پارلامەنت سەناتىنىڭ دەپۋتاتتارى مۇرات باقتيار ۇلى, بەكمىرزا ەلامانوۆ جانە دانا نۇرجىگىتوۆا جۇمىس بابىنداعى ساپار اياسىندا قىزىلوردا وبلىسىنداعى ارال اۋدانىندا, قاراتەرەڭ, قوسشار, قاراتەرەك جانە بوگەن اۋىلدارىندا بولدى.
دەپۋتاتتار اۋىل تۇرعىندارىمەن, شارۋا قوجالىقتارى مەن جاۋاپكەرشىلىگى شەكتەۋلى سەرىكتەستىكتەر ۇجىمدارىمەن, مۇعالىمدەرمەن, مەديتسينا قىزمەتكەرلەرىمەن, اۋداندىق ءماسليحات دەپۋتاتتارىمەن جانە اۋىل بەلسەندىلەرىمەن كەزدەسۋ وتكىزدى. سونىمەن قاتار «كوكارال» سۋ بوگەتىن ارالاپ, جۇمىستارىمەن تانىستى.
سەناتورلار تۇرعىندارعا «كوكارال» سۋ بوگەتىن جوندەۋ-قالپىنا كەلتىرۋ جانە جاڭعىرتۋ جۇمىستارى بويىنشا اعىمداعى جىلى جوبالاۋ-سمەتالىق قۇجاتتار ازىرلەۋگە قوسىمشا قارجى قارالىپ جاتقانىن جەتكىزدى.
كەزدەسۋ بارىسىندا سونداي-اق تاياۋدا سەناتتا قابىلدانعان «پەداگوگ مارتەبەسى تۋرالى» زاڭنىڭ ەلىمىزدەگى پەداگوگتەردىڭ قۇقىقتارىن كەڭەيتۋدى, اۋىرتپالىقتى ازايتۋدى, مۇعالىم ماماندىعىنا قويىلاتىن تالاپتاردى كۇشەيتۋدى, مۇعالىمدەردى ماتەريالدىق تۇرعىدا ىنتالاندىرۋدى, جاستاردى پەداگوگ ماماندىعىنا تارتۋدى كوزدەيتىن ەرەجەلەر جان-جاقتى تالقىلاندى.
* * *
الماتى وبلىسىنىڭ ىلە اۋدانىندا ءماجىلىس دەپۋتاتتارى ومارحان وكسىكباەۆ, ءابدىماناپ بەكتۇرعانوۆ, امانگەلدى داۋرەنباەۆ Nur Otan پارتياسىنىڭ اۋداندىق فيليالىندا ازاماتتاردى قابىلداۋ وتكىزدى.
كەزدەسۋگە قاتىسۋشىلار دەپۋتاتتارعا وزدەرىن تولعاندىرىپ جۇرگەن ماسەلەلەرىن ايتىپ, اقىل-كەڭەس الدى. قويىلعان ساۋالداردىڭ كوبى الەۋمەتتىك سالا, جۇمىسپەن قامتۋ جانە اۋىلدى اباتتاندىرۋ ماسەلەلەرىنە قاتىستى بولدى.
ماسەلەن, قاپيزا نۇرانوۆا دەپۋتاتتارعا جەتىگەن اۋىلىنداعى جاڭاتالاپ كوشەسىنىڭ جولىن جوندەۋگە ىقپال ەتۋىن سۇرادى. ءوتىنىش بەرۋشىلەردىڭ بارلىق وتىنىشتەرى مەن ۇسىنىستارىن تىڭداعان دەپۋتاتتار, ۋاكىلەتتى ورگاندارمەن بىرلەسىپ, قولدانىستاعى زاڭناما اياسىندا بۇل ماسەلەلەردى شەشۋگە كومەك كورسەتىلەتىندىگىن جەتكىزدى.
كەزدەسۋ بارىسىندا و.وكسىكباەۆ Nur Otan پارتياسىنىڭ دەپۋتاتتارى ءوز سايلاۋشىلارىمەن ۇنەمى بايلانىستا بولىپ, اۋىل تۇرعىندارىنىڭ پروبلەمالارىنا بارىنشا كوڭىل بولەتىنىن اتاپ ءوتتى.
حالىقتىڭ تىنىس-تىرشىلىگىنەن حاباردار بولعان دەپۋتاتتىڭ ايتۋىنشا, بۇگىنگى قابىلداۋ اۋدان تۇرعىندارىنىڭ بيلىكپەن ديالوگقا جانە جالپى ماسەلەلەردى بىرلەسىپ شەشۋگە دايىن ەكەندىگىن كورسەتتى.
* * *
ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى گۇلشارا ابدىقالىقوۆا مەن دەپۋتات ميحايل چيركوۆ ەلورداداعى «جاستار» تەاترىنىڭ ۇجىمىمەن كەزدەستى.
ءماجىلىس دەپۋتاتتارى, Nur Otan پارتياسى فراكتسياسىنىڭ مۇشەلەرى قازاقستان رەسپۋبليكاسى پرەزيدەنتىنىڭ نەگىزگى باعدارلامالىق قۇجاتتارى مەن باستامالارىن ىسكە اسىرۋ ءۇشىن قابىلدانعان زاڭنامالىق جاڭاشىلدىقتار, سونداي-اق ءماجىلىستىڭ زاڭنامالىق جۇمىستارى تۋرالى حاباردار ەتتى.
