ارمان ساپارعالي ۇلى ليامبەكوۆ 1970 جىلى قارقارالى قالاسىندا دۇنيەگە كەلگەن. ەكى جوعارى ءبىلىمى بار: 1999 جىلى قاراعاندى مەملەكەتتىك تەحنيكالىق ۋنيۆەرسيتەتىن «ينجەنەر-مەحانيك» ماماندىعى بويىنشا جانە 2016 جىلى س.سەيفۋللين اتىنداعى قازاق اگرارلىق-تەحنيكالىق ۋنيۆەرسيتەتىن «اگرونوم» ماماندىعى بويىنشا تامامداعان.
ەڭبەك جولىن 1994 جىلى قارقارالى ءاىىب ەكولوگيالىق ميليتسيا ينسپەكتورى بولىپ باستادى.
1998 جىلى «قارقارالى اتپ» اق كەزەكشى مەحانيگى بولىپ جۇمىس ىستەدى. 2002 جىلى مەملەكەتتىك قىزمەتكە اۋىسىپ, قاراعاندى قالالىق قازىبەك بي اتىنداعى اۋدان اكىمى اپپاراتىنىڭ باس مامانى لاۋازىمىن اتقاردى.
2005 جىلى قاراعاندى وبلىستىق اۋىل شارۋاشىلىعى دەپارتامەنتىنىڭ باس مامانى بولىپ قىزمەت ەتتى.
2006 جىلدان 2010 جىلعا دەيىن قاراعاندى وبلىسى اكىمى اپپاراتىندا ءار ءتۇرلى لاۋازىمداردا قىزمەت اتقاردى.
2010-2013 جىلدار ارالىعىندا قاراعاندى وبلىسى اكىمى اپپاراتىنىڭ اوك جانە تابيعاتتى پايدالانۋ ءبولىمىنىڭ مەڭگەرۋشىسى بولدى. قازىرگى تاعايىندالعانعا دەيىن وسى ءبولىمنىڭ باسشىسى قىزمەتىن اتقاردى.
