..ماقتان تۇتادى
ەڭبەك ەتكەننىڭ ەڭسەسى بيىك
ءتورت ت ۇلىك ءوسىرىپ, اتا-بابا كاسىبىن دامىتۋعا ەرەكشە دەن قويعان مولدەكەنوۆتەر وتباسى بۇل كۇندەرى ءوز كاسىبىن دوڭگەلەتىپ وتىر.
جومارت مولدەكەنوۆ اعايىن-تۋىستارىمەن بىرگە وزبەكستاننان ايىرتاۋ اۋدانىنا قونىس اۋدارعان. بۇل ءوڭىر مال شارۋاشىلىعىمەن اينالىسۋعا وتە قولايلى. اۋىلعا كوشكەن وتباسى باستاپقىدا 30 باس مال ساتىپ العان. جىل وتكەن سايىن مال باسى كوبەيىپ, تابىس مولايا تۇسكەن.
ء«ىرى قارانىڭ تۇقىمىن جاقسارتپاي, جوعارى ءونىم الامىن دەۋ – بوس اۋرەشىلىك», دەيدى مالساق جان. ءسويتىپ اسىل تۇقىمدى ءىرى قارا مالىن وسىرۋمەن اينالىسادى. بۇل ماقساتىن جۇزەگە اسىرۋ ءۇشىن مەملەكەتتىك باعدارلامالاردىڭ كومەگىنە سۇيەنەدى. 2012 جىلى «بيزنەستىڭ جول كارتاسى-2020» باعدارلاماسىنىڭ ەكىنشى باعىتى بويىنشا ءبىلىم العاننان كەيىن اۋىل شارۋاشىلىعىن قارجىلاي قولداۋ قورى ارقىلى نەسيە راسىمدەگەن. بۇل قاراجاتقا 13 باس مال ساتىپ العان.
قازىرگى ۋاقىتتا جومارتتىڭ شارۋا قوجالىعىندا 120 سيىر, 40-تان استام قوي بار. ونىڭ سوزىنە قاراعاندا, اۋىل تىرشىلىگى قاۋىرت, تاڭنىڭ اتىسىنان كۇننىڭ باتىسىنا دەيىن تىنىم جوق. ەڭبەك ەتكەننىڭ ەڭسەسى بيىك. مال ۇستاپ, كاسىبىن دوڭگەلەتەمىن دەگەندەرگە جول اشىق. بىلتىر تاعى 10 ميلليون تەڭگە نەسيە راسىمدەگەن. وعان جاڭا مال قوراسىن تۇرعىزىپ, ەلەكتر جەلىسىن تارتقان. جاقىن جەردەن قۇدىق قازىپ العان. بەيبارىس, اقجول ەسىمدى ۇلدارى دا اكەلەرىنە قولعانات. زايىبى وكسانا تۇلەكوۆا – ءتىل ۇيىرەر ءدامدى قايماق, ماي, ىرىمشىك, قۇرت دايىنداۋدىڭ بەساسپاپ شەبەرى. ونىمدەردى اۋدان, وبلىس تۇرعىندارىنا وتكىزەدى.
«اۋىلدا جۇمىس جوق» دەگەن اڭگىمە – جاتىپىشەر جالقاۋدىڭ سىلتاۋى عانا. ەرىنبەي, جالىقپاي ەڭبەك ەتكەن ادامعا قاي جەردە دە كاسىپ تە, ءناسىپ تە بار, دەيدى جومارت مولدەكەنوۆ.
قانات اتامانوۆ
سولتۇستىك قازاقستان وبلىسى
...تالاپ ەتەدى
ەسكەرتكiشتەرگە ءمان بەرەيiك
وسى ماقالانى جازۋىما مىنا جاعداي تۇرتكi بولدى. بىردە نۇر-سۇلتان قالاسىندا وتكەن بiر جيىنعا قاتىسىپ, وندا ءارتۇرلi تاقىرىپتا ءسوز قوزعالدى. سوندا بiر ازامات قازاقستان قالالارىنداعى ەسكەرتكiشتەر تۋرالى ايتا كەلiپ: «ارقالىق قالاسىنداعى مۇراجاي الدىندا تۇرعان لەنين ەسكەرتكiشiن ۇرلاپ كەتپەسiن دەپ, جانىنا كەيكi باتىردىڭ ەسكەرتكiشiن ورنالاستىرىپتى. بiر كورگەندە, قۇددى لەنيندi كەيكi بابامىز قورعاپ تۇرعانداي كورiنەدi ەكەن», دەدi. كەيكi اتامىز – قازاق ۇلتى ءۇشiن كۇرەسكەن, ازاتتىق ءۇشiن باسىن بايگەگە تiككەن باتىر. بiراق سولاقاي ساياساتتىڭ كەسiرiنەن «حالىق جاۋى» اتانىپ, اتىلىپ كەتتi.
