اتالعان شارالار جۇرگىزۋشى كۋالىگىن جانە كولىك قۇرالىن تىركەۋ تۋرالى كۋالىكتى جەكە باسىن كۋالاندىراتىن قۇجاتتارمەن سايكەستەندىرۋ ءۇشىن قاجەت جانە قۇجاتتاردى دايىنداۋدىڭ بىرىڭعاي وندىرىستىك ستاندارتىنا كوشۋگە مۇمكىندىك بەرەدى.
بەلگىلى بولعانداي, قازاقستان رەسپۋبليكاسىنىڭ كولىك قۇرالىن تىركەۋ تۋرالى كۋالىكتىڭ جاڭا ۇلگىسىندە ايتارلىقتاي وزگەرىستەر بولعان.
اتاپ ايتقاندا, بىلتىر قاراشا ايىندا جاڭا ۇلگىدەگى جۇرگىزۋشى كۋالىگى 2020 جىلدان باستاپ بەرىلەتىنى جاريالانعان ەدى.
الايدا جاقىندا قر ىشكى ىستەر مينيسترلىگىنىڭ ءتيىستى بۇيرىعى ازىرلەنىپ, جۇرگىزۋشى كۋالىگى مەن كولىك قۇرالىن تىركەۋ تۋرالى كۋالىكتىڭ جاڭا ۇلگىلەرىن بەرۋ مەرزىمى 2020 جىلدىڭ 1 ناۋرىزىنا دەيىن ۋاقىتشا توقتاتىلعان.
قازىرگى ۋاقىتتا ەسكى ۇلگىدەگى جۇرگىزۋشى كۋالىكتەرى بەرىلىپ جاتىر.
توقتاتۋ تۇرۋ تۋرالى بۇيرىق جوباسى اشىق نورماتيۆتىك-قۇقىقتىق اكتىلەر پورتالىندا كوپشىلىك نازارىنا ۇسىنىلعان. وندا قوعامدىق تالقىلاۋدىڭ مەرزىمى 22 قاڭتارعا دەيىن بەلگىلەنگەن.