اڭگىمە بارىسىندا مادەنيەت سالاسىنداعى وزگەرىستەرگە ەرەكشە نازار اۋدارىلدى. گ.ابدىقالىقوۆانىڭ ايتۋىنشا, مەملەكەت باسشىسى قاسىم-جومارت توقاەۆتىڭ جولداۋى اياسىندا مادەنيەت قىزمەتكەرلەرىنە قولداۋ كورسەتۋدىڭ ناقتى شارالارىن قاراستىراتىن «مادەنيەت تۋرالى» زاڭعا تۇزەتۋلەر ازىرلەۋ تاپسىرىلدى. بۇعان مادەني قولداۋ قورىن قۇرۋ, تسيفرلاندىرۋ ماسەلەلەرى جانە كونتسەرتتىك قىزمەتتى رەتتەۋ كىرەدى. سونداي-اق, وسى جىلدىڭ بيۋدجەتىندە تەاتر قىزمەتكەرلەرىنىڭ جالاقىسىن كوتەرۋگە قاراجات قاراستىرىلعان.
ءوز كەزەگىندە تەاتر ارتىستەرى «مەملەكەتتىك ساتىپ الۋ تۋرالى» زاڭعا ءتيىستى وزگەرتۋلەر ەنگىزۋدى كوزدەيتىن دەكوراتسيا مەن ساحنالىق كوستيۋمدەردى ساتىپ الۋمەن بايلانىستى پروبلەمالار تۋرالى ايتتى.
* * *
ءماجىلىس دەپۋتاتتارى, Nur Otan پارتياسى فراكتسياسىنىڭ مۇشەلەرى ايزادا قۇرمانوۆا, ايگۇل نۇركينا جانە الەكساندر سۋسلوۆ پاۆلودار وبلىسى تەرەڭكول اۋدانىنىڭ پەسچانوە اۋىلىنىڭ تۇرعىندارىمەن كەزدەستى.
دەپۋتاتتارمەن كەزدەسۋگە ەڭبەك ارداگەرلەرى, مۇعالىمدەر, مەديتسينا قىزمەتكەرلەرى, جاستار, كاسىپكەرلەر, شارۋا فەرمەر قوجالىقتارىنىڭ باسشىلارى, پەسچان مەحانيكالىق-جوندەۋ زاۋىتىنىڭ وكىلدەرى قاتىستى.
اڭگىمە بارىسىندا ءماجىلىس دەپۋتاتى ايزادا قۇرمانوۆا دەپۋتاتتار مەن سايلاۋشىلار اراسىنداعى تىكەلەي بايلانىس ايماقتاردان وبەكتيۆتى اقپارات الۋ جانە ونى ءارى قاراي زاڭنامالىق جۇمىستاردا پايدالانۋ ءۇشىن قاجەت ەكەنىن اتاپ ءوتتى.
دەپۋتاتتار اۋىل تۇرعىندارىن ەلىمىزدە جۇرگىزىلىپ جاتقان رەفورمالار تۋرالى حاباردار ەتتى. اتاپ ايتقاندا, 2020 جىلدىڭ 1 قاڭتارىنان باستاپ مىندەتتى مەديتسينالىق ساقتاندىرۋدى ەنگىزۋ, كوپ بالالى وتباسىلار ءۇشىن جاڭا فورماتتاعى مەملەكەتتىك جاردەماقىلار, جاڭا ااك تاعايىنداۋ ەرەجەسى جانە باسقا ماسەلەلەر قوزعالدى. سونداي-اق جەرگىلىكتى ءوزىن-ءوزى باسقارۋ بيۋدجەتىن قالىپتاستىرۋ جانە ىسكە اسىرۋ ماسەلەلەرى تالقىلاندى.
اۋىل تۇرعىندارى سۋ تازارتۋ قۇرىلىسىن قايتا قۇرۋ ماسەلەسىنە الاڭداۋشىلىق ءبىلدىرىپ, حالىق قالاۋلىلارىنان وسى ماسەلەنى شەشۋگە كومەك كورسەتۋدى سۇرادى.
– ەلباسىنىڭ تاپسىرماسى بويىنشا جۇزەگە اسىرىلاتىن «اۋىل – ەل بەسىگى» باعدارلاماسىن جۇزەگە اسىرۋعا ۇلكەن ءۇمىت ارتامىز, – دەپ اتاپ ءوتتى دەپۋتات ايزادا قۇرمانوۆا. – ناقتى قادامدار قابىلدانۋدا, ميللياردتاعان بيۋدجەت قاراجاتى اۋىلدىق جەرلەردە ءومىر ءسۇرۋ ساپاسىن ارتتىرۋعا, اۋىلدىق ەلدى مەكەندەردىڭ الەۋمەتتىك جانە ينجەنەرلىك ينفراقۇرىلىمىن دامىتۋعا باعىتتالعان, – دەدى دەپۋتات.
