«يران بيلىگىنىڭ بىرقاتار مەملەكەت ازاماتتارىنىڭ ءومىرىن قيعان اۋە اپاتى ءۇشىن ءوز كىناسىن مويىنداۋى - ماڭىزدى شەشىم بولدى. بەيبىت ازاماتتاردى دا قۇربان قىلاتىن شيەلەنىستى باسەڭدەتۋ ءۇشىن, قالىپتاسىپ وتىرعان جاعدايدا بارلىق تاراپتار ۇستامدىلىق تانىتۋى كەرەك» دەپ جازدى پرەزيدەنت.
ەسكە سالا كەتسەك, بۇعان دەيىن يراندا 180 جولاۋشىسى بار ۋكراينا ۇشاعى قۇلاعانى تۋرالى ءمالىم بولدى. ارتىنان قازاقستاننىڭ سىرتقى ىستەر مينيسترلىگى ۇشاقتا قازاقستان ازاماتتارىنىڭ جوق ەكەنىن حابارلادى. تەگەراندا قۇلاعان ۋكراينا ۇشاعىنداعى جولاۋشىلاردىڭ بارلىعى مەرت بولعانى انىقتالدى. كانادا پرەمەر-ءمينيسترى يران جولاۋشىلار لاينەرىن ابايسىزدا اتىپ جىبەرۋ مۇمكىن دەگەن بولجامىن جاريالادى. ال كەشە يران قارۋلى كۇشتەرىنىڭ باس شتابى تەگەران ماڭىندا قۇلاعان ۇشاقتى يراننىڭ اۋە قورعانىس كۇشتەرى قىزمەتى زىمىرانمەن بايقاۋسىزدا اتىپ تۇسىرگەنىن مالىمدەدى. يران پرەزيدەنتى حاسان روۋحاني ۋكراينا ۇشاعىنىڭ قۇلاۋىنا كىنالىلەر قىلمىستىق جاۋاپقا تارتىلاتىنىن ايتتى.
