رۋحانيات • 10 قاڭتار، 2020

كوكوزەكتە ۇلتتىق قۇندىلىقتار ۇلىقتالدى

410 رەتكورسەتىلدى

تاتتىمبەت كاپ ۇلىنىڭ شاكىرتتەرى ۇلتتىق ءداستۇر تۋرالى جىرلارىن وقىپ، شارانىڭ كوركىن كىرگىزدى.

بۇگىن ءۇرجار اۋدانىنىڭ كوكوزەك اۋىلىندا «رۋحاني جاڭعىرۋ» باعدارلاماسى اياسىندا «ۇلت رۋحانياتى – ۇرپاق تاربيەسىنىڭ نەگىزى» اتتى اۋداندىق سەمينار ءوتتى.

«سەمينارعا ءۇرجار اۋدانى اكىمىنىڭ ورىنباسارى ءبىرجان تۇرلىبەكوۆ، اۋداندىق ىشكى ساياسات ءبولىمىنىڭ باسشىسى ەلدوس بەيسەنوۆ جانە ءبىلىم ءبولىمىنىڭ وكىلدەرى، اۋدان مەكتەپتەرىنەن كەلگەن دەنە شىنىقتىرۋ پاندەرىنىڭ وقىتۋشىلارى، وقۋشىلار جانە جاستار قاتىستى. شارانىڭ ماقساتى: حالقىمىزدىڭ عاسىردان جالعاسىپ كەلە جاتقان سالت-داستۇرلەرىن دارىپتەۋ، بۇركىت سالۋ، ات ۇيرەتۋ سياقتى ۇلتتىق ويىن تۇرلەرىمەن تانىستىرۋ.

شارانىڭ اشىلۋ سالتاناتىندا اۋدان اكىمىنىڭ ورىنباسارى ب.تۇرلىبەكوۆ سەمينارعا قاتىسۋشىلاردى قۇتتىقتاپ، شارانىڭ وتۋىنە ۇيىتقى بولعان تاتتىمبەت كاپ ۇلىنا اۋدان اكىمى س.ءزاينۋلديننىڭ العىس حاتىن تابىستادى.

اشىلۋ سالتاناتىنان كەيىن قاتىسۋشىلار مەكتەپتەگى ۇلتتىق كابينەتكە بارىپ، ۇلتتىق ويىنداردىڭ ەرەكشەلىگىمەن جانە ۇلتتىق ويىنداردىڭ ۇلگىلەرىمەن تانىستى. شارا قوناقتارى قۇس باپتاۋ جانە قامشى ءورۋ سەكىلدى ۇلتتىق قۇندىلىقتار جايىنداعى قۇندى ماعلۇماتتارعا قانىقتى. تاتتىمبەت كاپ ۇلىنىڭ شاكىرتتەرى ۇلتتىق ءداستۇر تۋرالى جىرلارىن وقىپ، شارانىڭ كوركىن كىرگىزدى. «ۇلت رۋحانياتى – ۇرپاق تاربيەسىنىڭ نەگىزى» اتتى تەوريالىق ساباقتان كەيىن قاتىسۋشىلار ات باپتاۋ، بۇركىت سالۋ سىندى قۇندىلىقتارىمىزدى تاماشالاۋ ءۇشىن مەكتەپ اۋلاسىنداعى ارنايى ورىنعا باردى.

شارا قوناقتارى ۇلتتىق ابزەلمەن كومكەرىلگەن ات مىنگەن اتبەگىلەر مەن اۋداننىڭ تۇكپىر-تۇكپىرىنەن جينالعان بۇركىتشىلەردىڭ ونەرىن تاماشالادى.

شارانىڭ سوڭى «مەن – قازاقپىن» دەپ اتالاتىن شىعارماشىلىق كەشكە ۇلاستى. كەش بارىسىندا ونەرپازدار ءوز ونەرلەرىن ورتاعا سالىپ، سەمينار قوناقتارىنىنىڭ ەرەكشە قوشەمەتىنە بولەندى. شارا سوڭىندا قاتىسۋشىلار اۋدان اكىمىنىڭ، ءبىلىم ءبولىمى باسشىسىنىڭ العىس حاتتارىمەن ماراپاتتالدى» دەلىنگەن اۋداندىق ىشكى ساياسات ءبولىمىنىڭ فەيسبۋكتەگى پاراقشاسىندا.

شىعىس قازاقستان وبلىسى،

ءۇرجار اۋدانى،

كوكوزەك اۋىلى

 سۋرەتتەر ءۇرجار اۋداندىق ىشكى ساياسات ءبولىمىنىڭ فەيسبۋكتەگى پاراقشاسىنان الىندى

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار