اۋىل شارۋاشىلىعى تاۋارلارىن وندىرۋشىلەرمەن كەزدەسۋدە اۋىل شارۋاشىلىعىنىڭ ءتۇرلى باعىتتارىن, اتاپ ايتقاندا مال شارۋاشىلىعىن سۋبسيديالاۋ ماسەلەلەرى تالقىلاندى. گەربيتسيدتەرگە ارنالعان سۋبسيديالاردى قايتارۋ جانە اۋىل شارۋاشىلىعى مينيسترلىگى اقپاراتتىق جۇيەلەرىنىڭ جۇمىسى تۋرالى ماسەلە قوزعالدى. اۋدان اكتيۆىمەن اڭگىمە بارىسىندا مىندەتتى الەۋمەتتىك مەديتسينالىق ساقتاندىرۋعا كوشۋ بارىسى مەن «اۋىل – ەل بەسىگى» باعدارلاماسى تالقىلاندى.
اۋداننىڭ پەداگوگيكالىق ۇجىمدارىندا 2020-2025 جىلعا ارنالعان ءبىلىم مەن عىلىمدى دامىتۋدىڭ جاڭا باعدارلاماسى جانە «پەداگوگ مارتەبەسى تۋرالى» زاڭ تالقىلاندى.
مۇعالىمدەر قابىلدانعان قۇجاتتارعا تولىق قولداۋ كورسەتتى. اۋىلدىق وكرۋگ اكىمدەرىمەن كەزدەسۋدە ءتورتىنشى دەڭگەيدەگى بيۋدجەت جۇمىسى, سونداي-اق جاڭا جۇيە بويىنشا اتاۋلى الەۋمەتتىك كومەك بەرۋ ماسەلەلەرى تالقىلاندى.
اكىمدەر اتاۋلى الەۋمەتتىك كومەككە ۇمىتكەر وتباسىلاردىڭ قارجىلىق جاعدايىن زەرتتەيتىن ۋچاسكەلىك كوميسسيالاردىڭ قۇقىقتارىن ارتتىرۋدى قولدادى, سونداي-اق 1 جاستان 18 جاسقا دەيىنگى بالالارعا زاتتاي تۇردەگى الەۋمەتتىك كومەكتى جەتكىزۋ مەن بەرۋ تۋرالى ۇسىنىستار ايتىلدى.
