جەلتوقسان كوتەرىلىسى قۇرباندارى قۇرمەتىنە ەلىمىزدە قانشاما كىتاپ جازىلىپ, قانشاما ەسكەرتكىش ورناتىلدى. سولاردىڭ ءبىرى – زايسان قالاسىنداعى ح.مۇستافينا اتىنداعى مەكتەپ-ليتسەيى مەن قالالىق اۋرۋحانانىڭ ارالىعىندا ورنالاسقان ساياباقتاعى «حالىق قاھارمانى»,
قايرات دەگەن اتىم بار,
قازاق دەگەن زاتىم بار,
ەركەك توقتى قۇرباندىق,
اتام دەسەڭ اتىڭدار, – دەپ سوڭىنا ءسوز قالدىرعان قازاقتىڭ قايسار ۇلى قايرات رىسقۇلبەكوۆتىڭ ەسكەرتكىشى.
وكىنىشكە قاراي, ەسكەرتكىشتىڭ قازىرگى جاعدايى ءماز ەمەس. تۇعىرى ءمۇجىلىپ, توسەلگەن پليتا تاستارى سىنىپ, شاشىلىپ جاتىر. ەسكەرتكىش تۇعىرىنىڭ شەتىندەگى قارا بوياۋمەن جازىلعان «ا» ءارپى دە سول قالپى تۇر. ءبىر قىزىعى, قىزىعى ەمەس-اۋ, شىجىعى, جاقىندا ەل كولەمىندە اتالىپ وتكەن تاۋەلسىزدىك مەرەكەسىندە زايسان اۋدانىنىڭ اكىمدىگى, ىشكى ساياسات ءبولىمى وزدەرىنشە وسى ولقىلىقتى قالپىنا كەلتىرمەك بولدى... وپىرىلعان پليتا تاستاردى ۇلكەن كىلەمدەردى جايىپ جاسىرسا, ەسكەرتكىشتىڭ تاعانىنداعى قارا بوياۋمەن جازىلعان «ا» ءارپىن گۇل شوعىمەن جاۋىپ, ءىس-شارانى وتكەردى.
ەركەبۇلان زاعىپاروۆ,
جۋرناليست
شىعىس قازاقستان وبلىسى,
زايسان اۋدانى
