ماسەلەن, سۇلەيمەن دەميرەل ۋنيۆەرسيتەتى تۇلەكتەرى بىرىگىپ 2017 جىلدىڭ جەلتوقسانىندا AR 1 جۇمىسىن جاساي باستادى. كوماندا بىرنەشە مامانداردان قۇرالادى. ولار – ارمان ۋسۋپوۆ, 2D جانە 3D انيماتور; باقىتجان شابدۋكاريموۆ, 3D-مودەلەر; IT ازىرلەۋشىسى نۇربەك مولداعاليەۆ جانە ءونىم مەنەدجەرى نۇرسۇلتان ءاجىمۇراتوۆ. تالماي ەڭبەك ەتۋ مەن بىلىمگە دەگەن قۇشتارلىقتىڭ ناتيجەسىندە Sana Cards اتتى كارتالار دۇنيەگە كەلدى.
Sana Cards – بۇل سمارتفوندار ءۇشىن كەڭەيتىلگەن قوسىمشا, ونىڭ نەگىزگى مىندەتى بالالارعا ويىن ۇيرەتۋ. جوبا ەكى كەزەڭدە جۇزەگە اسىرىلدى: فيزيكالىق كارتالاردى دايىنداۋ جانە Android جانە iOS ءۇشىن قوسىمشالار ازىرلەۋ. وسىلايشا وسى قوسىمشالاردىڭ كومەگىمەن بالا جانۋارلار مەن وسىمدىكتەردىڭ انيماتسيالىق جانە داۋىستى 3D مودەلدەرىن كورە الادى جانە ولار تۋرالى قىزىقتى فاكتىلەردى اۋديو بايانداۋ ارقىلى بىلە الادى.
Sana Cards جوباسىنىڭ ماقساتى – اتا-انالارعا, بالالارعا جاڭا تىلدەردى جانە جالپى ءبىلىمدى ىڭعايلى تۇردە ۇيرەتۋ. قازىرگى تاڭدا, بالالاردىڭ وقۋ پروتسەسى, ءبىلىمدى قابىلداۋ مادەنيەتى جاڭاشا جانە 10 جىل بۇرىنعى بۋىنمەن سالىستىرۋعا كەلمەيدى. سوندىقتان تەحنولوگياداعى جاڭاشىلدىقتاردى پايدالانۋ, ولاردى قىزىقتىرۋدىڭ باستى قوزعاۋشىسى دەسە دە بولادى. سەنسورلىق جاتتىعۋلار مەن قول جاتتىعۋلارى وقۋدا فەنومەنالدى جەتىستىكتەرگە جەتۋگە ىقپال ەتەدى.
جانۋار 4D – «قازاقستاندا جاسالعان» ساۋدا ماركاسىمەن شىعاتىن 100% وتاندىق ءونىم. بۇل كەڭەيتىلگەن قوسىمشانى پايدالاناتىن بالالارعا ارنالعان ءبىلىم كارتالارى. AR تەحنولوگياسىنىڭ كومەگىمەن قىزىقسىز پاراقتار جاڭاشا كەلبەتكە يە بولىپ, ونداعى جانۋارلار تىرىلەدى, بالالار جانۋارلارمەن ءتىپتى ديالوگقا دا تۇسە الادى جانە ماتەريالدىڭ ءمانىن ءتۇسىنۋ وڭايعا سوعادى. دايىنداۋشىلاردىڭ پىكىرىنشە, Augmented Reality اسەرىنەن (بەينەگە ناقتى ۋاقىت رەجىمىندە 3D گرافيكاسىن ەنگىزۋ) وقۋ پروتسەسى وتە قىزىقتى جۇرەدى.
– اتا-انالار Sana Card كارتالارىن جەرگىلىكتى ويىنشىقتار مەن كىتاپ دۇكەندەرىنەن ساتىپ الا الادى. قوراپ وسىمدىكتەر مەن جانۋارلارى بار 40 كارتوچكانىڭ جيىنتىعىنان تۇرادى. سونىمەن قاتار قوراپتىڭ ىشىندە قوسىمشانى ورناتۋعا ارنالعان نۇسقاۋلىق بار. قوسىمشا 3 تىلدە قازاقشا, ورىسشا, اعىلشىنشا جۇمىس ىستەيدى. اتا-انالاردىڭ پىكىرلەرىنشە, بالالاردىڭ جانۋارلاردى زەرتتەۋدەگى قىزىعۋشىلىعى ارتا تۇسكەن جانە ءتىل ۇيرەنۋدەگى جەتىستىكتەرى دە كوز قۋانتارلىق. بۇل ناتيجەلەر ءبىزدى وسى جوبانى قولداۋعا جانە ونى ودان ءارى دامىتۋعا شابىتتاندىرادى, دەيدى ارمان ۋسۋپوۆ.
ينتەللەكتۋالدى جوبانى تولىعىمەن دامىتۋ ءۇشىن ستارتاپ مۇشەلەرى جانۋار 4D جوباسىن التى ايدا, ال Baqsha 4D قوسىمشاسىن ءۇش ايدا جاساپ شىقتى. بۇل جۇمىستارعا, نۇرسۇلتان ءاجىمۇراتوۆتىڭ ايتۋىنشا, 3 ميلليون تەڭگە جەكە قاراجات جۇمسالدى.
سونداي-اق 2017 جىلدىڭ اقپان ايىندا جوبانىڭ نەگىزىن قالاۋشىلار نۇرسۇلتان ءاجىمۇراتوۆ پەن ازامات تولەگەنوۆ 8-14 جاس ارالىعىنداعى بالالارعا ارنالعان العاشقى ءىت اكادەمياسىن اشقان بولاتىن, ونىڭ نەگىزىندە بالالار روبوتتەحنيكا, باعدارلامالاۋ, گرافيكالىق ديزاين, بەينەنى وڭدەۋ, انيماتسيا جاساۋ باعىتتارى بويىنشا جان-جاقتى كومپيۋتەرلىك ءبىلىم الادى. IT-اكادەمياسىنىڭ جاس زەرتتەۋشىلەرى روبوتتاردىڭ 12 ءتۇرىن, 30 ەرەكشە ويىن تۇرلەرىن ويلاپ تاپتى, 600-دەن استام بەينەروليكتەردى وڭدەدى.
كوماندانىڭ جاقىن ۋاقىتتاعى جوسپارى بالالاردىڭ زەيىنىن دامىتۋ ءۇشىن ءۇش تىلدە ءتۇرلى تاقىرىپتاعى «جەمىستەر مەن كوكونىستەر», «كوسموس», «قازاق سالت-داستۇرلەرى» اتتى بىرنەشە ءموبيلدى قوسىمشا قۇرۋ. سونىمەن قاتار ىشكى ءتۋريزمدى ناسيحاتتاۋ ماقساتىندا «ۆيرتۋالدى كيىز ءۇي» جوباسىن ىسكە قوسۋدى جوسپارلاپ وتىر. جوبانىڭ تۇجىرىمداماسى بويىنشا كەز كەلگەن ادام بولمەگە كىرىپ, ارنايى VR كوزىلدىرىگىن كيىپ, وزدەرىن XVII-XVIII عاسىرلارداعى قازاقتىڭ كيىز ۇيىندە جۇرگەندەي سەزىنە الادى.