ارقالىق قانا ەمەس, قازاقستاننىڭ تۇكپiر-تۇكپiرiنەن ءالi دە لەنيننiڭ, قاپتاعان كوميسسارلار مەن رەۆوليۋتسيونەرلەردiڭ, بولشەۆيكتەردiڭ ەسكەرتكiشتەرiن كەزدەستiرەمiز. بۇلاردى دەمالىس ورىندارى مەن قالا ورتالىقتارىنان دا كورۋگە بولادى. تاۋەلسiزدiك العانىمىزعا كوپ وتسە دە, ءالi دە سول ادامداردىڭ ەسكەرتكiشتەرiنەن ارىلا الماي كەلەمiز. سولاردىڭ ورنىنا ەسكەرۋسiز قالىپ جاتقان باتىر بابالارىمىزدىڭ ءمۇسiنiن نەگە ويىپ تۇرىپ قويماسقا؟ وسى ماسەلەنi شۇعىل قولعا الاتىن كەز كەلگەن سياقتى.
سەرiك بالتابەك ۇلى
ارقالىق قالاسى
...قولداۋ بىلدىرەدى
«ادالدىق ساعاتى» اكتسياسى
شەتپەدەگى ماڭعىستاۋ تەحنيكالىق كوللەدجىندە جالپىرەسپۋبليكالىق «ادالدىق ساعاتى» اكتسياسى ءوتتى. اكتسيا اياسىندا وتكەن شاراعا ماڭعىستاۋ اۋداندىق جاستار ورتالىعىنىڭ باسشىسى اللابەرگەن قونارباەۆ, كوللەدج ديرەكتورى بەرىك امانيازوۆ, كوللەدج پسيحولوگى التىنگۇل جىلقىشيەۆا جانە ۇستازدار مەن ستۋدەنتتەر قاتىستى.
جيىندا كوللەدج باسشىسى بەرىك بولات ۇلى ستۋدەنتتەرگە سىبايلاس جەمقورلىقتى جويۋ, سونداي-اق ءبىلىم سالاسىنداعى جەمقورلىقتىڭ الدىن الۋ شارالارى تۋرالى ويىن ورتاعا سالدى. «سىبايلاس جەمقورلىق – زامانمەن بىرگە ءوسىپ-وركەندەپ, نەبىر تەگەۋرىندى قارسىلىقتارعا توتەپ بەرىپ, قايدا مول قاراجات, پايدا بولسا, سول جەرگە تامىر جايىپ, بۇگىنگە دەيىن جويىلماي وتىرعان قاۋىپتى كەسەلدىڭ ءبىرى. رەسپۋبليكامىزدىڭ تۇڭعىش پرەزيدەنتى ن.ءا.نازارباەۆ حالىققا ارناعان جولداۋىندا ۇلتتىق قاۋىپسىزدىك پەن قوعامدىق تۇراقتىلىققا تونگەن قاتەر رەتىندە سىبايلاس جەمقورلىققا قارسى كۇرەس جونىندەگى جالپىۇلتتىق كەشەندى باعدارلامانى دايەكتى تۇردە جۇزەگە اسىرۋدىڭ قاجەتتىگىن ايتىپ, جەمقورلىققا قارسى كۇرەس جالپى بارشا حالىقتىڭ بورىشى ەكەنىن اتاپ كورسەتتى. سوندىقتان بۇگىنگى كۇننىڭ وزەكتى تاقىرىبى كۇن تارتىبىنەن تۇسپەك ەمەس», دەدى بەرىك بولات ۇلى.
ال جاستار ورتالىعىنىڭ باسشىسى ا.قونارباەۆ ەلباسىنىڭ قاتىسۋىمەن وتكەن «نۇر وتان» پارتياسى ساياسي كەڭەسىندەگى ماسەلەلەردى العا تارتا كەلە: «سىبايلاس جەمقورلىق سىلىپ تاستايتىن سىرتقى جارا ەمەس, بۇل تامىرىن تەرەڭگە جايعان, وزگە ساۋ اعزالارىن شىرماپ, تىنىس-تىرشىلىگىن تارىلتاتىن, ءسويتىپ ولاردىڭ تولىققاندى قىزمەت ەتۋىنە قاتەر توندىرەتىن قاۋىپتى كەسەل. ونى ەمدەمەس بۇرىن اۋرۋدىڭ پايدا بولۋ, دامۋ, تارالۋ جولدارىن ءبىلىپ, دەرتتىڭ قوزۋىنا قولايلى جاعداي تۋىنا جول بەرمەۋ كەرەك. ول ءۇشىن بۇل اۋرۋعا قوعام بولىپ قارسى تۇرۋىمىز قاجەت», دەگەن تۇجىرىم جاسادى.
شارا سوڭىندا ستۋدەنت جاستار ساۋالدارىن قويىپ, ناقتى جاۋاپتارىن الدى.
ايدانا امانگەلدىقىزى,
ماڭعىستاۋ اۋداندىق جاستار ورتالىعىنىڭ مامانى
ماڭعىستاۋ وبلىسى,
ماڭعىستاۋ اۋدانى
