دەپۋتاتتارمەن كەزدەسۋگە ورتالىققا قالانىڭ ءار اۋدانىنان جينالعان 40 شاقتى كوپ بالالى انا ارنايى كەلىپ قاتىستى. كەزدەسۋ بارىسىندا كوپ بالالى انالاردىڭ مۇڭ-مۇقتاجى تىڭدالدى. انالار ءارتۇرلى تاقىرىپتاردى كوتەردى. كوپتەگەن سۇراق اتاۋلى الەۋمەتتىك كومەك الۋعا قاتىستى بولدى, وعان ءماجىلىستىڭ ۆيتسە-سپيكەرى گۇلميرا يسيمباەۆا ەگجەي-تەگجەيلى تۇسىنىكتەمە بەردى.
سونىمەن قاتار كوپ بالالى انالار تۇرعىن ءۇي, تۇرعىلىقتى جەرى بويىنشا تىركەلۋ, يپوتەكالىق نەسيە جانە ت.ب. سۇراقتارعا جاۋاپ الدى. ورتالىق جەتەكشىسى زۋلفيا بايساقوۆا ماجىلىسمەندەرگە ورتالىقتىڭ كوپ بالالى جانە تۇرمىسى تومەن وتباسىلاردى الەۋمەتتىك قولداۋى بويىنشا مالىمەت بەردى.
ورتالىقتا ماماندار انالارعا جاڭا ماماندىقتاردى يگەرۋ بويىنشا كۋرستار وتكىزىپ, پسيحولوگيالىق جانە قۇقىقتىق كەڭەس بەرىلەتىنىن ايتتى. سونداي-اق كەزدەسۋگە Nur Otan پارتياسى الماتى قالالىق فيليالى توراعاسىنىڭ ءبىرىنشى ورىنباسارى ستانيسلاۆ كانكۋروۆ, Nur Otan پارتياسى مەدەۋ اۋداندىق فيليالىنىڭ توراعاسى, اۋدان اكىمى سۇلتانبەك ماكەجانوۆ, الماتى قالاسى ءال-اۋقات باسقارماسىنىڭ باسشىسى راحات شيماشەۆا قاتىستى.
