۋ, جالپىعا بىردەي دەكلاراتسيالاۋعا ازاماتتاردىڭ دايىندىعى, حالىقتى حاباردار ەتۋ, مەملەكەتتىك ورگانداردىڭ اقپاراتتىق جۇيەلەرىن ينتەگراتسيالاۋ, مەملەكەتتىك ورگانداردىڭ دەرەكتەر قورى مالىمەتتەرىنىڭ ماڭىزى مەن دالدىگى جانە تاعى باسقا ماسەلەلەر تالقىلاندى. اڭگىمە بارىسىندا وسى جوبالاردى ىسكە اسىرۋعا بايلانىستى وزەكتى ماسەلەلەر قوزعالدى جانە ولاردى شەشۋ تۋرالى ۇسىنىستار ايتىلدى.
وبلىستىق قازىناشىلىقتا كەزدەسۋ كەزىندە بيۋدجەت پروتسەسىن قازىناشىلىق سۇيەمەلدەۋ جانە ورتالىق مەملەكەتتىك ورگاندار مەن اۋماقتىق بولىمشەلەرىنىڭ مەملەكەتتىك ساتىپ الۋدى بىرىڭعاي ۇيىمداستىرۋ فۋنكتسياسىن قازىناشىلىق ورگاندارىنا بەرۋ جونىندەگى پيلوتتىق جوبانى ىسكە اسىرۋ ماسەلەلەرى تالقىلاندى.
سەناتور ۇلتتىق ۇلاننىڭ اسكەري ينستيتۋتىندا بولىپ, وقۋ پروتسەسىمەن تانىستى جانە كۋرسانتتارمەن كەزدەستى. دەپۋتات اسكەري ينستيتۋتتاعى بيىل كۇردەلى جوندەۋ جۇمىستارى باستالاتىن نىسانداردى ارالادى جانە قۇرىلىسى جاڭادان باستالاتىن وقۋ كورپۋسى مەن كازارمانى كوردى, ينستيتۋتتىڭ قۇرىلۋ تاريحىمەن جانە اتقىشتار تيرىمەن تانىسى.
